搵好律師行動要快!!

今日honey好乖,打o左俾Jenny推介o既律師問證婚o既o野,當honey話我知個律師表示有另一對新人早兩天亦查詢過09年6月20日時,我個心真係跳得好快!!!!

之前上網睇過呢個律師真係好有口碑,所以當我知道律師以收到表格為先時,我真係好心急想即刻填表,點知撞正食飯,無奈要出去,搞到我成餐飯都心掛掛呢!!!!

番到office唔理三七廿一即刻填表,都唔理會唔會太公開會俾同事睇到...哈哈...搞掂, send!!!!!

Yeah,終於send o左,Honey仲好叻唔使我提就自動打去律師度confirm收唔收到,太好喇,咁都俾我o地捷足先登喎!!!

過兩日律師會草擬好結婚通知書send俾我o地睇,其實我而家都未知其實係咩,可能就係話會公開張貼睇o下有無人反對o個份啦,之後就會相約同律師見面,好緊張,不過亦好放心,因為從網上o既口碑再加我honey o既形容,我可以百分百相信佢係一個好律師!!!

成晚婚宴氣氛好壞同莊嚴與否都幾靠個律師o架,好彩我o地行動夠快,認真幸運呢,而且,終於證明我咁早籌備結婚絕對唔係太快同太緊張,係真有需要o架!!!!