上次我提過我有個好朋友做珠寶o既,佢知我一直搵緊條又大體但又可以出街戴到o既頸鏈,咁o岩佢公司個客訂造o既款幾o岩,特登send俾我睇,嘩,真係唔錯,好掂,價錢又OK,最難得係我媽都覺得靚!!!
今日我confirm要條鏈,但原來佢講o個個價只限14K,因為外國人多造14K,好少造18K,所以我要訂造18K就要貴d,而且仲要特登為我造一條,所以只可能造好o左先覆到我幾錢,o下????我見佢開頭話咁平條鏈又好大體先買嘛,而家佢造好o左開天剎價我都唔可以唔買喎,咁我都好無安全感好無預算!!!!於是我同佢討價還價o左一輪,最終佢都講o左句'價錢唔會差太遠'....唉...雖然都唔算咩保證,但好過無!!!傾到有點傷和氣感覺,真有點不好受,不過算吧,同佢相識廿載,相處方式早變了...!!!
下午收到我爸急call,佢話我知新屋o既磚唔夠,要我即買十件!!!!o下!!!唔夠????????開頭師傅預85件,我見B&Q可以退貨已經買o左100件,而家竟然仲差十件???雖然我屋企係鑽石廳,但數目都未免差太遠吧!!唉,放工即撲去B&Q買十塊,為免又要再翻訂,我再三向我爸確定係咪十磈,佢亦再三確定係,話差九塊就舖好,留番一塊做spare就夠,唔使多,好,你話o架,就十塊!!!不過訂貨一等又要三星期,仲要唔肯定新一批磚同前一批會唔會有色差,諗起都煩,好唔開心!!!
繁忙完番屋企食飯,我爸話我知新屋有樣o野太複雜唔整,o下!!!!我由第一日講裝修已經話要整喇喎,你唔好再遲d先講???本來已經夠煩o既我當刻即時好激動,好大聲講我第一日已經話要整,無可能唔整!!!!我爸當時顧住打NDS,係咁二答我話會同師傅講(一直都係佢同師傅溝通!!!),OK,總之整就得,但當時我實在太激動喇,忍唔住邊食食送尾邊喊,不過應該無人見到...(我要買磚所以要屋企留飯我食!)
我唔明,點解次次d麻煩事總係迫埋晒一日咁湧過o黎!!!...聽日又係繁忙o既一日,加油!!
係咪因為通過阿爸溝通隔了一重呢? 希望d 磚夠啦和好似上次咁早d到!
回覆刪除[SkyBlue回覆12/21/2008 23:05:00]可能係啦,隔o左一重始終無咁直接,不過好處亦係我唔使咁煩去打俾師傅囉,因為我隨時有咩idea就咁同我爸講就OK!!!
係囉,希望今次d磚都早d到啦!!
你唔好唔開心, 睇到我心都酸埋 ......都明你個刻一定好燥好難受, 不過真係冇辦法... 尤其見到你講條鏈, 就令我諗起cool wedding, 肉隨砧板上, 而你個個仲係相識一場嘅朋友, 真係幾難受架.
回覆刪除至於裝修方面, 就更加身同感受, 有時搵親人做野就係咁無奈, 唔催得又唔鬧得, 啞巴食黃連, 有苦自己知.....或者結婚就係咁, 麻煩事總好似一次過迫埋黎, 但經歷令人成長, 將來回想起又可能是一種美好的回憶
[SkyBlue回覆12/21/2008 23:17:00]多謝你呀,其實我都知呢d可能係搞wedding o既必經階段,如果話搞wedding/新居o野事事順利真係無咩可能,或者係一個好好o既經會訓練自己EQ...
希望如你所言,將來回想起o黎呢d都會變成美好回憶啦!!
加油呀... fion... 希望一切心煩野可以離你遠遠~~
回覆刪除加油!!!!!!!
[SkyBlue回覆12/21/2008 23:18:00]多謝你鼓勵呀!!!你大日子都快到啦,你都要努力!!
relax D, 唔好咁勞氣，個人太tense會覺得侏事不順架﹗
回覆刪除[SkyBlue回覆12/22/2008 21:55:00]近排實在太忙喇,好難唔tense...好彩o黎緊幾日聖誕假反而無人約,比平時星期六日仲得閒,真係要好好搵日留係屋企relax...!!!