希臘瑞士Honeymoon之旅 ~ Day13: Zermatt(8/7)

瑞士之旅開始進入最後倒數!!

今日行程比較豐富:  一早先坐船遊湖(下圖F區, Interlaken o既Lake Thun)  => 轉火車去Zermatt (下圖G區) => 再去Rothorn徤行, 行土撥鼠(Marmot)之路: Murmelweg!!

Src: http://www.myswitzerland.com.hk

今日七點幾起身,因為要趕住坐最早一班船遊Lake Thun!!朝早天氣仲係麻麻,落住微微雨,但晨早o既空氣真係特別清新,我o地拖住行李好快就行到Interlaken West站附近o既碼頭上船!!

地面仲係好濕滑,但好好彩,只係落微微雨!!

到碼頭喇!!

個個都話去瑞士一定要遊湖, 我都好期待呢, 因為碼頭d景色己經好靚喇!!

開船喇!!

頭班船, 人少少, 唔錯!!

我o地仲帶o左水果上船食, 三孖士多啤李!!!

出室外影相, 出面好凍呢!!

唔知係咪缺少陽光,湖景並唔係想像般咁靚,不過我依然禁不住興奮咁成日出船外影影影,連外邊落住微雨氣溫極凍都唔理...

我鍾意呢張!!

湖兩邊o既小村莊, 好靚呢!!!

老公子係度hup眼訓!!!

嘩,個天開o左個天窗呀!!

船越駛離Interlaken天氣越靚,好開心好開心,希望Zermatt天朗氣清!!

天氣好, d景色都靚d!!

可以住係呢d地方退休就好喇!!

去到Spiez碼頭, 原來有免費shuttle接駁上火車站, good!!!!

haha,係瑞士實在太少坐到巴士喇, 影番張相留念先!!! 

到o左Spiez火車站喇, 望番落去碼頭...

嘩...

Spiez呢個地方雖然只係旅程中o既一個中途車站, 但我個人覺得, 呢個湖景絕對係成個瑞士行程入面我見過最靚!!

由於有一個鐘時間先有火車去Zermatt,所以我o地就去搵o野食醫下肚!!平靚正o既讚擇,當然又係去Migros (瑞士o既連鎖超巿)...

食隻燒雞脾都有個咁靚o既view, 實在正到爆炸!!

夠鐘有火車喇!!

今次呢架竟然係雙層火車呢!!!!仲以為睇風景會特別d,點知大部份車程都係隧道入面!!!
老公子又係時候覺覺豬喇!

係Visp再轉車, 呢程車風景又同之前坐火車唔同,因為今次火車係沿位崖邊行o架,有d地方仲好高添!

火車慢慢向上爬, 見到雪山喇!!

仲見到呢d防鼠小屋呢!!!

去到Zermatt大約點幾兩點!!

拖住重重o既gip行足十五分鐘先去到酒店,最搞笑係,酒店reception一個人都無,我o地等兩等,見到有個似係送貨o既走入酒店,我o地當然把握機會問知唔知'reception'係邊啦!!好彩,原來佢真係熟呢間酒店d人,即刻幫我o地打電話搵酒店負責人,結果送貨叔叔拎o左酒店房鎖匙俾我o地就走喇,而我o地於是咩check-in手績都唔使辦就入o左房!!

呢間酒店,係全程瑞士住得最貴一晚!!!

咁貴就係為o左呢個瑞士三角朱古力景!!
盛惠190CHF/night!...不過個景幾靚都無用,其實呢晚最開心係終於有電視係房!!

為o左把握時間,我o地好快就出發去番Zermatt o既main street搵地方食lunch!!

Zermatt main street!

左揀右揀,間間都好貴,而且又唔係好明menu寫有咩食,最後都係求其入o左一間!!!!

我o地叫o左一個Spaghetti同一個Resotti,兩個都係main dish,飽到不得了!
右下: set機影合照時...

又遇到好心人喇!!

食完就行去搵上山o既車站, 途中見到有腸賣, 於是又為食地買o左,不過都係係st gallen o個條好味d!!

食完我o地就去搵上Rothorn o既纜車!!唔知係咪我o地成四點先出發呢,上山纜車除我o地外,只有另外3個遊客!!

呢架登山纜車係就住隊道形狀而設計o架,成架車都係斜o既,好搞笑!!

開車,以為有風景睇,但原來無o架,架車係黑黑o既隊道入面不斷向上衝衝衝,衝衝下其實有d驚,因為架車係以近60度(我估!!)o既角度向向直衝,我o地坐o係車卡望住下面個無底黑洞,心入面禁不住諗...萬一有咩事,真係好恐怖!!

去到Sunnegga Paradise喇,我地要再轉吊車上山!!呢座山光秃秃乜都無,同interlaken o個邊o既山好唔同,不過,由山頂望去Matterhorn真係好靚,雖然困o係吊車內,但都忍唔住隔住玻璃影影影!!

到站喇,其實仲要轉多程先上到Rothorn山頂,不過我o地聽日會上更高o既小Matterhorn,所以無上去而係o係呢度開始健行落番上吊車o既Sunnegga Paradise!!!

呢間吊車就係上Rothorn山頂, 但山頂光禿禿咁, 我諗都無咩好睇吧!!!

車站有個放滿動物標本o既箱, 嘩, 唔通全部都可以係呢度見到o既動物???

一出車站, 嘩!!!

Matterhorn真係好靚呢!!!!haha,其實大家睇o左咁耐,認得呢座山未呀???佢咪就係大家熟悉o既三角朱古力o既標誌囉!!!!

開始健行, 其實沿路都無咩人,我o地都係估估下咁行去Stellisee湖!!

左上: 陽光照射下, 地上o既沙都閃閃發光, 不過影唔到!!!
右下: 咦,見到個湖喇!!
左下: d雪好近呢, 不過好似好污漕咁!!!

大家知唔知我o地影緊咩呢???係土撥鼠o既洞穴呀!!!

呢頭影完土撥鼠o既洞, o個頭望上山坡就見到有有一點係度郁喇!!!!(小圖右下角對右那一點呀, 看到嗎??), 我同老公子都超開心呢!!!

行去湖o既時候仲見到一群綿羊呢!!!

同d羊好近呀,不過都係唔夠膽掂佢o地, haha!!!!

行到湖另一邊對上就係雪山呢!!!

係湖邊望去Matterhorn, 好靚呀,不過...個湖反映唔到matterhorn呀...

湖入面好多魚仔同小蝌蚪!!!

為o左搵Matterhorn倒影, 我唔死心, 係都要圍住湖行一轉!!! (相中左上方個人仔就係我喇!!)

可惜呀, 風向令個湖只反映Matterhorn相反方向o既美景!!!

算啦, 照影相留個念吧!!

去完Stellisee, 我o地就開始行另一段健行路線: Murmelweg: 土撥鼠(Marmot)之路!!!

Src: http://www.zermatt.ch/en/page.cfm/experience/summer_activities/hiking

上圖就係Zermatt一帶o既行山路線, 而Murmelweg: 土撥鼠(Marmot)之路, 就係圖中o既8號路線!!!

以下資料來自: http://www.zermatt.ch/de/page.cfm/erlebnis/sommeraktivitaeten/wandern/ww_murmelweg

Blauherd - Stellisee - Sunnegga paradise

Murmeltiere: das Leben der putzigen Nager anhand des Themenweges kennen lernen (Holzskulpturen und 6-sprachige Infotafeln), Murmeltierbeobachtungsposten auf Sunnegga paradise, direkter Blick aufs Matterhorn.Bademöglichkeit im Leisee.Beste Jahreszeit: Juni - SeptemberVerpflegungsmöglichkeiten: Sunnegga

Difficulty Intermediat

Duration in hrs 0:55 

Highest Point (asl) 2580 

Length in km 3.3 

certified Trail no

Starting Point Blauherd  (2580  M.a.S.)

Ending Point Sunnegga  (2290 M.a.S.)

Map 1:25000

唔知我o地可唔可以見到佢o地呢?

出發!!!

天氣一流呀,沿路雖然風景唔算超美, 但我同老公子都覺得行得好舒服呢!!!

可能時間唔早, 沿路得另一個外國人健行, 行到其中一個位置時,佢企係山邊, 影出o黎感覺好型呢! (大相右下角!!)

沿路會有一d好似相中紅色o既柱, 柱上寫o左各種關於土撥鼠o既資料, 好有趣o架!!!

呢度就係土撥鼠o既洞, 資料話土撥鼠bb會吱吱叫o架, 當然我o地聽唔到啦!!!

忽然!!!!嘩, 對落山坡真係見到土撥鼠呢!!!!土撥鼠比想像中肥大呀, 同香港o既狗差唔多大呢!!!

行呀行, 嘩, 又見到另一隻呀, 呢隻好似定o左型咁, 企係度好耐, 所以我影得佢超清楚呀!!!

之後又見到動物喇, 係一群山羊呀, 佢o地好得意呀, 前半身係黑色, 後半身係白色o架!!!

山崖明明好峭, 但d山羊話咁易就上o左頂呢!!!

wow!!!高居臨下, 好型呀!!!

日落前終於行番去車站喇, 呢程健行我同老公子都超開心, 因為見到好多隻土撥鼠, 最近距離應該係臨到車站時我同老公子忽然覺得背後有動物跳過, haha, 應該又係可愛o既土撥鼠呢!!!

番到Zermatt, 我o地去shopping, 仲買o左雪榚, hehe, yummy!!!

右下: 有土撥鼠公仔同黑白羊o既公仔賣呀!!!同真o既一榚呢, 好得意!!!

呢間賣音樂盒o既舖頭好多好精緻o既音樂盒, 仲好貴添!!!

呢d叫防鼠小屋, 應該係防土撥鼠偷野食吧, haha!!!

番到酒店, 係露台同Matterhorn合照先!!!

今晚晚餐好豐富呀!!!

今日行程好豐富又唔算太趕, 仲見到好多可愛小動物, 我同老公子今日都玩得好開心呀!!!!!