希臘瑞士Honeymoon之旅 ~ Day12: Interlaken (7/7)

今日行程係...無行程!!

留o係Interlaken呢一區三日兩夜,本來其中一日諗住玩下激流之類,呢個任務下巴輕輕o既老公子話過佢負責,結果...

算啦,有無做到都唔緊要喇,因為今日天氣大至上係...多雲有雨,間中有狂風雷暴!!

朝早都仲勉強見到個山!!!

朝早起身食完早餐就慢慢搬行李落山...

右: bye bye喇murren!!!
左: 去到Lauterbrunnen時己經落緊大雨喇!!!

我o地今日住o係Interlaken中間,由interlaken ost或west站行都要大約十至十五分鐘路程,貪平係要付出代價o既...(呢間係成個瑞士最平o既一間,但都要98CHF...),好彩個天待我o地不簿,行到hostel附近先開始落微微雨!!

Interlaken呢度原來有好多馬車o架!!!

行去hostel沿途風景!!

呢個view都幾靚呢!!!好有童話世界feel!!!

Check-in,職員話d房未ready,叫我o地將行李暫放係reception,不過,我o地原先係book細房(我online book時佢o地正常size o既雙人房無晒),而家有大房,所以又可以free upgrade間大房俾我o地,好開心!!

放低行李後我o地冒住雨又行番去Ost站對出o個間超大o既Coop買野同醫肚...

其實之前都想影好耐, 唔知點解呢度d蛋咁colourful o既呢!!唔通唔同味o既??

...haha, 我o地好失敗,咁多日都仲未習慣'西餐'o既份量!!我o地叫o左兩大碟o野,但d o野好滯好飽,大食如我同老公子食到三分二都要投降...

Check過車站上Grindlewald o既schedule後,我o地就拎住d超巿戰利品先番hostel,拎d o野去kitchen雪o既時候勁有住hall feel呢!!由於仲有時間,我o地就去hostel o既common area上網!!

每位住客都有2個free coins, 可以係呢度沖2杯free drinks!!!

話明係hostel, 所有住hall設備都有, 令我同老公子諗番起住hall o既日子!!

上o左陣網就夠鐘喇,我o地又行番出Ost站,點知我o地再check一次schedule,發現我o地lunch時check錯schedule喎!!總之,我o地想上山班車要再遲d先有,而且,咁樣一搞,我o地上到山o既時間已經係下午四點,只係比之前一日早o左一個鐘!!!由於天氣依然唔穩定,大雨衣舊,我o地又再一次決定放棄健行...

最後我o地無所事事,o係Grindlewald行o左陣商店食o左個movenpick雪榚就番hostel喇!!

天氣真係好差...

行到車站望o左陣...都係算罷啦...

番interlaken時, 火車沿途景色都係咁...

番到hostel後,d雨越落越大,雖然無得健行係可惜,但呢個決定係無錯o既!!!好彩,番到去hostel已經有房,於是我o地就滿心期待咁諗住o係酒店休息,點知...

亂o左少少...hehe!!!

房內係無電視o架!!

呢間係一間hostel,係成個trip入面唯一一間hostel!!上網見到comment唔錯獨立toilet o既房房租又平,於是二話不說即book...但原來...平係有代價o架,因為間房又係無電視o架!!!老公子大失所望,差d未喊救命...我亦有d唔好意思,因為我的確無check過呢度房入面有咩facilities就book,的確有d失策!!

總之,偏偏今日要留咁耐係房先o黎無電視,真係有d唔開心啦!!

無得睇電視,我o地唯有去上網!!不過因為太多人出唔到去玩(當中主要係韓國人),上網要排隊呢!!等等等,一邊上網,一邊飲住hostel送o既free朱古力奶,再一邊將d相過落手指free番張memory卡去影更多相,望住出面d雨,感覺又有另一番寫意,可能呢幾日o係瑞士實在太奔波喇,今日'零'行程可能係好事!!

天黑喇,又係上房煮大餐時間...

臨天黑個天先靚番d...仲見到藍天呢...可惜太遲喇...

晚霞!

是日大餐!!

d餃好滯, 食得好辛苦先勉強清晒...

食完大餐後老公子拉o左我去電視房睇電視,因為今晚直播MJ喪禮!!我仲以為成個hostel會有好多人睇MJ添,點知除我同老公子外得一兩個人咋,哈哈,不過咁仲好,似番d二人世界嘛!!

我o地間中轉台睇下美式捽角,間中睇下MJ網典MV,睇睇o下夜晚12點半,要番房覺覺豬喇!!

後記: 成個trip完o左,老公子竟然覺得呢間hostel係最好o既住宿,唯一缺點只係無電視係房咋!!!