30/11/2010 (15W)
15W, 唔知係咪去澳門嘔得勁得滯, 連我自己都覺得自己可能輕左...結果真係, 輕過上周少少...
肚圍: 33寸, 體重: 119磅
3/12/2010 (15W3D)
其實大家都知我一直好煩邊個湊呢個問題, 身邊o既朋友知我仲未諗掂, 都紛紛著我快d認真諗清楚...
於是尋晚我就再一次好認真咁捉住老公子研究...當然, 重點都係經濟能力啦!!!
最後, 老公子終於一改以往態度, 首次表示可以俾我唔做o野, 自己親手湊大乖豬!!!
聽到呢個答案, 我當然頗開心,因為呢個係我一直以o黎o既夢想, 不過...
...選是選了,但老實說, 我還沒有太大信心, 因為呢個選擇有好, 亦當然有不好, 我還未有信心肯定呢個決定...
自己湊真係幾好...我諗我最後都係會請工人...
回覆刪除你要加油呀﹗
[SkyBlue回覆12/28/2010 10:01:00]其實要我放棄份工, 我都幾唔捨得, 不過...希望親手湊B帶O黎O既滿足感同快樂可以大過所放棄O既一切啦!!!
自己湊好..咁要努力學湊B啦
回覆刪除[SkyBlue回覆12/28/2010 09:59:00]係呀!!!咁你呢???你會邊個湊呀??
自己湊係好d ga~~~可以的我都想
回覆刪除[SkyBlue回覆12/28/2010 10:00:00]希望放棄工作, 老公辛苦少少都係值得啦!!!!
自己湊對小朋友都好d架!!! 我記得你之前話想好似外國既教育方式咁, 俾d小朋友自由發揮...你要加油呀!!
回覆刪除[SkyBlue回覆12/28/2010 13:28:00]真係要加油呀!!!我諗呢個都係一個大挑戰呢!!
自己湊好, 不過亦好辛苦, 一星期7天24小時年終無休, 但都係值得既^^
回覆刪除不過就要辛苦老公, 到時會唔會唔幫手呢?
[SkyBlue回覆12/28/2010 14:50:00]我諗到時我無收入, 都唔會好意思要老公辛苦幫手o架喇!!不過咁, 只要老公唔怕辛苦, 我都會俾佢放工接觸多D BB, 唔係BB實唔認得爸爸只識癡住我都似, HAHAHAHA!!!
我都想自己湊呀~~ 其實我老公都肯比我唔返架 只係我怕之後冇左個收入自己好唔安樂咋.... 我地又未買樓呢..... 如果我唔做咪更加儲唔到錢... 但係我又唔想成日都見唔到個b.....唉唉唉
回覆刪除[SkyBlue回覆12/28/2010 15:16:00]其實無左份收入真係會有D唔安樂, 所以我都話我都唔係太有信心去'肯定'我呢個決定!!!
你未買樓可能真係再麻煩D, 不過得番我老公一個人供樓, 佢壓力都唔細, 到時應該個個月清袋, 都唔會儲到咩多餘錢...
我嗰陣又係咁煩惱左好耐,不過其實等放埋產假,真係試下落手落腳湊自己接唔接受到先,有啲人好享受自己一手一腳湊,有啲可能真係寧願番工,而家安心養胎,到時先再諗啦~~
回覆刪除[SkyBlue回覆12/29/2010 09:19:00]都o岩o既~~~希望我可以好似你咁, 做個開心全職媽咪啦!!!