中國味道

honey太忙,今日我又要自己搵節目,好彩仙廸陪我,我o地去o左旺角行街!!!由於仙廸將要帶一班公公婆婆表演,所以今日主要行程係搵唐將衫!!!

開頭我o地都以為好難搵,但原來只要細心留意,花園街同女人街都有好多檔埋唐裝衫,價錢都有平有貴,有d款都幾靚,想像一下公公婆婆們著起一定男o既帥女o既嬌,哈哈!!!

除o左睇唐裝衫,我o地仲睇燈籠!!!細個硬係鍾意d會出聲同係卡通公仔o既燈籠,而家就覺得d傳統燈籠勁靚,好似金魚燈籠咁!!!仙廸忍唔住買o左個兔仔燈籠,仲順手買埋蠟燭,我記得上年中秋我無玩過蠟燭,硬係覺得唔似過中秋,今年點都要過番個似樣d o既中秋先得!!!

估唔到今日shopping都可以咁有中國味道!!