Shopping!

今日同honey出去沙田shopping!!唔知係咪放o左幾日假呢,沙田唔係想像中咁迫人!!!

本來我o地諗住踩單車,但後尾都係懶...哈!!!

我o地先去我細佬大讚好味o既Triple O食包,不過好後悔買o左餐呀,因為單包o既錢同餐相差二十蚊,二十蚊for唔多好味o既薯條同汽水真係唔值!!我o地叫o既分別係BC Burger同埋Mushroom Burger,雖然Openrice好多人讚Mushroom Burger,但我同honey都覺得BC Burger好味好多!!

盛惠$140!!!!!好貴呀!!

Mushroom Burger!

好味!!!不過honey始終唔多鍾意食包做正餐,仲話食完個肚好滯唔舒服喎!!

食完美食就開始shopping,我o地差唔多行晒三四樓所有名店咁滯呢!!!周圍都大減價,又的確係好吸引o既~

商場內有表演!!

最終honey買到兩件Shirt衫,其實本來睇中一件o架咋,但買多件八折再八折,無理由唔買多件o架...!!至於我呢,其實都有衫睇中o架,但太貴喇,都係放棄,好妒忌honey有靚衫呀,哈哈!!!

之後我o地再去一田,俾我揀到大姐會xmas party o既禮物呀,包保抽中o既暖笠笠!!!嘻!!

最後我o地行埋Ikea先番屋企,明明年尾睇見電視都賣晒廣告話ikea大減價低至四折...但我完全唔覺囉...除o左d椅外,我覺得絕大部份都無平到呢!!