首先係一朝o係屋企整logo,其實已經整o左大半個月o架喇,每晚放工都整少少咁,今日終於都算係完工喇,只係差少少minor fix要honey幫眼,好快就可以俾大家睇我o地個logo喇,yeah!!!
下午四點我一個人出去灣仔,因為要上Michael度拎埋d執o左o既大resolution相,其實honey都要一齊去o架,但佢今日要番工,我由三點出門口一直打到三點九都聯絡唔到honey,因為佢電話唔知做乜收唔到,後尾迫於無耐打1083先查到佢香港公司office電話搵佢,真係激死我!!!
最後honey五點半先上到Michael o既studio,之後就一齊睇Michael幫我o地剪o個半個鐘婚照拍攝花絮,個video前半part其實普普通通無乜特別,但睇到最後honey求婚一幕我竟然睇到眼濕濕,唯一美中不足係呢一段個鏡頭轉o黎轉去,拍得唔係太好,睇到有d頭暈,但睇o既時候,我依然感動...
老實講,個video又貴,我o地亦無諗過佢o地會拍我o地video,但始終段video都記錄o左我同honey人生入面最珍貴o既片段之一,都真係幾值得買o既!!不過,Michael似乎仲未剪好段片,所以我同honey都係仲未買到住,要再等o下先!
之後我同honey就o係灣仔睇磚,我同honey都覺得旺角好似多d磚睇,反而呢邊就多d廁具睇,所以如無必要,都唔使再特登過海睇建材!
我同honey一直由灣仔行去CWB,因為我今日要去拎奧運馬術義工o既衫褲鞋'物',點知唔認路o既我又試帶住honey亂行,兜o左好耐先去到,搞到大家都身水身汗呢!!之後,我又亂咁行帶honey去食o野,嗚...其實d義工物資都幾重幾大包o架,仲要honey行咁遠,幾經辛苦先去到,仲要唔係好味,真係有d唔好意思...!!
食完飯,我o地再去今日最後一站,就係去睇宜家傢俬!其實之前都睇過n次,都無o野o岩,今日都只係經過同埋想買花樽先入去,點知今日我同honey都好驚喜,因為我o地竟然睇中o左幾樣之前無見過o既傢俬,哦,原來係番o左新貨,唔怪得喇!!不過,屋企仲未裝修,話唔定裝修完又有新貨,可能仲驚喜仲靚...嘻,呢d都係慢慢睇啦!!
=========================================================
P.S. 今日途經灣仔地鐵站時見到一幕幾'驚心動魄'o既場面,我o地見到有個男人跪o係個女人面前,雙手'mun'住耳仔,而個女人雙眼紅腫,低頭望住跪在佢面前o既男人,雙方維持住呢個姿勢靜默無言!
雖然o個度係人來人往o既地鐵站,但我都感受到佢o地o既世界入面應該係靜得恐怖,而且,我咁大個人都係第一次見男人跪地認錯,究竟係咩事呢?一腳踏兩船被當場捉到?包二奶?...我覺得個男人一定係做o左一d'天地不容'o既大壞事先要作出呢個當眾跪地認錯o既舉動,背後原因可能好可怕...老實講,望見呢個情景個心真係有d唔舒服呢!
好豐富的一天bor~
回覆刪除真係好~