睇戒子

唉,尋日做義工唔見o左電話,好唔開心呀...所以今日honey都好努力咁tum我,嘻,其實我知o架,不過唔見o左心愛o既電話,又無晒d contact,都幾煩呢...

今日,honey陪我出旺角,先去o左旺角咖喱大王食咖喱,之後就去先達睇電話,今日天氣真係超級熱同焗,好辛苦呢!!

睇完電話上新世紀睇戒子,其實之前都睇過,但無今日睇得咁仔細,差唔多間間都試晒咁滯,哈哈!!!本來我o地好耐之前係ctf2已經睇中o左一隻,但一路我都覺得佢個圈太厚,會un手指,今日再試,感覺依然係咁,真係唔知戴慣o左後會唔會唔覺...

其實PN都有一對同ctf2差唔多o既,而且粒石細d平d又無咁厚,所以PN都可能係一個好option!!!不過,PN得某幾張卡先有折,而偏偏我仲未簽夠數拎迎新禮物o個張無折,um...真係煩!!!

之後我o地上六樓睇o左陣傢俬,有件傢俬幾型o架,但尺寸唔o岩,又無得訂造,真係可惜!!!

下午,同honey努力下,終於清理埋剩低發晒霉o既乾花,108支入 面total留得番o既得二十幾支咁上下啦,哈哈!!!

P.S. 今日睇o既其中一間係周生生,但o個兩個sales好差,只拎貴價貨俾我o地睇,又好hard sell,猛叫我o地即刻買,又狂讚我戴某一隻貴價貨好睇,我o地話唔買住要再睇o下先就黑面...嘩,今時今日呢d係咩服務態度呀,仲要係大金行喎,真係令人失望!!