新居裝修情況

今日又係忙,不過有honey陪住我,心情好番d,又或者咁講,因為忙,我都唔得閒唔開心住!!!

今日一早先上新居!!好似都隔o左三星期無睇過!!!今日上去最主要當然係睇塊地啦,望見都真有點無奈o架!!!好彩今日B&Q打o黎話大陸廠o個邊話我o個批色o既磚仲有貨,所以尋日補買o個十磈應該唔會有咩色差...真係鬆一口氣!!!另外,隻磚o既色真係無揀錯,好靚好滿意,不過我爸話師傅鍾情意大利磚,覺得我呢隻大陸磚比較簿喎!!!

唔夠磚,舖剩客廳一個角落!!!

走廊吊櫃!!

吊櫃門!!

有d位仲未批好!!

我同honey再現場拎住色辨想像新居牆身顏色,始終現場睇好過之前就咁諗,因為光線唔同好難想像,終於有決定點油,great!!!!

其實如果唔係之前整o既東東貨不對辨同埋地磚唔夠,裝修一定可以農曆年前搞掂,我同honey仲可以襯農曆年前大減價買之前已經睇o岩o既傢俬,不過而家睇怕schedule又要再推後喇!!!

睇完新屋落o左會所,影番張相先!!!

上完新屋即趕住出灣仔拎信用卡,可惜趕頭趕命去到已經下午一點零五分,拉晒閘...點解而家仲有銀行要人去分店拎卡o架...我唔係成日過海o架嘛!!!!

之後我同honey就去搵Michael Law,即係幫我o地影第一輯wedding相o既攝影師!!!今次係第三/四次上去睇段花絮video喇,以為今日俾錢就搞掂,但原來仲未ready呢,仲差少少要執同埋我要揀一張最靚o既weding相俾佢做雙碟o既封面呀,所以仲要上多o黎一次呢!!!

去醫肚,去o左檀島,第一次食,台台都叫蛋撻,鬚皮好鬆化,仲熱辣辣,又真係幾好味!!!

過開海,當然要行駱克道啦!!!我o地由灣仔行到CWB,先去睇Toilet,好彩都唔難揀,好快睇中,mark底型號叫師傅買就得!!!之後再睇水龍頭之類,記得上星期上大陸睇一頭霧水,今日特登睇睇香港o個d質料有咩分別!!!不過真係唔識睇,只一尾識睇價錢!!!香港有牌子o既一條鐵通賣600大元,大陸無牌子賣60大元,足足差十倍,當然600望落去係靚d,摸落手滑d,但又唔見得靚10倍滑10倍喎...!!!!睇完一大輪都係一頭霧水,結論只知道係要質料好,就買有牌子,但價錢貴到牙痛咁聲!!!如果要經濟實惠,上大陸買貴價貨可能好d,但質料方面真係唔敢寫包單...點揀好?

行到CWB順便去SOGO shopping,因為真係想買件靚少少o既衫去影pre-wedding相!!!係sogo迫迫迫,行得好辛苦,但又的確係好熱鬧!!!又話海潚o既?個個一袋二袋,仲好大袋o下,完全唔覺d人減少消費,應該係好事吧!!!

至於我,亦好好彩買到件靚上衣,最衰個款唔係連身裙,唔係就仲正斗!!!!貴就貴d,但出街都著到,而且我有coupon幫補嘛,買!!!件衫個招紙好搞笑,寫住原價$999,但我同honey裝過佢底下原本個價錢牌,其實原價俾我買個價錢貴幾十o架咋,但就扮大特賣寫住'Happy Price',好明顯係湊海潚割價熱鬧,係度混水摸魚tum人買!!!哈哈!!!

迫完Sogo都6點半喇,再行去time square,嘩,o個度好靚呀!!!擺o左個Carrie Chau展!!!

Honey無手震!!

我就...手震震,呢張算震得少!!

八點,上未來99屋企做節,因為聽晚honey要跟我去做節,第一次見我親友!!!今晚好豐富,坐到差唔多十二點先走(其實我好支力...但未來99通常唔肯咁'早'放人!!),成身散晒!!!