酒店要幾時book?

打鐵襯熱,book完機票後一直打算盡快set定行程以便book酒店同船飛!!上星期六日同honey plan完行程後,尋日拿拿林send我o既plan俾旅社B agent問意見,今日lunch終於抽到時間同agent傾,不過佢好似好趕時間咁,短短十分鐘好快就講完,基本上都答o左我email問o既問題o既,但聽完佢講,我其實仲有好多followup questions想問o架,而且佢亦無overall咁comment我個行程,亦無俾alternative o既行程suggestion...不過佢應該太忙喇,眨o下眼就收o左線!!!

總括o黎講,佢話希臘船我去到先買飛都OK,因為六月尾未係旺季,唔怕無位,至於瑞士火車,上網或去到先買都無所謂!!至於酒店,兩地酒店出年o既價錢要大約三月先出到,我而家唔係唔可以book,但而家網上面見到o既票價,好多都被mark高o左,出年個巿係點大家都唔知,所以等到三月大部份酒店價錢出晒先book好d,因為可能會平d(當然亦有貴o左o既可能)!!

聽完意見後我好疑惑呀!!!因為有唔少人知我買o左機票後都問我plan行程未,因為要快d book酒店,但而家suppose應該pro d o既agent又叫我唔使心急,咁即係點好呢??

以我性格好難唔急喎...當然我都怕自己俾貴o左錢啦(唉,早排歐元同瑞士法郎好抵時無入,而家又升番好多喇!激氣!!),但我亦好怕等到三月時心水酒店可能已經無位喎...咁即係點好呀?而家book定係唔book??

P.S. 我係o係一個叫booking.com o既website搵酒店o架,資料好齊,但唔知信唔信得過,唔知有無人用過呢?