私事忙,公事又忙,仲有奧運都要忙,嘩,做乜d o野一次過湧埋o黎咁o架...
2008年7月31日 星期四
2008年7月27日 星期日
睇戒子
今日,honey陪我出旺角,先去o左旺角咖喱大王食咖喱,之後就去先達睇電話,今日天氣真係超級熱同焗,好辛苦呢!!
睇完電話上新世紀睇戒子,其實之前都睇過,但無今日睇得咁仔細,差唔多間間都試晒咁滯,哈哈!!!本來我o地好耐之前係ctf2已經睇中o左一隻,但一路我都覺得佢個圈太厚,會un手指,今日再試,感覺依然係咁,真係唔知戴慣o左後會唔會唔覺...
其實PN都有一對同ctf2差唔多o既,而且粒石細d平d又無咁厚,所以PN都可能係一個好option!!!不過,PN得某幾張卡先有折,而偏偏我仲未簽夠數拎迎新禮物o個張無折,um...真係煩!!!
之後我o地上六樓睇o左陣傢俬,有件傢俬幾型o架,但尺寸唔o岩,又無得訂造,真係可惜!!!
下午,同honey努力下,終於清理埋剩低發晒霉o既乾花,108支入 面total留得番o既得二十幾支咁上下啦,哈哈!!!
P.S. 今日睇o既其中一間係周生生,但o個兩個sales好差,只拎貴價貨俾我o地睇,又好hard sell,猛叫我o地即刻買,又狂讚我戴某一隻貴價貨好睇,我o地話唔買住要再睇o下先就黑面...嘩,今時今日呢d係咩服務態度呀,仲要係大金行喎,真係令人失望!!
風雲變色
今日天氣真係超級熱同焗,好辛苦,所以睇完電話我o地就上新世紀行街,仲睇到用lego砌o既奧運場館添,好得意呀!!!!
場館內的Toilet,好搞笑!! 小食部!!廚師賣緊o野食!!
馬術比賽場地!!
仲有水立方同鳥巢!
行完個幾鐘會程,嘩,做乜火車車箱咁濕,好似落完雨咁o既,車箱入面好多人都好奇怪,跟住,間車駛出露天位置,嘩,個天做乜咁黑咁暗???同個幾鐘前好似兩日天氣咁o既!!!!!到站落車行番屋企,嘩,個地濕晒,仲有好多斷樹支係地,好似打完八號風咁,我同honey都覺得好怪!!!
夜晚睇新聞先知,原來今日香港真係個幾鐘內風雲變色,粉嶺仲落雹添呀,我媽都話我知,出面個海d白頭浪仲勁過打風時,密到好似魚鱗咁喎,哈哈!!!
2008年7月26日 星期六
我唔見o左電話呀!!
今日又要做義工,不過今日都幾特別,因為大家第一次著full uniform,哈哈,雖然對於要番義工無乜感覺,但估唔到第一次著起成套制服,心情會咁興奮!!!
雖然o岩o岩訓醒面腫腫,但還是忍唔住影低自己呢個義工look!!
本來話今日係rehearsal,但估唔到原來係真o野,所以我負責o既section完全進入作戰狀態,心情都有d緊張,不過好彩我上年有經驗,所以過程中除o左要暴曬外(由於我唔想曬黑,所以戶外時我都戴晒帽著住風褸,個個都話我勁,唔怕去...哈哈!!）,其餘都OK!!
好喇,朝九晚六終於完喇,去到火車站諗住打電話,點知...
我個電話呢?????????????????????????????????????
諗番...我印像中對上一刻見過個電話係送reports去場內某地方途中,我估計係我手上面拎住電話,放低俾人簽收文件後唔記得拎番...義工朋友幫我打番自己電話搵,點知電話已經唔通...睇o黎兇多吉少...而且我距離我估計唔見電話o既時間已經三個鐘,o個度無晒人,就算真係留o左係場館內,都無人o係度幫到我搵...
眼濕濕咁番到屋企,即刻打俾honey話佢知我唔見電話,佢話唔怪得三點開始打足成個下午個電話唔通...噢,三點...時間真係match...但照道理簽收o既職員發現我留低電話都應該識通知番我o地department嘛...唉...希望呢個世界真係有好人,真係有奇跡啦...我十成肯定係會場唔見,又有六成肯定個地點...我真係仲抱有點點希望,好想好想搵番我呢個寶貝電話,因為...其實熟我o既朋友都知我好鍾意研究電話,買之前做足research,所以我部部自己買o既手機都一定係好鍾意先買,所以,今次唔見電話我其實最唔開心唔係唔見晒d contact,而係唔見o左一部自己好鍾意o既'玩具'...嗚...
Honey最後講o左句,話我好似部部電話都'死於非命'...又好似係喎,我自己出錢買o既電話第一部跌落廁所,呢部又'唔見o左'...唉...!!!
P.S. 有份幫我搵電話o既義工同爸爸都安慰我,叫我換部iPhone 3G...
2008年7月22日 星期二
排版排到天昏地暗、頭昏腦脹...
呢排忙於整o既有Logo同埋婚紗相執相同排版,仲有間中key相模擬新屋設計!
雖然我本身都好鍾意整wallpaper同整homepage,所以對photoshop o既基本應用有所認識,但始終我同honey都無讀過設計,所以為o左執少少效果,往往要花好多時間,好似只係設計一個logo咁,就算我晚晚整,都整O左差唔多成個月,都真係幾花精神o架!!!
至於呢排就忙排版,好煩呀,因為排版唔係想像中簡單,又想d相大大張,但又相一版放多幾張相...好難平衡,而且要放多幾張相,即係話我要執多幾張相,所以有時用o左成晚時間都排唔好一版o架...
我目標係想整十二三版誇頁,而家排好而又滿意o既得兩三誇頁咋...但其實我已經整o左半個月喇...好慢呀...遲d我仲想自己整成長片添o架,整呢d圖片都咁耐,整成長片會唔會要整半年先得o架...
嗚...
Anyway,雖然係就係辛苦少少,但我可以自己親手為我倆的婚禮做設計,其實都係值得高興o既,因為樣樣都親力親為,可以增加我同honey o既投入感,到本相簿真係整好時就會更加珍惜,當佢寶貝一樣,唔會結完婚後放落床下底o卦...!!!哈哈!!
加油,希望奧運前我可以排好d版啦!!!
2008年7月21日 星期一
妒忌我細佬!!!
其實佢仲未算正式畢業,好似仲有少少credit未讀完,不過佢o既搵工過程超級順利,短短時間已經有三個offer,可以俾佢慢慢揀!!!
尋日佢正式 話我知佢決定o左做邊份喇,份工o既offer仲要係超級好,好到令我好妒忌,真想叫佢番o左工後有空缺一定要介紹我...
想當年我係SARS後一年畢業,巿道仲好差,我當時又唔知自己鍾意做咩工,結果就揀o左Marketing!!都唔知係咪Marketing係咪太多競爭,而我又唔識寫resume同interview,當時我用o左半年時間都係in得幾份,最終搞到年頭先搵到工...
雖然,經過年幾o既深思,而家最終揀o左IT呢一行,之後搵工o既路順利o左好多,都係一in就有offer,不過自己始終覺得自己浪費o左頭兩年光陰...
而家睇見我細佬同樣都係做I.T, 搵工仲咁順利,人工又超好,好到我都想即刻轉工過去,真係百般滋味在心頭...
對於將來o既路,我真係有d迷惘o架,仲記得我之前入o左間美國大公司,但因為自己仲後生,覺得除非自己想穩穩定定做到退休,否則留o係度只會學唔到o野,到第二日想轉工就煩,所以就放棄o左五點幾放工呢份優差,轉o左o黎做consultant學o野...
但而家,我又間唔中想過番以前o既生活喇,想搵間大公司穩穩陣陣過埋下半世,所以睇見我細佬入o左間大機構,人工福利又好,穩打穩札,搞到我真係好妒忌...其實,我都知我呢種心態唔多好,但自細細個我已經唔想做o野...
唉...我係咪好無大志呢?
2008年7月19日 星期六
婚禮進度: 倒數十一個月
同上個月一樣,呢個月咩進展都無...
| 主要事項 | ||
| 1 | 大日子 | 2009年6月20日(星期六) |
| 2 | 酒席 | 萬麗海景酒店 Oasis Room |
| 3 | 註冊地點 | 6pm@萬麗海景酒店 Oasis Room |
| 4 | 律師 | Anthony Lam |
| 5 | 化妝 | Meggie Yeung @ Red's Beauty |
| 6 | 攝影攝錄 | Lilam & Roger |
| 7 | Snapshot | Andersen Chan |
| 8 | 婚紗禮服&褂 | 羅浮宮 |
| 9 | 婚紗相 | Sarona Studio (已影) & 麥田映像(未book) |
| 10 | 婚紗相相簿 | 未搵 |
| 11 | 小禮物 | 有少少idea,但可以慢慢再睇多d |
| 12 | 租車 | 未搵 |
| 13 | 印帖 | 未搵 |
| 14 | 婚前檢查 | 未搵 |
| 15 | 戒子 | 有睇緊,未有心水 |
| 16 | 餅卡 | 美心, 唐餅未買 |
| 17 | 場地佈置 | 未諗點整,可能DIY |
| 18 | 伴娘伴郎 | Natalie & Mark |
| 19 | 兄弟姊妹名單 | 未確實confirm |
| 衣飾類 | ||
| 20 | 奶奶衫/媽咪衫 | 未搵 |
| 21 | 姊妹衫 | 未諗 |
| 22 | 兄弟tie | 未諗 |
| 23 | 新睡衣 | 未搵 |
| 24 | 飾物 | 化妝師同羅浮宮都包,但可能會自己再買 |
| 25 | 婚紗鞋 & 褂鞋 | 買o左閃石涼鞋,可能會再買婚紗鞋,褂鞋未搵 |
| 26 | 禮服鞋 | 已買 |
| 27 | 禮服裇衫 | 已買 |
| 28 | Girdle/束褲 | 未搵 |
| 29 | 花球 | 未搵 |
| 30 | 主婚人襟花 | 酒店包,但唔知夠唔夠 |
| 31 | 兄弟襟花、姊妹手花 | 未搵 |
| 中式禮儀類 | ||
| 32 | 擇各事項吉時 | 未做 |
| 33 | 過大禮用品 | 未買 |
| 34 | 上頭用品 | 未買 |
| 35 | 安床 | 未做 |
| 36 | 嫁妝 | 未買 |
| 37 | 利是封、貼紙、囍字貼 | 未買 |
| 38 | 花車裝飾 | 未買,亦唔會買車頭公仔,我同honey都唔鍾意 |
| 39 | 男女家對聯 | 未買 |
| 40 | 茶壺 | 未買 |
| 41 | 蓮子、紅棗、米、紅豆及綠豆 | 未買 |
| 42 | 紅繩 | 未買 |
| 43 | 紅傘 | 未買 |
| 44 | cushion | 未買 |
| 45 | 接新娘遊戲 | 未諗 |
| 46 | 回門豬 | 未買 |
| 47 | 約攝影師visit男女家 | 未做 |
| 48 | 封利是 | 未做 |
| 晚宴類 | ||
| 49 | 戒指枕、羽毛筆及結婚證書套 | 律師包 |
| 50 | 帖既label | 未搵 |
| 51 | 派帖 | 未搵 |
| 52 | 約攝影師visit晚宴場地 | 未做 |
| 53 | 片頭 (成長mv) | 自己整,但仲未學... |
| 54 | 晚宴司儀 | 未搵 |
| 55 | 婚禮場刊 | 可能整,未決定 |
| 56 | 晚宴流程 | 未諗 |
| 57 | 酒席歌曲 | 未諗 |
| 58 | 紅酒 | 可能o係我爸公司買,未confirm |
| 59 | 賓客簽名筆 | 未買,可能diy |
| 60 | 簽名布 | 未搵 |
| 61 | 放禮既袋 | 未搵 |
| 62 | 啤牌、瓜子、糖果 | 未買 |
| 63 | 賓客List + sitting plan | 未諗 |
| 64 | 預備各項尾數 | 未做 |
| 65 | 同酒店、攝影攝錄師、雙方家人、兄弟姊妹brief rundown | 未做 |
| 66 | 各人聯絡電話表 | 未整 |
| 67 | 各人task list | 未諗 |
我倆的婚紗照 ~ 第三擊
嘻,honey呢張唔知點解影得咁肥o既!!
呢張相揀o既時候有三個唔同效果,第一張係全張相都係彩色效果,第二張係中間打橫三隻窗係彩色,其餘黑白,最後一張就係而家呢張,效果都幾特別吧?
中環夜景,不過我同honey有d未ready好o既感覺!!!
睇磚記
大約兩點,等honey打完Tennis後我o地就出旺角,先去極之好食車仔麵醫肚,點知兜o左個圈先去到...
食完o野去金都睇相簿,點知又係白行,因為d舖頭主要賣o既係影相質素,所以我同honey呢d已經影o左相,只係想搵相簿style o既人真係會幾失望...!!!
之後我o地就去睇地磚!!!之前都提過我同honey煩緊換唔換地磚,雖然換o既機會大d,但而家一日未裝修,仲有時間考慮,所以我 同honey就決定今日去了解o下d磚!!睇o左十間八間影o左d相,不過我懷疑影完都無乜用,因為影出o黎d色同實際見到o既色都幾唔同,而且影o下影o下,我諗我都唔記得邊隻打邊隻呢...!!!
除o左搵心水磚外,今日我o地仲問o左d舖頭好多關於磚o既資料!!其中一間位四眼仔好好人,仲好詳細咁示範d磚咩叫做'食色',睇住佢用鐵鏟大大力刮落d意大利磚同埋用箱頭筆畫d磚後,我同honey都有少少大開眼界o既感覺,哈哈!!!
到最後我o地叫四眼仔寫其中兩款磚o既資料俾我o地,佢竟然主動俾埋隻磚o既catalog俾我o地,仲要係特登搵出o黎o個隻,之後我o地傾多兩句,佢仲主動問我o地使唔使拎兩磈磚仔番去玩,慢慢試試同箱頭筆甚至其他化學o野'拿'塊磚,我同honey當然話好啦,佢於是真係入倉拎,仲畫定個圓圈等我o地試試番屋企乾晒係咪都仲抹得甩,我o地睇咁多間都未試過咁貼心o既待遇,學劉華話齋,咁o既服務態度至得o架嘛!!哈哈!!!
行o左成兩個鐘,我同honey都大約都catch到自己想搵o既地磚款,總算無白行!!之後我o地就行去油麻o地,因為我想去睇一間叫photoplus o既整相簿公司!!途中,我o地去o左食我同事大力推介o既'肥媽'...哦,搵到喇,邊度係'肥媽'呀,叫'肥姐'就真!!!呢度真係好多人排隊,不過honey食過佢o地豬潤同生腸都話超正,good!!!
之後繼續行,點知...我俾人踩肥o左我對'殘'鞋o既鞋底...噢...唯一好彩少少係鞋底仲有塊紙皮,我未至於腳板掂地,唯有又行番轉轉頭去女人街買鞋,真係好麻煩呢...嗚...其實我媽一早已經叫我掉對鞋,honey今日見我時都有話我對鞋咁殘唔應該著出街,點知今次真係唔掉唔得喇...
去到油麻地睇相簿,d相簿都有一兩款都OK,但都仲未係我o地想要o既,um...唔通真係要幫襯外國公司?
再之後我o地去TST,因為今晚屋企無人,所以我又諗住煮冬陰公俾honey食,點知呢間citysuper無我買開o個隻冬陰公湯包,同一牌子o既得紅咖喱雞,唯有照買,但我其實好失望o架,等我仲特登過去TST,早知都係番去沙田o個間買啦!!
番到屋企八點半有多,好支力,其實好想睇港姐o架,但又好肚餓,所以都係照煮,當練習o下將來放工好支力都仲要煮o野吧...哈哈...呢餐其實好簡單,除o左d餃子要煎麻煩d外,其餘都係煲熟就得,好彩honey都話OK,不過我知第二時一定唔可以煮得咁求其呢!!
2008年7月18日 星期五
蝙蝠俠-黑夜之神
其實今次係我公司包o左個影院免費俾我o地睇,仲可以帶friend,不過名額唔多,我當然係叫我honey去啦,嘻!!!
我放工要趕住出CWB拎義工o既證件,其實我已經預o左兩個鐘來回o架喇,點知時間都好'mun',天氣又熱,趕到我身水身汗先去到新世紀廣場,點知honey掛住食魚蛋粉,搞到我o地好遲先入到場,仲要因為無畫位,所以得番第二行邊位坐,honey真係可惡!!!
講番套戲,之前都睇報紙知道套戲好評如潮,所以滿懷期待,結果真係一d都無失望,因為成套戲雖然兩個半鐘,但一d悶場都無,唔會忽然間有段文戲交待劇情咁悶,very good!!!不過,唔知係咪我坐得太近熒幕,Scan唔切畫面+字幕,有d情節太快我追唔切,而且人物又多,雖然我知劇情有交待,但真係太快喇,追唔切,有少少位唔太明,哈哈!!!
不過,呢套黑夜之神真係幾好睇,唔似以前睇過o既Batman咁'漫畫'同'超現實',至少,今次o既葛咸城(片譯高潭,唔知點解唔叫番做葛咸呢...?)o既'真實感'強好多,令觀眾唔知睇緊'卡通'或'漫畫',睇得更投入!
套戲除o左係名牌漫畫英雄片外,之前仲好大陣象咁o係香港取景,又有Edison三秒演出,所以今次呢輯蝙蝠俠都幾吸引香港觀眾!!!入場睇,當然唔少得留意香港同Edison啦!!!!終於睇到喇,套戲拍得香港夜景真係好靚呀,不過'香港'出場o既時間唔太長咋,而且劇情其實無乜必要係香港發生,想信都係純綷製作單位覺得香港夜景靚先會過o黎取景而已!!!
至於Edison呢,就真係得幾秒,仲要個鏡頭唔係focus係佢度,矇查查咁,如果唔係事先o係報紙望過劇照,知佢大約幾時出場,真係好易會miss o左,不過佢一出場,成場觀眾都有輕微'起哄'聲音,好搞笑!!
要數全套戲最突出,當然係小丑啦,之前睇報紙d人猛讚Heath Ledger,仲以為只係對已經唔係度o既佢表示敬意,但睇完你就明佢o既演出真係好搶,成套戲如果無o左佢一定失色唔少,唔怪得d人話佢o既死係可惜!!!另外,我對上一次比較有印像o既Batman已經係George Cooney,今次呢個Christian Bale都令我幾有印像,因為都幾靚仔,不過睇番報紙先知原來上一輯都係佢做,上一輯我無睇,錯過o左添!!!仲有仲有,睇到最尾先知戲入面有個特別角色添呢,總之好驚喜啦!!!
由於我同Honey都有d位睇唔明,我同honey都好想睇多次呢!!!
Official Website: http://thedarkknight.warnerbros.com/index.html
======================================================
睇完戲同d同事食飯,本來諗住打冷,但得番煙房,我梗係唔去啦,所以之後去o左沙嗲王,但坐得唔多好,好難傾計呢!!
2008年7月17日 星期四
你今日捐o左未?
由於得幾張床,所以要等到六點幾七點先有得捐!我o地四個人一齊去,由於我未捐過,開頭睇住另外兩個同事捐o既時候都有少少驚,佢o地都話有打麻醉針,搞到我都好驚會好痛,不過話晒第一次捐,都係唔用麻醉針好d,要感受下嘛!!!
支針'吉'落o黎喇...噢,原來唔痛o架,同先前'吉'指尖驗血差唔多,於是我就同仲要捐o既同事講話唔痛,叫佢都唔使打麻醉針,點知...
哈哈,原來男仔支針粗過女仔o架,因為男仔係捐450cc,女仔係350cc,男仔支針太幼會'有排捐',所以佢o地係會痛過女仔o架,哈哈,個同事邊捐邊話'都唔係你講到咁唔痛o既~',好搞笑呢,不過佢唔知係咪血壓勁d呢,佢d血'泵'得好快,明明遲我好多先開始,竟然遲我少少就搞掂呢!!!
至於我呢,雖然唔同,不過我d血'泵'得好慢,慢到個儀器(血壓儀??）'咇咇'聲咁響,不過我已經好盡力握實拳頭o架喇,仲'泵'到手都支力,不過都仲係捐得好慢呢!!!個姑娘話係我d血管收縮o左,所以咁慢...
好,終於捐完喇,姑娘'mun'番支針出o黎...嘩...做乜仲痛過'吉'入去o既??姑娘咪就係我血管收縮o左,所以夾住o左支針先會痛囉...噢...!!!!
望一望包血,嘩,呢d血就係我o架喇,哈哈,唔知我係咩血型呢?好想快d收到紅十字會寄o黎o既資料呢!!!
講真,我今次捐血係出於好奇多於其他原因,不過最重要o既係發現捐血原來唔多痛,所以,我相信如果紅十字會話我d血無問題o既話,我一定會再去捐呢!!
2008年7月12日 星期六
合作愉快
下午,我同honey行o左陣街,睇o左一陣戒子(有一款ok,但始終略嫌太花巧),一陣sofa(有張sofa好正,值錢又唔貴,不過係細舖,好驚係黑店!),番到屋企後仲開o左幾個鐘二人家庭會議,一齊諗新屋裝修設計同埋婚紗相簿o既排版設計!!嘻,Honey o既品味再加我o既實際同埋我o既photoshop key相技術,新屋裝修終於有個大概喇,yeah!!
話時話,我同honey自決定結婚以o黎都好似無嗌過交,雖然意見不合總有,但可能我好信honey o既taste,honey又會覺得我o既實際有其道理,所以我就你你就我下一切都好順利解決,希望未來我o地都可以繼續咁樣相處,一切計劃將來,'合作愉快', 嘻!!
訂閱：
文章 (Atom)