有史以o黎最奇怪o既禮物!!!

今個星期都應該係我番工兩個月以來最充實o既一個星期,甚至算係比較忙添,因為阿姐忽然係今個星期call meeting,我要係極短時間內整d document,充實o既工作令時間過得好快,真好!!!

尋日阿姐請我o地project team食飯,本來打算去Marriot食buffet o架,可惜聖誕前都full booking喇,最後去o左Regal食日本o野!!!叫o野食時全team人都叫西冷,咁我又照跟喇,但好後悔呀,睇見隔離台d人食魚生飯好正呀,認真走寶!!!

講開阿姐,佢身體有d事,o黎緊要放長假,仲要話唔知二月定三月先番,好似好嚴重咁,希望佢身體無事啦,不過o黎緊個project就真係唔知點好喇,無o左阿姐一定會亂...!!!

今日Lunch成team人開party,叫o左到會,一朝同事仲收集晒大家o既禮物放係另一位同事帶番o黎o既聖誕樹下面添,好有氣氛呀!!食完o野當然要交換禮物啦,事先email都叫o左大家係屋企搵一d自己唔要,但人o地可能有用o既禮物,我就拎o左一面cushion鏡仔番去,未開過o架,都算實用!!

好耐未見過咁多禮物o係聖誕樹下喇,好開心呀!!

幾熱鬧!!

成班大約廿人先係board度寫句短說話形容自己份禮物,之後就抽簽形式抽人出去,跟據board上o既形容詞揀禮物,有d禮物都幾正o架,好似ja汁機(好明顯係d信用卡禮品),handcream,電動牙刷等等!!當然都有d禮物普通d啦,好似CD同mouse,裝萬字夾o既筒等等!!!我就抽o左一份description係'健康產品',d人估係osim,好似好正,但邊有咁著數...哈哈,拆喇...

嘩,咩o黎???拆開望,諗極都唔多明係咩,大家估o下???

哈哈,原來係拔罐喎,份禮物真係勁矚目,所有同事都好好奇,仲即場示範添,好搞笑,不過興奮過後,我要呢份禮物有咩用呢?因為d罐係膠o架咋,唔係好夠力,所以未必好有效!!Anyway,呢件禮物都算係我出世郅而家收郅最奇怪o既一份禮物,我打賭大家一定未收過d咁特別o既禮物,我仲同honey講,我肯定唔俾tips下,佢估一萬年都估唔到,哈哈!!!!

'交換廢物'遊戲完結後,我少o左一件'癈物',但又多o左另一件'癈物',仲要俾我原先一件更大更'ar訂'添...哈哈哈...

P.S. 其實尋日阿姐都送o左一隻麥記黑色熊仔同一支handcream俾我o地team o既女仔呀,今年都算收得多聖誕禮物呢!!!