二人世界!!!

今個星期六少有地由朝到晚都二人世界, 拍足一日拖, 好開心呀!!!

lunch先去新街巿食豬扒麵, 之後就拍拖買食送,hehe, 好少去街巿買食送呢, 老公子好開心, 因為可以買新鮮海鮮!!!

結果我o地買o左帶子同埋魷魚!!!!

下午, 我o地落會所游水, 今日老公子好叻呀, 一試就識係水入面打筋斗喇!!!!我諗老公子好快可以claim自己學識游水吧!!!!

游完水沖完涼, 我o地一齊煮飯!!!老公子好少入廚幫我o架, 所以我覺得我今日好幸福呀!!!

登登~~~~買o左半年都有喇, 手打烏冬小麥粉!!!

全靠老公夠力打咋, 如果靠我,我諗打到天光d烏冬都未打好...hahahahaaha!!!!另外, 仲要多謝老公子幫手洗海鮮!!!!

多得老公子幫手預備, 煮就當然留番俾我呢個煮飯婆啦!!!!

haha, d烏冬超粗呢, 不過好煙un, 有d似食緊上海粗麵, haha!!!!!
d帶子就好爽, 呢餐好似特別好味, hehe!!!!

今日雖然過得簡簡單單, 但感覺好幸福呀!!!!

========================================================

早兩日老公子跟公司出去參觀名鑄, wow, 豪宅呢, 唔知我呢世女有無機會住到呢d豪宅呢, hahahahhaa!!!!