入到中大天都黑齊喇,仙廸,Chris,茄雲同Besstty仲係山上面,咁我就車站度等,嘩,今朝係巿區明明幾熱o架,仲以為自己著多o左衫,估唔到中大咁凍!!
六點幾,佢o岩落山join我再一齊去荷花池影夜景,擺住d高難度動作去攞景之餘仲要手定定影,辛苦晒Chris呢,哈哈!!由於我遲join,所以只影o左好少騎尼相,睇見佢o地'忘我'o既'American's Next Top Model'相我都好想影,因為實在太正喇!!!
八點幾出到TST老飯店,今晚有八位大姐加兩位猛男,今晚茶餘飯後話題係金融海潚,人大o左講o既話題真係唔同以前!! 傾傾傾食食食,又到送禮物時間,今次PIC呼之欲出(因為得番三位,太易估!),所以唔使估,由毛毛娜送生日禮物俾兩位壽星Bessty,兩份都係化妝品xmas set,好靚呀!!
十一點離開飯店,我o地就去栢麗影夜景,不過影得一陣就熄燈喇,可惜!!當大家都預備走時忽然間'喂~',原來係茄雲呀,佢影完畢業相後先走,因為另外約o左friend食飯,估唔到咁又撞番,於是大家又o係路中心影影影,影o左好耐呢,哈哈!!
沒有留言:
張貼留言