希臘瑞士Honeymoon之旅 ~ Day14: Matterhorn(9/7)

之前d honeymoon日記係honeymoon後番到hk就寫o既,所以寫得比較詳細, 不過日記寫到第13日就無心機再寫, 所以第14同15日o既日記, 我唯有而家靠看圖作文記番, 可能好多細節位都唔記得都未定lu...

=======================================================

一早起身食早餐, 不過早餐又係凍火腿同包, 老公子食到好怕!!

食早餐o既地方好靚, 又夠陽光, 好有歐陸風情!!

食完早餐, 我o地就出發去搵上Little Matterhorn o既登山車站喇!!

上: 影下酒店外賣同酒店o既電動車先!!
下: 土撥鼠濆泉!!

呢個就係上Matterhorn Glacier Paradise (3820m) o既車站喇!!!

其實Zermatt呢區真係好多行山路線, 尋日我o地上o既Rothorn位於下圖8號路線, 而今日我o地要去o既Matterhorn Glacier Paradise就係呢區最高o既登山景點!!!不過, Zermatt呢度最多遊客登山o既,其實係下圖15號路線o既Gornergrat, 上面o既觀光配套應該比較好, 但既然我尋日去o左附近o既Rothorn, 今日不如去比較近Matterhorn o既Matterhorn Glacier Paradise, 感受一下3883m o既高度吧!!!

Src: http://www.zermatt.ch/en/page.cfm/experience/summer_activities/hiking

出發!!!

講景色, 都係interlaken靚d, 但係咁o岩我係zermatt呢度陽光超好, 感覺又特別舒暢!!!

上山喇, 下面山谷中就係Zermatt喇!!!

wow, 不知不覺上到好高喇, 望見d雪山都充滿寒意呢!!!

到喇到喇!!其實上Matterhorn Glacier Paradise唔似上少女峰咁, d登山車會中途停站等你適應山頂高度, 所以我開頭都有d擔心會好易有高山症!!不過, 其實Zermatt原來己經o係海拔1600m (即係同我之前住Murren一樣高), 所以高山反應都唔明顯!!!只係行上上圖左上o個條樓梯上最高觀光點時有點吃力!!!唔好睇少o個幾十級樓梯, 我同老公子行到半路己經行唔到, 要企係到慢慢喘番順條氣先可以上到頂呢!!!

位於3883m o既360度景觀!!!

四周都係雪山, 好壯觀呢!!!
左下: Matterhorn, 係呢區最高峰, 有4478m!!!
右下: 我o地身處o既Little Matterhorn , 3883m!!

當然又要影張相紀念下啦!!!或者呢一刻就係我同老公子成世人企得最高o既一刻嘛!!!

我係呢個影相景點仲變o左旅遊大使, 歐洲人日本人都搵我幫手影合照, 我當然又厚面皮咁用我有限o既日文同日本人傾o下計, 之後又同一個來自荷蘭 o既傾計, 原來對方係教日本人英文o既老師, 佢個仔正係中國讀書, 好得意呀, d外國人真係特別國際化呢, 佢仲讚我同老公子d英文好好添, 好開心,好鍾意同外國人傾計呢!!!

影完相我o地就落番滑雪區喇!!

好多滑雪人士帶齊行裝準備滑雪呢!!

望番頭先影相o既觀光塔頂!1

wow, d雲係腳下呢, 有d似坐緊飛機!!!

大家估下我做緊咩?haha, 其實係d雪太滑喇, 我係度左扭右扭向前滑緊冰呀!!

由於唔係去滑雪, 對鞋又唔爭氣行唔到咁滑o既雪, 所以我同老公子影o下相就走lu!!!!幾百蚊(忙記exact價錢了!!)上山一個鐘都無就走喇!!!

回程時見到好多人開始上山呢, 個個都帶齊滑雪裝備o架, 唔知有無人好似我同老公子咁無聊只係上去'望下'呢...

冰川!!

右下: 坐纜車落山間中就見到山下有d餐廳,但其實餐廳四周都無車站o架, 我同老公子都好奇怪單靠行山人士, 呢d餐廳點係咁高海拔o既地方生存呢!!!

落o左纜車後好似轉o左車吊車再上o左山o既另一邊 (exactly係點唔多記得喇!!)

今日我o地本來無打算健行o架, 只係諗住行去一個叫Schwarzsee paradise o既湖度睇Matterhorn倒影...點知...個湖就搵唔到, 我o地又越行越遠, 最後費事番轉頭下就行o左兩個幾三個鐘頭山...嗚...呢程山辛苦過上一日, 又無咩動物睇, 我同老公子都好後悔呀...唯有當做下運動啦!!!!

 

行山路線資料來自: http://www.zermatt.ch/de/page.cfm/erlebnis/sommeraktivitaeten/wandern/ww_matterhorn-trail

Schwarzsee paradise - Stafelalp - (Schönbiel) - (Furi) - Zmutt - Zermatt

Spektakuläre Sicht auf die Nordseite des Matterhorns, idyllischer Schwarzsee mit der Kappelle ®Maria zum Schnee¯, in Stafelalp befindet sich die einzige Sennerei von Zermatt, hübscher kleiner Weiler Zmutt.Anstatt über den Weiler Zmutt, Wanderung von Stafelalp nach Furi (ca. 50 Min.) oder zur Schönbielhütte (ca. 2 h pro Weg).Beste Jahreszeit: Mitte Juni bis OktoberVerpflegungsmöglichkeiten: Schwarzsee, Stafel, Zmutt, (Furi), (Schönbielhütte)

Difficulty Intermediat

Duration in hrs 2:40 

Highest Point (asl) 2580 

Length in km 9.8 

certified Trail no

Starting Point Schwarzsee  (2580  M.a.S.)

Ending Point Zermatt  (1610 M.a.S.)

Map 1:25000

呢個係一個tum仔, 本來以為呢個就係Schwarzsee paradise, 但圍住佢行o左兩轉,都覺得佢無可能反到Matterhorn入倒影囉...
下: 隻狗仔玩d魚仔玩得好開心咁!!!

唔死心, 係都要搵到個湖...起行!!!

結果越行越唔對路...
上: 又係綿羊呢!!!
右下: 行山人士原來好鍾意執起路邊石仔疊疊疊o架!!!

行呀行, 其實都放棄o左搵湖喇, 唯有跟住其他行山人士行落山!!!

越行越熱呢!!!好彩帶o左布冧出o黎解o下渴o者!!

Matterhorn!!

行呀行, d山路比尋日難行好多!!!好彩都唔算太多蚊!!!

間中都有美景, 但都係尋日睇動物開心d!!!!

wow, 蒲公英呀, 好大朵, 我記得小學時期成日見到o架, 但大大下, 唔知係我無留意定點, 香港而家好似好難見到有蒲公英呢!!!

終點在望, 終於有動物喇, 仲要大大隻差d阻住條路行唔到, haha!!!

經過近3小時努力, 終於行到實站喇...

呢程健行一d都唔好玩呢, 不過不得不佩服同我o地一齊健行o既日本公公婆婆, 佢o地真係好有柏力, 有d上斜位, 佢o地比我同老公子都行得快, 好勁!!!

Zermatt, 我o地終於見到你喇, 行到好支力呢!!!

回程吊車上超開心, 因為又見到佢喇~ 鹿呀!!!自係Murren度見到一群鹿後就成日掛住佢o地, 好想有機會再見, 估唔到會係zermatt呢度再見到呢...雖然遠o左d...

下午三點幾趕火車走喇!!!我o地因為突如奇來o既健行旅程, 搞到lunch都趕唔切食就要撲番去酒店拎行李趕火車喇!!!結果我o地怱怱係zermatt main street買o左麥記當午餐!!!老公子話食得出呢度個豬柳蛋同hk o既豬柳蛋唔同味, 但我就食唔出呢...hahah!!!

終於可以俾對腳休息下喇!!!

火車離開Zermatt (G區) 番去Visp, 我o地再由Visp轉火車坐去Vevey再轉去今晚住o既地方Rivaz (H區)!!!

Src: http://www.myswitzerland.com.hk

越近法語區,景色又唔同喇,開始見到一大片一大片o既葡萄田呢!!!

wow, 見到日內瓦湖喇!!!

仲見到有名o既西庸城堡(http://www.chillon.ch/)添呀!!!

7點幾, 終於到Rivaz喇!!!

呢度好靜呀, 不過因為太少行人喇, 而且d人只講法文, 結果運o左場吉, 白白辛辛苦苦咁拎住行李行o左段大斜路, 後尾先知, 酒店原來係斜路口!!!!

上到咁高, 風景又的確幾靚o既, 但真係辛苦到上氣唔接下氣囉...haha!!!

間房又係無電視o架,老公子又大叫救命喇!!!

Settle down我o地就落樓下食'最後晚餐'喇!!!

無錯呢, 我o地住o既呢度就係食晚飯o既地方, 呢度叫AUBERGE DE RIVAZ,上網搵資料時發覺好多人讚, 應該係附近出名o既法國餐廳!!!

雞同鴨講下, 我o地叫o左個二人餐!!!!

呢度環境唔錯呢!!

呢杯紅酒係識少少英文位侍應叔叔'請' o既, 因為佢o地猛問我o地要唔要drinks我o地都唔要, 佢最後就拎o左兩杯紅酒'請'我o地...

呢一餐好豐富,不過唔係想像中咁好味, 特別係honey, 佢呢幾日食芝士真係食到怕, 右上角o個碟芝士焗雲吞老公子食到想反肚咁滯...
不過d甜品大大杯, 賣相又靚, 睇見都開心!!
呢餐盛惠93chf (~630hkd), 係瑞士行程最貴一餐, 要但check單時發覺...

呢杯紅酒竟然係要錢囉...
究竟係賣單o個個問題,定係我o地之前會錯意以為係'請'我o地飲...?????
呢個問題到今日都未得到答案, 因為我o地食到天黑, 賣單時都見唔到之前位侍應叔叔, 費事又雞同鴨講, 算數!!!

日內瓦湖夜景!!!

呢晚係我同老公子成個honeymoon trip最後一夜呢, 望住靚靚湖景, 好唔捨得, 但另一方面又覺得日日搬家咁辛苦咁趕o既旅程終於到終點,有d鬆一口氣o既感覺, 有d想快d番hk食中國菜呢!!!