確定預產期 (回顧第8W)

17/10/2010 (8W5D)

今日第二次見bb!!!預產期比上次照提早1日, 改為5月24日!!

兩星期前bb得0.618cm, 仲好似一條蟲仔, 今日見佢, 己經大過上次3倍, 有成2.15cm, 仲好清楚見到頭仔同臍帶添!!至於手仔腳仔, 醫生話因為仲係好似泥膠咁一粒仔係個身度, 所以仲未睇得清楚住呢!!!

同上次一樣, 今次都好清楚見到bb心仔卜卜跳, 而最最最驚喜o既, 竟然係見到bb擺o左一下身體, 連醫生都好興奮咁問我o地見唔見到呢!!!!唔知老公子係咪唔留心, 佢真係miss o左, 之後醫生試圖推我條腰郁bb, 不過唔成功, 醫生話胎水absorb晒d力, 保謢bb,所以整唔郁bb喇!!!

hehe, 我今日間中都會諗起bb擺動o個刻o既情景, 忍唔住會心微笑...就係因為呢下unexpected o既擺動,  我終於自發現有o左後第一次真真正正有做媽媽o既感覺:

一個小生命, 正係我肚入面成長緊!!!

bb, 你要乖呀, 下次要11月8號去威院做oscar先同你再見面喇!!!

========================================================

雖然仲有成個月先叫做滿三個月, 但其實我己經忍唔住偷偷咁講o左俾好幾個朋友仔知我有左!!!

尋日係好姊妹emily生日, 兩星期後就係另一姊妹rebec出嫁大日子, 再之後11月12就另一個姊妹athena出嫁o既大日子, 短短一個月見姊妹咁多次, 無理由次次都唔講嘛...所以我都係決定早少少向佢o地公布我o既好消息!!!

雖然叫'公布', 但其實都唔係太直接o既...過程都幾搞笑....總之, 姊妹們知道後都紛紛送上恭喜, 我行出行入時都會提我小心, 好窩心呀, 多謝大家o既care呀!!!