第三次私家產檢, 好想知乖豬性別呀!! (回顧第16W)

Happy New Year!!!!祝大家2011年開開心心, 至於自己...當然係一家人開開心心, 健健康康, 今年乖豬將會出世, 想信對我同老公子, 都係一生難忘o既一年吧!!!

1/12/2010 (16W4D)

雖然尋日先去完政府產檢, 但因為都隔左成個月無見乖豬(對上一次係11W6D照OSCAR度頸皮時), 所以今日都約o左去私家同bb見個面!!!

約o左10點3, 我o地準時去到, 診所竟然無人, 好出奇呢,所以我o地即刻就有得睇!!!

入到去見醫生, 我又問番我仲嘔緊, 成個月無重過, 會唔會唔好, 好彩醫生都話其實只要bb size正常, 咁就唔使擔心咁多, 同埋都係o個句, 小食多餐, 都真係幫唔到我太多!!!

好喇, 照bb喇!!!我o地第一句就表明係想睇bb性別, 點知...bb個pose好騎尼...

頭o係下面, 屈住條頸, 倒竪葱撐高pat pat, 仲o係度伸腿!!

照o黎照去, bb個pose係咁, 醫生連照大脾, 頭同肚都要扭o黎扭去先就到位置去度...仔定女??sorry, 連大脾仔都咁難睇, 更何況係兩隻大脾仔之間o既位!!!

醫生叫我行o下街, 15分鐘後再番去照, 結果, bb仲係頭先個pose...所以, 醫生又叫我o地出去食埋飯先番去睇...

差唔多1點又番到診所, 再照, bb終於訓番落o黎, 但係個pose都係好怪, 又睇住佢交叉腳,偏偏就係唔肯'mark'大對脾俾我o地睇佢重要部位咁...

由於bb實在太唔合作喇, 醫生都無法子, 話真係'睇唔到'...

離開診所, 老公子好似帶住少少失望(但佢話唔係喎!!!)咁話, 覺得醫生o既'睇唔到', 應該係因為bb係女仔,所以咁難去睇...hahaha!!!!未必o既, 朋友都話佢都係16周幾時醫生睇錯係女,結果兩周後就睇到係仔, 而且我都覺得醫生今日真係好客觀咁講'睇唔到', 所以, 老公子可能諗多o左...

下次再照就要一個月後去政府結構先喇!!希望乖豬到時聽聽話話, 俾我o地知道係仔定女啦!!!

===========================================================

番到屋企睇番三張超聲波相, 咦, bb size全部細o左喎 (相中d %係代表bb size o係distribution o既位置, mean係50%, 乖豬全部得都唔夠50%), 再睇清楚d, 原來醫生用錯左我last m個期估o個個預產期, 而唔係6w同8w照時estimate番準o個個預產期, bb周數錯set大o左一周, 變o左17w4d, 但其實而家得16w4d咋!!!!咁睇番, 我bb應該係大過mean, 而唔係細過呀, 過幾日真係要打番去診所問番醫生要個o岩周數o既distribution data先得!!(17W4D按: 後尾都係lazy無打到去喇!!!)

 大家睇下面三張...除o左虛線mark住o既大脾, 頭同肚, 其餘都真係睇唔到係咩...

大脾骨!! 2.37cm, 大約係17w1d size!!!

頭仔!! 3.86cm, 大約係17w5d size!!!
(size大左成個星期喎, 咁佢咪係大頭b???)

肚圍!! 11.87cm, 大約係17w4d size!!!
(size都係大o左成個wk呢!!!)

睇o黎bb無因為媽咪嘔而吸收唔到, 仲幾大隻咁喎, 唔通似爸爸咁高??

回顧過去,展望將來!

一年眨o下眼又過去喇,又係時候回顧過去,展望將來!!

睇番一年前o既post"回顧過去,展望將來!", 我曾為2010年定下以下目標:

1. 出年係旅行年,planned trip 已經有三個, 但我好想arrange多一個只有我同老公子o既trip,希望唔係得個講字啦!

2. 要開始還債, 儲錢方面會比較難,但希望盡力儲多d!

3. 工作方面,希望新工完o左3個月contract後會續我啦,如果唔係又要再搵...終極目標當然係搵到一份perm job啦,但我都好明白目標明確唔代表一定成功,時移勢易, 做I.T.唔俾人outsource真係應該偷笑...希望我都有可以偷笑o既一日啦!

4. 我份工咁唔樂觀,唯有寄望老公子出人頭地,2010年加薪再加薪啦!(老公子似乎已經成為我將來o既一部份喇!)

5. 同老公子繼續enjoy二人世界,一齊做多d 運動, 因為年紀大喇,再唔郁骨頭真係會硬!!

結果:

1. 一早plan o左o既三個trip, 一個係同姊妹Jenny 2pair人去西藏, 一個就係同一班好姊妹去台南, 最後就係同家人去泰國!!!結果, 西藏同泰國都去唔成, 因為Jenny同我都分別有BB!!不過呢, 我今年都係去左三次旅行, 因為我最後真係arrange o左一個同老公子二人世界o既長灘島之旅, 另外老公子又自把自為買o左世博門票, 結果又去埋上海!!再加埋一次同老爺奶奶一家去澳門同我寫遊記得獎o既豪華澳門住宿之旅, 我今年真係可謂驛馬星動呢!!!

2. 開始還債, 儲錢方面真係難o左,所以成績麻麻...!

3. 工作方面,年頭o既短contract job最終都續唔成約, 不過皇天不負有心人, o係我努力爭取同自薦下, 我終於得到一份contract長過1年o既工, 仲要番工地點極近屋企, 唔太忙又穩定, 實在係dream job!

4. 2010年老公終於同做o左6年o既公司講Bye bye, 轉o左份工, 工時比較穩定, 人工都有加, 但福利好似麻麻...

5. "同老公子繼續enjoy二人世界" <== 其實一年前o既願望並非呢個, 真正願望其實係我搵到份穩定工作就開始造人大計, 只係呢d話唔埋嘛, 所以上年無寫出o黎!!! 結果, 呢個造人大計大成功, 而家已經快5個月喇!!至於運動, 相信我老公子有做多左o既, 因為佢而家要幫我抹地洗衫...haha!!

2010年,除o左以上幾點外, 仲有一件事值得一提!就係2010無想像中咁多熟朋友結婚(當然都有, 只係無我想像中咁多!!), 反而今年下半年開始知道好多朋友都開始有BB, 大家一齊交流, 話題比以前更多, 關係忽然好似拉近左好多, 呢樣o野都算係今年o既bonus, 令我好開心呢!!!

展望2011,相信大家唔使估都知我o既展望都離唔開生小朋友啦!!!haha!!!

1. 生番個肥肥白白健健康康兼得人鍾意o既小寶寶!!

2. 生活會因為乖豬o既出世而發生大轉變, 希望我可以做個稱職o既全職媽媽, 亦希望老公子唔會因為呢個轉變而覺得生活壓力加大!!!

3. 希望放棄dream job無想像中咁肉痛, 亦希望我可以成功搭到舊同事refer一d freelance job俾我幫輕老公子!

4. 同上年一樣, 繼續寄望老公子出人頭地,2011年加薪再加薪!(老公子唔只成為我將來o既一部份, 更係乖豬, 亦即係我o地一家大小o既衣靠喇!...哎唷, 擔子好重呢..!!!)

5. 儲錢...要做全職媽咪, 少份收入, 其實都知儲唔到錢o架喇, 唯有希望努力慳錢下, 呢年都唔使運用銀行儲備去應付開支啦...

噢...2011年目標好似好少...不過, 以上目標要達成都未必係想像中咁易, 真係要好好努力呢!!

o係呢度, 都祝大家2011年更進一步!!!

第一次政府產檢 (回顧第16W)

10/12/2010 (16W3D)

今日一個人去威院做第一次政府產檢, 因為一早知政府唔會照超聲波, 所以我都無要求老公子陪我, 亦拒絕媽咪o黎陪, 因為我知就咁等真係好悶好無聊!!

爸爸車我去威院, 點知唔識路, 仲誤行巴士專線, 俾交通警抄o左牌, 搞到我極唔好意思...

9點去到威院就報到, 一等, 就係個半鐘, 差唔多到10點8個字先聽到我個名, 當時成個婦產科呢邊都坐滿晒人, 相信個個都好似我咁, 等到hup眼訓...

入去見醫生, 後生女o黎, 個姑娘同醫生一輪咀講o左幾句就叫我訓上床, 醫生就模肚, 用胎心機聽心跳 (只係俾我聽o左幾秒咋), 聽我呼吸同檢查我條頸(唔知for what?), 成個過程都唔知有無2分鐘...

之後醫生同姑娘又一輪嘴極快咁講話威院安排o左結構俾我 (聽到呢度, 我個心笑o左一笑!!! hehe!!), 又俾埋催生張紙我 (心諗, 咁快講到催生???), 叫我到o左5月31日呢日都未生得就要入院, 早過呢日生得時都要拎住呢張去威院唔知邊度唔知幾樓...總之, 佢講得極快極趕時間, 我真係接收唔到!!!!

"得喇, 走得!!" ...嘩, 真係好趕...

好彩我都有把握機會問兩句...

1.膀胱痛!!
上星期有一日唔知係咪訓得唔好, 第二日大半日都膀胱痛!! 醫生話大肚婆係易d尿道炎, 我之後無再痛就ok, 平日記得多飲水就得!!

2. 4個月都仲係嘔嘔嘔!!!
我仲成日嘔, 由11周去健康院產檢到而家16周都未有重過,有無問題?? 醫生就話我bb size ok (佢只係按左一按咋, 咁都知size ok, 真係勁...但好難令我有信心呢!!), 所以無問題, 仲反問我就算叫醫生開止嘔藥, 我都未必會食啦...

3. Oscar報告 (其實係我見到姑娘拎定下個patient份報告先記得問!!)
醫生話無人打俾我就即係ok, 我個報告係正常...(我都知正常, 但我記得上次照oscar個姑娘好似話醫生會講番個report結果我知嘛...估唔到都係得'正常'兩個字!!!)

最後10點10個字就離開威院!!!雖然感覺威院好求其, 但今日排到政府結構真係好開心, 因為上網都見到好多人都排唔到, 連我朋友o係屯門都係無期, 我排到真係好好彩!!!又慳番一筆!!!

嘔夠未呀? (回顧第16W)

7/12/2010 (16W)

16周, 早2日開始覺得個肚明顯唔同左, 好似飽滿左同實左, 仲重左咁, 可能係個胎開始升高同多胎水o卦, 我都有叫老公子摸下個肚, 佢都話好似唔同左!!

今周肚圍: 33.5寸, 體重無變: ~120磅

呢幾日我嘔吐依舊, 仲試過一次嘔到衝唔切去toilet, 好彩而家隨身都有膠袋預備, 唔係嘔到成地都係就唔好意思...

其實而家都4個月啦, 嘔吐完全無消失跡像我都有少少氣餒, 究竟我要嘔到幾時??

不過...辛苦還辛苦, 老公子知我嘔, 早幾日忽然好溫柔咁話'叫BB第二時孝順你多D', 聽到真係超感動, 又有一次, 我嘔完, 老公子拖住我手輕輕捽佢自己大脾(我相信佢都唔知自己做o左呢個動作!!!), 好似好心痛同肉緊我咁, 又係好窩心, 有老公呵番, 嘔吐即係BB健康, 其實, 再辛苦D都應該值得o既...

加油加油!!

做了一個決定 (回顧第15W)

30/11/2010 (15W)

15W, 唔知係咪去澳門嘔得勁得滯, 連我自己都覺得自己可能輕左...結果真係, 輕過上周少少...

肚圍: 33寸, 體重: 119磅

3/12/2010 (15W3D)

其實大家都知我一直好煩邊個湊呢個問題, 身邊o既朋友知我仲未諗掂, 都紛紛著我快d認真諗清楚...

於是尋晚我就再一次好認真咁捉住老公子研究...當然, 重點都係經濟能力啦!!!

最後, 老公子終於一改以往態度, 首次表示可以俾我唔做o野, 自己親手湊大乖豬!!!

聽到呢個答案, 我當然頗開心,因為呢個係我一直以o黎o既夢想, 不過...

...選是選了,但老實說, 我還沒有太大信心, 因為呢個選擇有好, 亦當然有不好, 我還未有信心肯定呢個決定...

溫暖牌!!!

由2010年2月中開始買毛冷織, 斷斷續續咁織 (中間因為懶, 亦有一排因為欠一舊毛冷又買唔番而停織o左幾個月!!), 終於俾我o係今日聖誕節完成(唔計未買未釘o既2粒鈕!!)人生中第一件溫暖牌冷衫喇!!!

老公子, 聖誕快樂!!!!老公子試上身好似都幾鍾意呀, 唯一差d係貼身o左少少!!!

27/12補充: 今日買o左兩粒鈕釘埋上件冷衫, 2粒鈕好襯件衫呀, 好滿意, yeah!!

過兩日老公子要去得-20度o既瀋陽出2日trip, 雖然件溫暖牌未必幫到d咩, 但希望老公子都可以暖在心啦!!!

MERRY XMAS!!!!!

祝大家聖誕快樂!!!

尋日平安夜, 公司放假, 所以中午約o左媽咪去新開o既一田行o下同你lunch!!!

一田新開張, 都好多人, 不過似乎買o野o既人少, 多數o既人都似我同媽咪咁, 純粹八卦一田有乜新舖頭, 可惜呀同沙田o個間一田都分別唔大, 一d驚喜都無!!!

最後, 我o地去一田超巿買食送, 一田真係貴過以前吉之島好多, 最嚇人係金寶湯平日超巿唔減價都係$7.9, 但一田竟然賣$13.6...真係好唔慣呢!!!不過, 今日我都好捨得, 買o左塊近$120 o既牛扒同珍寶腸今晚煮愛心聖誕餐俾老公子食!!!

平安夜聖誕大餐!!有牛扒, 珍寶腸, 煙肉, 西芹三色豆同煙肉薯蓉!!!

d飯其實唔係我煮o既...只係lunch打包o既飯!!

塊牛扒同珍寶腸老公子都話好正!!牛扒就煮到五成熟剛剛好, 夠晒juicy,不過我硬係怕太生唔多好...所以我只敢食邊邊比較熟o既!!!

聖誕節o既今日, 諗完一大輪怕多人, 最後決定去黃埔行吉之島, 因為諗住無咁多人同埋吉之島做緊八折, 所以去睇下有咩o野可以買!!!

老公子出發前特登搵黃埔有乜好o野食, 帶o左我去食'lo'水o野, 都ok啦!!!

之後shopping, 都買到o野, 行完再去旺角新世紀, 最後6點番到屋企!!而我就繼續努力為溫暖牌埋尾...yeah, 終於趕及聖誕節完成(唔計仲差兩粒鈕未買未釘上去!!), 老公子試上身,除o左貼身o左少少外,老公子都好滿意, 嘻, 希望老公子真係鍾意啦!!!!

過兩日老公子要去得-20度o既瀋陽出Trip, 我呢件溫暖牌係100%羊毛o架, 希望都俾到少少暖意我老公子啦!!!

老公子, 聖誕快樂!!!!

DIY大肚相 (回顧第14W)

聖誕快樂呀!!!!無咩送俾大家, 就送我o地一家三口第一輯靚相俾大家啦!!!

26/11/2010 (14W3D)

乖豬, 你o係媽咪肚入面住得好唔好呀??

==========================================================

14wk我o地去o左澳門, 明知酒店實靚, 咁當然要好好把握機會, 帶番套靚靚晚裝去襯番酒店影番輯靚相啦!!!

出發前上網搵o左少少靚靚大肚相, 不過我個肚得3個半月, 實在唔夠要o黎影大肚相呀, 所以下面d相, 部份係要特別挺晒腰先比較似大肚咋...hahaha!!!

17W4D按: 而家都仲未知係仔仔定女女呀, 大家覺得乖豬會係...???

胎動?? (回顧第14W)

23/11/2010 (14W)

14W, 叫做踏入懷孕中期, 我決定呢個星期開始每星期都記低體重同肚圍!!!

今周肚圍: 33寸, 體重: 122磅

26/11/2010 (14W3D)

14W3D, 呢日下午我同老公子出發去澳門, 但就係呢個朝早, 我番工時好似覺得feel到乖豬郁!!!

正確d講, 我諗都未算好明顯o既胎動, 因為我只係咁o岩放o左隻手係小腹, 忽然間, 'dot', 'dot'2下, 雖然傳到手中o既呢兩下震動極輕微, 但好似有人敲門咁o既感覺, 同平時成日誤以為係胎動o既腸動感覺好唔同, 所以令我今次頗肯定係feel到BB踼!!!

同日夜晚, 我同老公子o係豪華酒店房浸Jacuzzi時我又摸住個肚...嘩...唔知係咪水壓影響, 不得了,同早上feel到o個兩下感覺好似之餘, 感覺仲要加明顯!!於是, 快快叫老公子摸, 連老公子都好易就摸到我個肚皮震, 老公子肚皮係唔會咁震o架!!!

老公子似乎頗雀躍, 我都好開心, 因為我成日以為仲要等多個月先會feel到乖豬o架!!!!

=========================================================

28/11/2010 (14W5D)

去澳門前, 其實我特地買左個聽診器, 因為上網見到話會聽到BB, 所以買左!!!呢晚由澳門番到香港沖完涼我就急不及待去聽, 因為而家feel到o既所謂胎動, 真係太輕微,好日都唔feel到一次, 所以好想'聽'到bb...

聽下先...靜靜o既肚忽然傳來'pot''pot''pot', 乖豬, 係咪你呀??

澳門免費豪華住宿之旅 ~ 吃喝玩樂篇

睇完靚酒店, 係時候講番3日2夜係澳門做過d咩喇!!!

講番個trip第一個surprise就係o係船上撞到好姊妹Bess, 大家仲要坐得頗近, 相遇一刻感覺好好笑!!!!

酒店安排7人車於碼頭接送到酒店!

參觀完Mansion Room,係時候出去搵食!!!呢度係酒店外觀!!

我o地住o既Mansion Room,就係圖中尾二著燈o個度!

老公子係openrice search o既, 係幾好味, 特別係個鯪魚球!!!不過我食完又獲利回吐, 仲吐得幾勁...無o左大半餐都有...

見到對台食客用麵做煙灰缸...可能係我大驚小怪...

食完o野番酒店, 原來酒店有個MJ Gallery!

酒店大堂!

第二朝, package 包o既豐富自助早餐!

外邊就係之前望到o既普通住客泳池區!!

Poolside bar!

對岸係珠海吧!!

係酒店房hea到2點, 又出發搵食!!
老公子帶左我去食牛雜!!!

剪刀聲不斷, 感覺好有風味!!!我o地叫o左2碗牛雜, 一碗(圖左下角)老公子指明要D怪部位, 包括牛波子, 牛鞭, 牛皮...雖然諗起都頗噁心, 但我竟然都夠膽試, 每樣都咬左一小啖...
唔計D核突野, 其實個牛雜粥同牛丸o個個牛雜湯真係好好味!!!

原來阿SO都有o黎食過, 阿SO個食相好樣衰...HAHA!!

下午3點半, 約o左Bess係大利食豬扒包!!!

食完一齊去買手信然後去賭場...結果, 輸錢囉, HAHA!!

由於好快輸晒, 所以好早番到酒店!!
由於book房時同酒店出現溝通上o既誤會(佢地誤以為我o地係$3,XXX o既package), 雖然後尾都搞番清楚, 但酒店經理為表誠意, 免費offer我o地享用酒店dinner buffet!!!!

我同老公子都好驚喜...其實佢o地最後搞番好個package我o地都無諗過要怪酒店...估唔到酒店反而咁熱情!!!

Dinner buffet主打係海鮮!!!我老公子話食海鮮都食到佢好飽呢!!至於我...都好曳, 食左兩隻生蠔, 一隻龍蝦...因為呢度除海鮮外無咩選擇, 而且我唔多開胃, 所以都食得唔多!!

食飽飽係走廊留影!!

又過左一晚, 今日決定唔去食早餐buffet, 改叫room service (都係package 包o既!)!!雖然比食buffet選擇少, 但其實都好飽!!

個炒麵好好味, 但好飽, 最後公司三文治都係食唔晒!!

我o地係酒店hea到2點check-out就坐2點半船番HK喇!!!

是次豪華之旅結束喇!!因為6月先去過,所以今次可以邊度都唔去, 放好多時間係酒店hea同休息, enjoy下靚靚酒店!!!成個trip一d都唔辛苦, 唯一最辛苦只係我呢3日2夜胃口都頗差o者...