話說我電完髮後今日先第一次見我honey,我o地約o左下午出旺角行波鞋街,honey先係總站上車,之後我就係另一個站上車會honey!!
我上到上層喇,係我前面有個中年男人,佢本來想坐我honey霸俾我個位,咁好正常地我honey緊係話有人坐唔好意思啦!!!咁我跟住就行到honey身邊,想坐落個位度,點知honey對住我講"唔好意思,個位有人!",我呆o左一秒,然後用手打我honey個頭話"你傻o左呀!!!????"!!!!!
原來Honey完全認唔到我呀,佢話我個新髮型令我即刻老o左幾年,認唔到呀...激死我呀!!!!之後行街,honey都一直提住唔多鍾意我呢個新Look...真係慘!!!
行完波鞋街行瓊華,個商場安排o左好幾隻鬼搞氣氛,其中有一隻特別得人驚...(我好細膽的,特別怕o個d核突面具!),於是行成個商場我都提心吊膽,其中有隻僵屍嚇我,我即刻'lei'埋係我Honey背面,另一個工作人員之後向我遞上一個南瓜兜,原來入面裝滿萬樂珠,"tricks or treats",哈哈,嚇一嚇後原來有糖食!!!你o地話啦,我細膽成咁點去哈佬喂喎!
似乎同你去哈佬喂應該會幾好玩...hahahah
回覆刪除我諗你睇見我d反應會Happy d囉 ,我就覺得貼錢買難受...所以到而家都未去過呀!!
回覆刪除我之前電頭髮既時候，我男友都係咁講呀，話我老左幾年呢，仲叫我唔好再有下次呢﹗
回覆刪除似乎男友們對自己女友髮型上o既轉變都比較保守呢,哈哈!!!
回覆刪除女仔都係直髮靚啲, 曲髮的話要電得好好先掂!!
回覆刪除我阿bee又讚我個新曲髮喎! 我整個頭時都千叮萬囑叫個stylist整young look d的曲髮，不過我都認為唔易，曲髮大多都會成熟d。我地都仲青春，成熟d又怕咩呢! 其實你個新look都幾靚呀，得閒轉下形象呀!
回覆刪除我前面o的陰係曲頭髮的 (teenage 之後就開始變曲了, childhood 時我係直頭髮的), 所以我反而會去電負離子直髮, 因為我頭髮太多, 又乾旱, 好似鬆毛狗咁, 梳完好似冇梳. 幸好近日我頭髮又開始改善了, 冇咁鬆, 上次的髮型師介紹了不錯的東西給我.
回覆刪除