令我鬼咁開心o既聖誕禮物!!!

今日boxing day無節目,舅父母o黎搵我爸媽開台,我就靜靜留o係屋企,好珍惜呢一份悠閒,好耐無試過喇!!!

舅母買o既曲奇,好似話間舖係謝玲開o架喎!!

講番標題所指o既聖誕禮物,雖然唔及我o係公司party度交換到o既拔罐禮物咁'特別',但就tum到我鬼咁開心...哈哈哈,我honey仲笑我成日o係度'回味'喎!!

不過,份禮唔係honey俾o既,而係...

投注站門口一位阿姐!!!!!

哈哈,大家都估到我份禮物係咩啦!!!!!

無錯!!!就係我俾人查身份證呀!!!!

...哈哈哈哈,你話份禮物係咪好值得回味呢!!!!估唔到咁o既年紀仲有人查我身份證,諗番轉到出o黎做o野後應該都無試過喇,阿姐,真係多謝你俾面,聖誕節tum到我咁開心呢!!!!

========================================================

大約八點幾我o地過中環,因為今晚honey o既friend o係一間bar度搞o左個party,我一向好少接觸佢d friend ,認識o下都好!!!!

是晚party好多人,場地細細但請o左八十幾九十人,迫到我o地成晚都要企o係bar門口,而且人太多,小食得菠蘿腸雞翼三文治,所以好多人都無乜食o野,後尾仲要拉隊去第二度食糖水/麵,不過成晚咁熱鬧,睇得出佢兄弟真係好落力,又扮聖誕樹又安排遊戲俾大家玩,相信佢呢個聖誕真係好難忘充實!!!!

好多人!!

十二點走,好彩趕得及尾班車,呼!!