夜晚由於太早,所以自己一個先去東涌行街,如果唔係番o左呢份工,我都唔會入東涌,之前成日聽人入東涌買outlet,以為真係好似外國咁有好多又平又抵o既舊貨,今日細心睇,原來都係不外如是,而且差唔多間間舖都叫自己做outlet,價錢可能係平o左少少o既,但d款亦都好舊,舊到好似著上身都好outdated咁,所以根本一d吸引力都無!!!
行完東涌坐東涌線出澳海城,再係二期行o左陣先去一期皇廷!!去到已經七點七八個字,舊同事們都到得七七八八,襯有時間同d舊同事同埋舊舊同事傾計,話咁快就開席!!!新娘子好閃呀,同埋真係瘦o左好多,好fit,至於新郎哥就同我以前識佢差唔多啦,無咩唔同,佢仲成日襯老婆換晚裝時走過o黎傾計,好似好得閒咁,哈哈!!!
新人今晚安排o左即晚派相,我之前都聽人講過話會好亂,因為個個都去拎相,一個人又可能影多過一張分相比較亂,但我今晚又唔覺呢,可能係間派相公司好strict,限人數影相,指明八個人影一張,截住想再上去o既人,雖然係就係有秩序,但好似我咁,本來一大堆同事,就變o左分開兩批影,唔係咁好!!!
是晚由於上菜好快,十點九就散席,真係好,唔使太夜呢!!!
係呢度祝願一對新人白頭到老,永結同心!!!快d搞個house warming等我o地參觀o下你o地o既sweet home啦!!
沒有留言:
張貼留言