無錯, 我仲未搵到工...陰公呢...
=========================================================
第二至四個星期, 開始習慣少奶生活, 無咁早起, 亦懶做運動...
尋日我約o左我媽咪出旺角行街, 由十一點去到4點先番到屋企, 行到好支力,但我知我媽應該幾happy, hehehehe!!!!
行o左咁耐, 其實只係食o左好耐未食過o既極之好車仔麵, 然後行o左一間我媽好鍾意幫襯, 專賣出口貨日韓衣服o既花園街衫頭, 然後行花墟, 收獲都好豐富!!!
我買o左件今年好hit o既連身碎花衫, 不過我好肥, 好似著得麻麻地好睇添!!!
其實我出mk目的係想搵芫茜, 想試下係屋企種, 咁就唔使成日買, 點知...原來無芫茜o架, 最後買o左羅肋葉, 仲買o左個靚靚花盆!!!
羅肋葉都幾香, 多謝cindy推介同教我呢種香草可以煮d咩!!!
希望我種得掂啦, 亦好期待下一餐試下用佢煮食送!!!
行完街, 我同媽咪行番花園街附近食我妹推介o既重慶酸辣粉, 正預備買其間, 忽然有個女人拖住行李一車車落我腳度, 超級痛, 但個女人為o左趕小巴只係望o左我一望, 對唔住都無句, 我一望我對腳, 即時多o左三道疤, 忍唔住大聲鬧個女人'有無搞錯', 我留意到有個男途人同附近o既舖頭職員見到我隻腳車成咁, 都有幫我望住個女人, 擰擰頭好似好替我不值咁...
雖然個心好唔忿氣無端端俾人車o左三條疤, 道歉都無句, 但見無流血, 個女人又己經上o左小巴, 唯有繼續買粉食啦...
如果真係車到流血, 其實我係咪可以捉住個女人叫佢賠燙藥費???
========================================================
另外, 二月時開始學人職溫暧牌, 因為唔趕, 所以織下停下咁, 織左三個月(其實真正有努力織,應該得一個月), 終於織好後幅...hahaha, 以咁o既速道, 織好應該真係到冬天喇, yeah!!!
你個顆豆仲有無係度呀？
回覆刪除織得都好靚呀﹗
[SkyBlue回覆05/27/2010 13:37:00]唔係度喇, 早幾日決定放棄佢!!!!!
yeah, 多謝你呀,全靠你指導得好咋!!!
呢d生活都唔錯, 織 一件冷衫好似好難呢
回覆刪除[SkyBlue回覆05/27/2010 13:38:00]都有少少難, 特別係我本來都唔係好識, 開頭又拆又織又唔多識用力, 會織到對手好支力!!!
(好驚嚇呀, yahoo將我差唔多時間留俾你同埋另外兩位blog友既msg repeat左 麻煩你delete我之前個msg啦)
回覆刪除我想話, 你要加油呀!!!
對我來講, 織頸巾都還可以, 一件冷衫實在難度太高, 無能為力啦!!! Feon好叻呢!!
[SkyBlue回覆05/30/2010 17:20:00]咁搞笑????
hahaha, thanks呀,其實我對上一次織都10年前喇, 其實我都想織頸巾o架,但老公子唔鍾意戴,所以唯有向難度挑戰o下囉!!!
我都想織件溫暖牌比我老公, 不過仲未的起心肝去學呀! 你係唔係係冷舖學架?
回覆刪除[SkyBlue回覆06/01/2010 10:40:00]我買冷時冷舖阿姐有教, 但我主要係問朋友囉!!!
haha, 真係幾花時間o架, 但我諗織完都會好有成功感!!!快d開始啦, 慢慢織得o黎冬天剛好呢!!!
HAHA，我而家都失業，呢兩個星期都好enjoy少奶奶生活。不過因為placement，所以令自己失業呢~~
回覆刪除[SkyBlue回覆06/07/2010 18:03:00]我聽日番工lu, 不過呢份唔係我最想番o架...唉...
咁黑仔無啦啦被車傷啊... 所以有時好怕去多人地方... 我覺得後幅係最考耐性的... (因為又大幅又無乜花紋唔係太要加針減針~) 努力加油啊~~
回覆刪除[SkyBlue回覆06/07/2010 18:04:00]咦, 你好似都好有織冷衫經驗呢!!!我而家開始前幅喇, 唔知幾時可以織好呢...haha!!!
嘩~~ 織冷衫, 好犀利呀!
回覆刪除[SkyBlue回覆06/12/2010 16:00:00]thanks呀!!到時織好應該都會好有成功感, heheheh!!