鐵人媽媽1湊3: 5月 2010

2010年5月31日星期一

Head to Toe

5月29號, 係我同老公子三位好朋友兼中學同學Natalie, Twiny & Pinky榮升'老闆娘'o既大好日子, 因為佢o地合資o既boutique 'Head to Toe' 開張呀, 我同老公子以及一班中學同學當然要去襯o下熱鬧, 賀佢o地一賀啦!!

'Head to Toe', 好有心思o既一個名呢!!
除o左諗起一首兒歌, 仲令人一睇就知係度大家可以買到由頭到腳o既衣飾呢!

飲杯!!! 恭喜三位靚靚老闆娘呀, 開張大吉, 生意興隆呀!!!

舖頭比想像中大呀!!!

好多中學同學都有去支持三位老闆娘呀, 睇o下舖頭門口幾熱鬧!!!

好, 不如等我帶各位入去shopping啦!!!

裝修好雅緻呢!!!

帽, 袋, 衫, 褲, 鞋, 真係 'Head to Toe'都有得賣呢!!

唔講咁多, 都係shopping先!!!
d衫款都好靚呀,斯文o既又有, 型o既又有, 三位老闆娘果然係愛衫之人呀, 好有taste呢!!!

同三位老闆娘合照先!!!

而我, 最後買o左呢一件!!!質料都唔錯呢!!!

唔錯吧??hehe, 遮到我肥美o既手臂, yeah!!!

睇見三位老闆娘能夠完成自己夢想, 真係好羡慕呀!!!Natalie話我知, 佢o地籌備o左半年o架喇, 今日睇見舖頭開張, 真係好有成功感!!!

睇見靚靚o既舖面, 靚靚o既衫, 相信佢o地係背後真係付出o左唔少心機同努力呀, 由零開始到定concept、搵舖、source衫、搵裝修, 仲有最重要o既budget控制同風險估計...我真係好佩服三位o既勇氣呢!!!

睇見佢o地可以實現夢想, 真係好替佢o地開心呀!!!

...um...其實我o既夢想又係d咩呢??我可以有佢o地呢份勇氣嗎????

最後, 為表支持, 當然要幫三位美女賣o下廣告啦!!!

Head to Toe
Address: 荔枝角宇晴匯商場 17 號舖
Shop 17, 2/F, The Pacifica Mall, 9 Sham Shing Road, Lai Chi Kok, Kowloon, Hong Kong
Tel: 2469 1228
Email: htt.shop@yahoo.com.hk
Facebook: http://www.facebook.com/home.php?sk=lf#!/pages/Head-to-Toe/123793544309764?ref=ts

Head to Toe

'Head to Toe', 好有心思o既一個名呢!!
除o左諗起一首兒歌, 仲令人一睇就知係度大家可以買到由頭到腳o既衣飾呢!

飲杯!!! 恭喜三位靚靚老闆娘呀, 開張大吉, 生意興隆呀!!!

舖頭比想像中大呀!!!

好多中學同學都有去支持三位老闆娘呀, 睇o下舖頭門口幾熱鬧!!!

好, 不如等我帶各位入去shopping啦!!!

裝修好雅緻呢!!!

帽, 袋, 衫, 褲, 鞋, 真係 'Head to Toe'都有得賣呢!!

唔講咁多, 都係shopping先!!!
d衫款都好靚呀,斯文o既又有, 型o既又有, 三位老闆娘果然係愛衫之人呀, 好有taste呢!!!

同三位老闆娘合照先!!!

而我, 最後買o左呢一件!!!質料都唔錯呢!!!

唔錯吧??hehe, 遮到我肥美o既手臂, yeah!!!

睇見三位老闆娘能夠完成自己夢想, 真係好羡慕呀!!!Natalie話我知, 佢o地籌備o左半年o架喇, 今日睇見舖頭開張, 真係好有成功感!!!

睇見佢o地可以實現夢想, 真係好替佢o地開心呀!!!

...um...其實我o既夢想又係d咩呢??我可以有佢o地呢份勇氣嗎????

最後, 為表支持, 當然要幫三位美女賣o下廣告啦!!!

Head to Toe
Address: Shop 17, 2/F, The Pacifica Mall, 9 Sham Shing Road, Lai Chi Kok, Kowloon, Hong Kong
Tel: 2469 1228
Email: htt.shop@yahoo.com.hk
Facebook: http://www.facebook.com/home.php?sk=lf#!/pages/Head-to-Toe/123793544309764?ref=ts

========================================================

同場加映:

屋企樓下斜坡三棵蕉樹生滿蕉呢, 唔知熟o左係咪可以摘o黎食呢?

去荔枝角前老公子去o左篤波, 難得我跟埋去又有相機, 當然要襯機影o下老公子個型仔樣啦!!!

是晚晚餐, 老公形容為'超好味', 仲猛叫我搵日encore呢!!!

2010年5月26日星期三

失業少奶生活第二至四週 ~ 懶懶懶!!!

無錯, 我仲未搵到工...陰公呢...

=========================================================

第二至四個星期, 開始習慣少奶生活, 無咁早起, 亦懶做運動...

尋日我約o左我媽咪出旺角行街, 由十一點去到4點先番到屋企, 行到好支力,但我知我媽應該幾happy, hehehehe!!!!

行o左咁耐, 其實只係食o左好耐未食過o既極之好車仔麵, 然後行o左一間我媽好鍾意幫襯, 專賣出口貨日韓衣服o既花園街衫頭, 然後行花墟, 收獲都好豐富!!!

我買o左件今年好hit o既連身碎花衫, 不過我好肥, 好似著得麻麻地好睇添!!!

其實我出mk目的係想搵芫茜, 想試下係屋企種, 咁就唔使成日買, 點知...原來無芫茜o架, 最後買o左羅肋葉, 仲買o左個靚靚花盆!!!

羅肋葉都幾香, 多謝cindy推介同教我呢種香草可以煮d咩!!!
希望我種得掂啦, 亦好期待下一餐試下用佢煮食送!!!

行完街, 我同媽咪行番花園街附近食我妹推介o既重慶酸辣粉, 正預備買其間, 忽然有個女人拖住行李一車車落我腳度, 超級痛, 但個女人為o左趕小巴只係望o左我一望, 對唔住都無句, 我一望我對腳, 即時多o左三道疤, 忍唔住大聲鬧個女人'有無搞錯', 我留意到有個男途人同附近o既舖頭職員見到我隻腳車成咁, 都有幫我望住個女人, 擰擰頭好似好替我不值咁...

雖然個心好唔忿氣無端端俾人車o左三條疤, 道歉都無句, 但見無流血, 個女人又己經上o左小巴, 唯有繼續買粉食啦...

如果真係車到流血, 其實我係咪可以捉住個女人叫佢賠燙藥費???

========================================================

另外, 二月時開始學人職溫暧牌, 因為唔趕, 所以織下停下咁, 織左三個月(其實真正有努力織,應該得一個月), 終於織好後幅...hahaha, 以咁o既速道, 織好應該真係到冬天喇, yeah!!!

有offer了, 但係...

星期二下午, 我終於等到由二月中開始努力搵工以o黎第一個俾我offer o既電話喇!!!!

個offer係boc, 不過...條件唔多好...因為...

- 佢o地要我6月14先on board
- 人工俾我叫o既少1.2k
- 係agent contract
- contract有binding terms, within contract period resign要一個月通知+賠半個月糧
- 5個月contract

總之, 我為o左中大, 個心其實唔多想accept, 因為我唔想要賠半個月糧咁慘, 但如果我唔accept, 萬一中大唔請, 我就唔知要再失業到幾時...

結果, 為o左那個可惡o既binding terms, 我尋日打o左俾cx舊同事, 勞工處, 律師朋友emily, 仲有agent度clarify, 因為我最怕我口頭上accept, 但係6月14前中大有消息o既話我都要賠, 咁就真係好蝕!!!

結果, cx原來俾o左offer第二個...即係無希望了!!!

另外, 原來勞工處o既保障只係勞資關係開始後先生效, 而且跟據勞工法例, 只要僱員俾足通知期, 係唔需要向僱主作任何現金賠償o既!!!不過...勞工處話, 勞資關係開始前發生o既事以及合約上寫明o既條款, 僱主係有權跟據合約精神之類o既法律途徑去追討, 咁到時就唔關勞工法例事, 著我搵民政事務處查詢!!!

所以我後來就打俾律師朋友emily問, 咁當然啦, 結果係合約白紙黑字寫明要賠, 我簽o左就當然要跟住做...

最後, 我就打去agent度問清楚, 試途迫boc俾我早d番, 但結果不得要領, 因為boc話我accept後,佢地需要2-3wks去出contract, 所以要等到6月14咁上下先ready俾我on board!!!至於binding terms, 我同agent講我覺得好唔fair, 因為如果我口頭accept都計, 咁萬一我6月14前真係有其他option o既話我就真係好慘...結果, agent話, 雖然我口頭上accept, 但一日份contract我未簽, 我反口都無問題...總之, agent話我accept後, boc都起碼到6月7-10號先ready contract, 我其間反口都無事...

噓...太好了...即係我而家唯一要做就係下星期一accept住先, 然後期待中大早日叫我去interview!!!!!

===========================================================

搵工o既煩惱叫做暫時settle, 尋日我約o左我媽咪出旺角行街, 由十一點去到4點先番到屋企, 行到好支力,但我知我媽應該幾happy, hehehehe!!!!

行o左咁耐, 其實只係食o左好耐未食過o既極之好車仔麵, 然後行o左一間我媽好鍾意幫襯, 專賣出口貨日韓衣服o既花園街衫頭, 然後行花墟, 收獲都好豐富!!!

我買o左件今年好hit o既連身碎花衫, 不過我好肥, 好似著得麻麻地好睇添!!!

其實我出mk目的係想搵芫茜, 想試下係屋企種, 咁就唔使成日買, 點知...原來無芫茜o架, 最後買o左羅肋葉, 仲買o左個靚靚花盆!!!

羅肋葉都幾香, 多謝cindy推介同教我呢種香草可以煮d咩!!!
希望我種得掂啦, 亦好期待下一餐試下用佢煮食送!!!

雖然個心好唔忿氣無端端俾人車o左三條疤, 道歉都無句, 但見無流血, 個女人又己經上o左小巴, 唯有繼續買粉食啦...

如果真係車到流血, 其實我係咪可以捉住個女人叫佢賠燙藥費???

========================================================

另外, 二月時開始職冷衫, 因為唔趕, 所以織下停下咁, 織左三個月(其實真正有努力織,應該得一個月), 終於織好後幅...hahaha, 以咁o既速道, 織好應該真係到冬天喇, yeah!!!

2010年5月24日星期一

一代不如一代??

尋日係facebook見到有friend張貼以下一篇報導, 睇完真係感慨萬分, 亦不自覺為香港o既將來擔心...

富貴家長寵出難頂港孩

其實我呢d八十後己經被評為不及上一代捱得苦, 缺少拼搏精神兼無主見...但睇完上述報導後, 似乎九十後甚至二千年後o既一代問題比我o地呢d八十後更嚴重...因為, 佢o地似乎連生存上最基本o既自理能力都有問題...香港o既將來就由佢o地主宰, 似乎真係幾可悲!!!

當然, '港孩'可能只係'富貴家長' (或者係富貴七十/八十後家長???) o既產物, 文中所提及o既問題可能亦比較極端, 但我諗既然八十後都不如上一代, 八十後教出o黎o既下一代想必真係會更糟糕吧???

先唔好講'公子病', '王子病', 我個人覺得現今d小朋友真係越o黎越'唔輸得', 好似早幾日睇'巨聲' o個位 '餓狼'小朋友咁, 十二歲仔有自信有夢想參加比賽本來唔係咩問題, 而且應該覺得佢'勇氣可加'先o岩, 但睇到佢一被評判批評就扁晒咀好似好不忿咁o既表情我就好反感!!!評判意見唔合理而不忿可能都易理解一點,但我覺得評判講o既其實都係好中肯o既意見,係'指導'而唔係'批評'呢, 要知道對自己有自信未必係壞事,但太有自信就會變為自大呀!!!

睇見新生代呢種自我中心,自以為是, 咩都以為係'奉旨', '應該'o既性格, 真係不禁令人搖頭感嘆...!!!從錯誤中學習幾時都係不變o既定理, 但呢d小朋友係父母保護下, 己經連咩係'錯誤'都唔識分, 更莫講話識得'承認'自己o既'錯誤'!!!既然連面對'挫折'o既機會都無, 佢o地又點會識得自己想辨法或調正心理去'處理'呢d'挫折', 獨立地去學習成長!!!...或者, 作為父母o既真係要好好學習放一下手, 適當地俾機會小朋友去'闖禍'吧???

記得我同老公子之前去honeymoon時都有留意到外國人係點帶小朋友o既, 我同老公子都好buy呢種方式!!!細節如用'咩帶'時bb係向外而唔係向住父母自己, bb識爬就讓佢係草地方自由地爬等等!!!

圖中小朋友好開心咁去玩泥沙, 但其實呢個並唔係比小朋友玩o既'沙地',而係地盤工地, 小朋友自己推開蓋著地盤o既布就自得其樂地玩, 開心得玩到成身污泥!!!而小朋友父母並沒有因為'污漕'而阻止小朋友!!!

我個人覺得咁樣先係養大小朋友o既理想方法...或者新生代父母真係要好好學習點樣'狠心'一點去放開手,俾小朋友自己獨立地學習成長先得, 因為過份保護其實對小朋友o既成長沒有益處呢!!

雖然我仲未為人父母, 仲未明白父母對子女o既愛究竟係咩一回事, 但我深信我呢d八十後第二時教育小朋友時真係要非常小心, 希望我做人父母時, 為了子女成長著想, 可以做到以上所講咁 '狠心' 啦!!!

2010年5月23日星期日

一代不如一代???

尋日係facebook見到有friend張貼以下一篇報導, 睇完真係感慨萬分, 亦不自覺為香港o既將來擔心...

富貴家長寵出難頂港孩

其實我呢d八十後己經被評為不及上一代捱得苦, 缺少拼搏精神兼無主見...但睇完上述報導後, 似乎九十後甚至二千年後o既一代問題比我o地呢d八十後更嚴重...因為, 佢o地似乎連生存上最基本o既自理能力都有問題...香港o既將來就由佢o地主宰, 似乎真係幾可悲!!!

當然, '港孩'可能只係'富貴家長' (或者係富貴七十/八十後家長???) o既產物, 文中所提及o既問題可能亦比較極端, 但我諗既然八十後都不如上一代, 八十後教出o黎o既下一代想必真係會更糟糕吧???

先唔好講'公子病', '王子病', 我個人覺得現今d小朋友真係越o黎越'唔輸得', 好似早幾日睇'巨聲' o個位 '餓狼'小朋友咁, 十二歲仔有自信有夢想參加比賽本來唔係咩問題, 而且應該覺得佢'勇氣可加'先o岩, 但睇到佢一被評判批評就扁晒咀好似好不忿咁o既表情我就好反感!!!評判意見唔合理而不忿可能都易理解一點,但我覺得評判講o既其實都係好中肯o既意見,係'指導'而唔係'批評'呢, 要知道對自己有自信未必係壞事,但太有自信就會變為自大呀!!!

睇見新生代呢種自我中心,自以為是, 咩都以為係'奉旨', '應該'o既性格, 真係不禁令人搖頭感嘆...!!!從錯誤中學習幾時都係不變o既定理, 但呢d小朋友係父母保護下, 己經連咩係'錯誤'都唔識分, 更莫講話識得'承認'自己o既'錯誤'!!!既然連面對'挫折'o既機會都無, 佢o地又點會識得自己想辨法或調正心理去'處理'呢d'挫折', 獨立地去學習成長!!!...或者, 作為父母o既真係要好好學習放一下手, 適當地俾機會小朋友去'闖禍'吧???

記得我同老公子之前去honeymoon時都有留意到外國人係點帶小朋友o既, 我同老公子都好buy呢種方式!!!細節如用'咩帶'時bb係向外而唔係向住父母自己, bb識爬就讓佢係草地方自由地爬等等!!!

p.s. 最近很多blog友都成為媽媽或準媽媽, 我好有興趣想知你o地點睇呢??有時間就留個言吧!!! :)

2010年5月19日星期三

希臘瑞士Honeymoon之旅 ~ Day14: Matterhorn(9/7)

之前d honeymoon日記係honeymoon後番到hk就寫o既,所以寫得比較詳細, 不過日記寫到第13日就無心機再寫, 所以第14同15日o既日記, 我唯有而家靠看圖作文記番, 可能好多細節位都唔記得都未定lu...

=======================================================

一早起身食早餐, 不過早餐又係凍火腿同包, 老公子食到好怕!!

食早餐o既地方好靚, 又夠陽光, 好有歐陸風情!!

食完早餐, 我o地就出發去搵上Little Matterhorn o既登山車站喇!!

上: 影下酒店外賣同酒店o既電動車先!!
下: 土撥鼠濆泉!!

呢個就係上Matterhorn Glacier Paradise (3820m) o既車站喇!!!

其實Zermatt呢區真係好多行山路線, 尋日我o地上o既Rothorn位於下圖8號路線, 而今日我o地要去o既Matterhorn Glacier Paradise就係呢區最高o既登山景點!!!不過, Zermatt呢度最多遊客登山o既,其實係下圖15號路線o既Gornergrat, 上面o既觀光配套應該比較好, 但既然我尋日去o左附近o既Rothorn, 今日不如去比較近Matterhorn o既Matterhorn Glacier Paradise, 感受一下3883m o既高度吧!!!

Src: http://www.zermatt.ch/en/page.cfm/experience/summer_activities/hiking

出發!!!

講景色, 都係interlaken靚d, 但係咁o岩我係zermatt呢度陽光超好, 感覺又特別舒暢!!!

上山喇, 下面山谷中就係Zermatt喇!!!

wow, 不知不覺上到好高喇, 望見d雪山都充滿寒意呢!!!

到喇到喇!!其實上Matterhorn Glacier Paradise唔似上少女峰咁, d登山車會中途停站等你適應山頂高度, 所以我開頭都有d擔心會好易有高山症!!不過, 其實Zermatt原來己經o係海拔1600m (即係同我之前住Murren一樣高), 所以高山反應都唔明顯!!!只係行上上圖左上o個條樓梯上最高觀光點時有點吃力!!!唔好睇少o個幾十級樓梯, 我同老公子行到半路己經行唔到, 要企係到慢慢喘番順條氣先可以上到頂呢!!!

位於3883m o既360度景觀!!!

四周都係雪山, 好壯觀呢!!!
左下: Matterhorn, 係呢區最高峰, 有4478m!!!
右下: 我o地身處o既Little Matterhorn , 3883m!!

當然又要影張相紀念下啦!!!或者呢一刻就係我同老公子成世人企得最高o既一刻嘛!!!

我係呢個影相景點仲變o左旅遊大使, 歐洲人日本人都搵我幫手影合照, 我當然又厚面皮咁用我有限o既日文同日本人傾o下計, 之後又同一個來自荷蘭 o既傾計, 原來對方係教日本人英文o既老師, 佢個仔正係中國讀書, 好得意呀, d外國人真係特別國際化呢, 佢仲讚我同老公子d英文好好添, 好開心,好鍾意同外國人傾計呢!!!

影完相我o地就落番滑雪區喇!!

好多滑雪人士帶齊行裝準備滑雪呢!!

望番頭先影相o既觀光塔頂!1

wow, d雲係腳下呢, 有d似坐緊飛機!!!

大家估下我做緊咩?haha, 其實係d雪太滑喇, 我係度左扭右扭向前滑緊冰呀!!

由於唔係去滑雪, 對鞋又唔爭氣行唔到咁滑o既雪, 所以我同老公子影o下相就走lu!!!!幾百蚊(忙記exact價錢了!!)上山一個鐘都無就走喇!!!

回程時見到好多人開始上山呢, 個個都帶齊滑雪裝備o架, 唔知有無人好似我同老公子咁無聊只係上去'望下'呢...

冰川!!

右下: 坐纜車落山間中就見到山下有d餐廳,但其實餐廳四周都無車站o架, 我同老公子都好奇怪單靠行山人士, 呢d餐廳點係咁高海拔o既地方生存呢!!!

落o左纜車後好似轉o左車吊車再上o左山o既另一邊 (exactly係點唔多記得喇!!)

今日我o地本來無打算健行o架, 只係諗住行去一個叫Schwarzsee paradise o既湖度睇Matterhorn倒影...點知...個湖就搵唔到, 我o地又越行越遠, 最後費事番轉頭下就行o左兩個幾三個鐘頭山...嗚...呢程山辛苦過上一日, 又無咩動物睇, 我同老公子都好後悔呀...唯有當做下運動啦!!!!

行山路線資料來自: http://www.zermatt.ch/de/page.cfm/erlebnis/sommeraktivitaeten/wandern/ww_matterhorn-trail

Schwarzsee paradise - Stafelalp - (Schönbiel) - (Furi) - Zmutt - Zermatt

Spektakuläre Sicht auf die Nordseite des Matterhorns, idyllischer Schwarzsee mit der Kappelle ®Maria zum Schnee¯, in Stafelalp befindet sich die einzige Sennerei von Zermatt, hübscher kleiner Weiler Zmutt.Anstatt über den Weiler Zmutt, Wanderung von Stafelalp nach Furi (ca. 50 Min.) oder zur Schönbielhütte (ca. 2 h pro Weg).Beste Jahreszeit: Mitte Juni bis OktoberVerpflegungsmöglichkeiten: Schwarzsee, Stafel, Zmutt, (Furi), (Schönbielhütte)