2008年8月31日 星期日
2008年8月30日 星期六
深圳遊 (麥田落訂 + 睇大陸磚 + 睇Decoration用品)
今次要完成o既任務有兩個,就係去麥田映像落訂同埋去睇大陸磚!!
仲記得六月上去麥田睇過一次,o個次負責人話我o地想影o既地點得十二月尾至一月先最靚,所以叫我o地有興趣最好早d決定,以免無檔期!!原本我諗住七月尾再o黎落訂,點知一直無時間,搞到而家差唔多九月先再上o黎呢!!
今日接待我o地都係上次o個位男士(睇番張單原來佢就係我曾經係SI個blog睇到o個位'大米'),估唔到佢咁好記性,竟然認得我o地,等我o地仲諗住扮未上過去再由頭問多次影相o既o野添,哈哈!!今次上去都幾驚喜,因為上次我同honey對佢d相簿款式有d意見,估唔到今次全部相簿都換晒新喎,其中有一兩款仲幾o岩心水添,好開心呀!!!
由於上次都了解過,所以我同honey今次好爽快就俾錢,俾錢時大米仲話我o地知呢兩日佢o地做promotion,所以會送多樣o野俾我o地添,好開心呀,yeah!!
終於又完成一項喇,好期待1月9號影第二輯相,呢次要影d上次無o既o野先得!!!
臨走,o係麥田門口見到佢個decoration假花幾靚,即刻問佢係邊買,原來係上次去過o既藝展中心呀,今日去睇磚時要再去多次先得!!!
之後,我o地就去家樂居睇磚,好彩今朝我做足功課,所以我o地只集中o係blog友讚好o既家樂居睇,大家都知啦,深圳閒閒o地一個商場仔都可以好大嘛,如果行多幾間真係會腳斷呢,哈哈!!!
o係家樂居我o地都係行o左幾間,頭兩間都有拎到磚版走,等我同honey可以慢慢試清楚大陸磚o既質素有無我o地上次o係上海街拎番o黎o個兩塊意大利磚好!!之後我o地再行o左兩間大陸名牌舖,好彩今朝係網上見到個list,所以先知佢係名牌,可惜呢度無版拎呀...!!!!
綜合意見,我同honey都覺得大陸磚價錢真係好實惠,就算係名牌子都係三十幾蚊一大塊,的確好吸引,而且我o地仲發現o係大陸易d搵到我同honey o既心水顏色,所以,我同honey都覺得,如果拎番o黎唔係名牌o個d大陸磚質素都OK o既話,我o地都幾大機會會番深圳買磚裝修!!!
番到至企先發現,今次我o地拎o既磚版顏色淺過上次係上海街拎o個兩塊(上面o個兩塊),下次再睇磚,睇怕要拎埋想要隻磚色出去先得,因為d舖頭燈光都真係幾影響我o地搵想要o既磚色呢!!!
行完家樂居,我o地就去藝展中心,仲記得上次係睇花樽,今次我o地就集中睇裝飾品,希望可以搵到一d可以俾我DIY婚宴場地o既o野!!!
以上就係我o係藝展中心見到o既,當然啦,我都係集中睇紫同綠色!!!不過,我o地發現呢度d o野都好貴,好似圖中央o個個花花,要千三蚊呢...!!!!
o係藝展中心頂樓有間大型賣假花假植物o既舖頭(有點似MK花墟o個間繽紛),不過呢度係巨人國版...入到去差唔多棵棵o野都高過人咁...
你o地睇我honey變得幾細粒!!!哈哈!!!
====================================================
番到屋企用羅絲批刮d磚,又用marker筆劃花佢o地,然後再抹,結果,所有磚都通過Marker筆測試,無食色,但三塊大陸磚都過唔到羅絲批o既考驗,留下一點點白色,可見佢o地都唔係咩過底磚!!!不過,我要講明我係好大力咁刮d磚,如果小心用,我相信一般情況下,我o地都唔會太粗暴對d磚,所以大陸磚都仲可以考慮o既!!!
2008年8月29日 星期五
婚前輔導講座
結果...我同honey都因為夜放工而聽得半個鐘多d咋...不過個講座內容都係expect o既o野啦,所以我諗我o地都係唔會join any輔導喇!!
講番個talk尾聲去到Q&A,有個男人發問,但點知聽o左佢講幾分鐘,都唔明佢問乜,而且仲好似唔打算停口咁,講o野時又不斷咳,好怪,後尾先知道佢係神父,佢發表佢唔認同無宗教信仰但都可以婚姻完滿o既意見...嘩,估唔到有d咁激進o既神父...好得人驚!!!
聽完talk同^.^ & ^____^ 去食韓國菜,傾o左好耐計,好開心呀!!
2008年8月27日 星期三
連同事都想走???
噢,原來佢都有呢個諗法...可想而知個project真係做到大家都灰o左...
我於是都坦白講佢知我有呢個打算!!呢位同事之後好唔話得,不斷講說話鼓勵我,話我唔應該咁樣認輸法...其實我知佢鼓勵我o既同時正在鼓勵緊佢自己!!!
雖然同事話佢未有行動,但我知道我o地走係遲早o既事,差在係而家定係年尾o者...不過,聽見同事咁苦口婆心鼓勵我,我的確有少少反思情況係咪真係到'非走不可'o既地步,我一個人走o左就得番佢一個捱,好似好無義氣咁!!!!
...不過今日agent話幫我約o左下星期二下午有interview,雖然間公司唔係我本來apply o個份,但我諗我都係會去試一試,不過,睇怕我又要'病'喇...
剛收到義工朋友send o黎o既相,我睇見人咁影我又跟住影,好搞笑!!!
同事話唔想見我做到咁灰,想我生猛番,我諗佢係想見我好似呢張相咁'生猛'o卦,哈哈!!!
2008年8月26日 星期二
身痕
自從同事於七月尾去o左日本旅行後,工作上忽然忙碌o左好多,由年頭做到而家o既project本來應該一早完,但user一次又一次咁改,我亦不只一次向同事表示我無能為力完成user o既request,因為個logic完全唔同晒,跟本由頭做過可能會仲快...
結果,同事見我猛話做唔到,佢就自己laam上身做,於佢去旅行前一晚通頂整好...
所謂整好,只係'表面上',因為佢只cover到最基本o既case,於是,佢放假o既十日間,我日以繼夜補鑊,將我可以fix o既都盡量fix,但結果係個program已經fix到爛晒咁滯喇,呢一刻呢個setting run到,將來一改setting可能問題又會出現!!!!
加上,個user自我同事去旅行後開始聯絡我,於是而家佢日日都打o黎report呢樣error o個樣bug,每日只係fix呢d都用o左我大半日,跟本做唔到本來schedule應該做o既...
由於我已經對自己做o既o野無晒信心,亦唔認為呢個project會成功用得到,望住呢隻鑊,我呢幾日好有'一走了之'o既衝動...
結果,我今日上o左一間agency度interview,agent話呢兩日會幫我send信出去,有消息會通知我!!
...其實,我到而家個心仲係好亂,因為如果唔係呢隻鑊,我估我唔會咁快又轉工!!!
我都知'逃避'其實好唔應該,但睇住呢隻唔係我一個人可以炮製出o黎o既鑊,我可以foresee到我未來半年o既日子將會有幾痛苦,所以'逃避'其實都係我無可奈何o既選擇!!!
Anyway,其實我本來打算呢尾拎埋bonus後先諗轉工,而家只係早o左少少行呢一步,信我已經send o左,既然我o係而家公司快做夠一年,轉轉環境亦無可厚非(我有好幾個同期同事已經走o左!!),若果呢次搵到好offer當然最好,無亦唔緊要,唯有'面對現實'多一段時間,始終而家呢一刻,為將來安穩o既生活舖路比較重要...
=================================================
睇見Lolo MSN寫住'工作VS生活'...
唉,工作究竟係咩呢?為o左生活而工作?咁工作太忙,忙到無o左'生活',咁工作仲有咩意思??
令工作成為生活??我諗人人都想,但試問有邊個做到?若果我o既工作係唱歌跳舞,相信要我愛上自己o既工作應該唔難,但我絕對唔認為我會愛上peoplecode(我工作要用o既programming language),係呢個層面,有時真係會羡慕我妹...
似乎'搵份風流工'就係我o既'大志'吧...
lolo,睇你blog知你都煩惱緊你份工,你都要加油呀,希望你快d可以settle down啦!!
2008年8月24日 星期日
奧運完喇,好唔捨得呀!!
夜晚再睇新聞,有一段特別講今次奧運o既志願工作者,好開心呀,因為我都係170萬個志願者中o既一名,雖然未能親自去北京,但都叫做有份參與呢一屆大獲好評,兼o係中國舉行o既奧運會,真係覺得好榮幸同驕傲呢!!!
以上就係我自上年好運北京賽到今年奧運o既收獲喇!!!
包括義工制服、奧運五環手帶、北京奧組委工作證、香港奧運馬術公司義工證、好運北京o既cert、奧運義工pocket guide、北京奧運Official Spectator Guide、奧運馬術o既Training Guide、馬術義工指甲拑、北京奧運Pins、好運北京Pins、福娃迷你錦旗同埋福娃貼紙!!!
雖然我無機會接觸到觀眾或來自各國o既參賽者同工作人員,換唔到Pins亦無買可愛o既福娃紀念品,但我相信我帶走o既仲有美好o既回憶,就好似閉幕禮上o既'記憶之塔'一樣,將呢美好o既一切印於腦海!!!
P.S. 閉幕式見到阿Rain呀,佢終於剪番短佢把頭髮喇,即刻靚仔番呢,嘻!!!
2008年8月21日 星期四
最後一日: 1430-0200
由於最後一日賽事,今晚要送o既報告特別多,好彩無因為快打風而多o左adhoc報告!!!今晚各義工都把握時間去買福娃手信同埋周圍影相,我當然都唔例外啦,不過我部相機今日short short o地,所以全部相係其他義工朋友度,我諗要gather番都有d難度呢!!!
最後一日,我見到任志剛,點知原來有義工見到劉青雲添呢,仲要同佢影埋合照...噢,好羡慕呀!!!另外,完場時大會宣佈義工可以去會場中間影相,我一去到,嘩,五隻福娃係晒度呀,真係好想埋去同佢o地影相,不過真係好可惜呀,佢o地被無數義工包圍,我跟本埋唔到去,只可以遠距離合照,仲要只係影到佢o地頭頂...嗚...
連樣都影唔到,好可惜...
今日買俾自己o既多色晶晶鉛子筆!!右邊係今晚抽獎得到o既貼紙,有成二百張,好正!!
其實仲有好多靚相o架,希望可以快d gather番再post俾大家睇啦!!
綜合o黎講,雖然之前我對今次義工少o左份熱心,但呢次義工體驗都幾令人難忙,特別係今晚睇到其他義工剪輯o既photo slideshow,當中記載住上年好運北京測試賽到呢幾日奧運賽o既開心片段,睇完一刻真係幾令人唔捨得呢!!!最後,今次奧馬似乎都辨得幾成功,而且真係天時都夾埋,奧馬前後都打風,但奧馬其間就出奇地好天,仲要係天高氣爽o個隻,義工同觀眾都唔使太辛苦,真係要多謝天公造美呢!!!
餘下奧運賽事得番三日,希望中國可以成為奧運一哥啦!!中國加油!!!
P.S. 是晚好彩有加班車,我沖埋涼成三點先訓呢...
=======================================================
另外,經過咁多日奧運,我發現好多人都愛上o左福娃呢!!!仲記得中國開頭公佈奧運吉祥物係福娃時好多劣評,估唔到而家佢o地咁受歡迎喎!!其實福娃係各項比賽間場時都會出o黎表演,佢o地真係好搞笑,我都係睇北京奧運直接駁過o黎香港o既頻道先睇到咋,因為無線同亞視係呢d時間一定狂賣廣告,所以我諗香港觀眾比較少睇到福娃可愛一面!!!
而最令我印像深刻係睇乒乓時福娃晶晶大跳MJ式勁舞,真係好cute呢!!!
Rocking 貝貝
福娃賽跑
晶晶單腳跳
福娃大變身
福娃也跑馬
福娃繼續un
歡歡短腳?
籃球場上的福娃
呢段一定要睇,睇完你就知除o左佢o地係吹氣公仔所以行動比一般公仔行動便捷外,點解佢o地可以做d好靈巧o既動作喇!!!
2008年8月20日 星期三
我倆的婚紗照 ~ 第四擊
倒數十個月,送上第四擊!!!今次post呢d係我o地決定唔放落相簿o既,因為...
影得好有深度,不過我同honey好似未熱身咁,有點生硬!!
呢張其實我幾鍾意o架,因為影得我身型好fit,不過我o地站姿好生硬呀,特別係我...我覺得我好似d佳麗由一位猛男拖出場咁...
呢張都係麻麻,雖然笑得幾自然,但影得我o地好似肥o左矮o左,動作都有d生硬!!
呢張我同honey面色有點怪,同埋我個人突得太少出o黎lu!!!
呢張其實唔多靚,但見人人影夜景都影LV,我又唔捨得唔揀...老實講,呢張真係幾失望,我見好多人都影得好靚o架!!!
==========================================================
另外,排版o個度仲有d煩惱呢,因為用紫同綠好似無之前用金色咁靚...honey主張用番金色,但我又勁想用紫同綠...好難取捨...
2008年8月19日 星期二
婚禮進度: 倒數十個月!!
因為奧運關係,我忙到阿媽都唔認得!!!所以今個月又同上個月一樣...
| 主要事項 | ||
| 1 | 大日子 | 2009年6月20日(星期六) |
| 2 | 酒席 | 萬麗海景酒店 Oasis Room |
| 3 | 註冊地點 | 6pm@萬麗海景酒店 Oasis Room |
| 4 | 律師 | Anthony Lam |
| 5 | 化妝 | Meggie Yeung @ Red's Beauty |
| 6 | 攝影攝錄 | Lilam & Roger |
| 7 | Snapshot | Andersen Chan |
| 8 | 婚紗禮服&褂 | 羅浮宮 |
| 9 | 婚紗相 | Sarona Studio (已影) & 麥田映像(未book) |
| 10 | 婚紗相相簿 | 多謝網友介紹,不過未排好版所以未落實!! |
| 11 | 小禮物 | 有少少idea,但可以慢慢再睇多d |
| 12 | 租車 | 未搵 |
| 13 | 印帖 | 未搵 |
| 14 | 婚前檢查 | 未搵 |
| 15 | 戒子 | 睇中o左喇,但未買 |
| 16 | 餅卡 | 美心, 唐餅未買 |
| 17 | 場地佈置 | 決定o左wedding theme喇,但未諗點實現呢個wedding theme出o黎 |
| 18 | 伴娘伴郎 | Natalie & Mark |
| 19 | 兄弟姊妹名單 | 未確實confirm |
| 衣飾類 | ||
| 20 | 奶奶衫/媽咪衫 | 未搵 |
| 21 | 姊妹衫 | 未諗 |
| 22 | 兄弟tie | 未諗 |
| 23 | 新睡衣 | 未搵 |
| 24 | 飾物 | 化妝師同羅浮宮都包,但可能會自己再買 |
| 25 | 婚紗鞋 & 褂鞋 | 買o左閃石涼鞋,可能會再買婚紗鞋,褂鞋未搵 |
| 26 | 禮服鞋 | 已買 |
| 27 | 禮服裇衫 | 已買 |
| 28 | Girdle/束褲 | 未搵 |
| 29 | 花球 | 未搵 |
| 30 | 主婚人襟花 | 酒店包,但唔知夠唔夠 |
| 31 | 兄弟襟花、姊妹手花 | 未搵 |
| 中式禮儀類 | ||
| 32 | 擇各事項吉時 | 未做 |
| 33 | 過大禮用品 | 未買 |
| 34 | 上頭用品 | 未買 |
| 35 | 安床 | 未做 |
| 36 | 嫁妝 | 未買 |
| 37 | 利是封、貼紙、囍字貼 | 未買 |
| 38 | 花車裝飾 | 未買,亦唔會買車頭公仔,我同honey都唔鍾意 |
| 39 | 男女家對聯 | 未買 |
| 40 | 茶壺 | 未買 |
| 41 | 蓮子、紅棗、米、紅豆及綠豆 | 未買 |
| 42 | 紅繩 | 未買 |
| 43 | 紅傘 | 未買 |
| 44 | cushion | 未買 |
| 45 | 接新娘遊戲 | 未諗 |
| 46 | 回門豬 | 未買 |
| 47 | 約攝影師visit男女家 | 未做 |
| 48 | 封利是 | 未做 |
| 晚宴類 | ||
| 49 | 戒指枕、羽毛筆及結婚證書套 | 律師包 |
| 50 | 帖既label | 未搵 |
| 51 | 派帖 | 未搵 |
| 52 | 約攝影師visit晚宴場地 | 未做 |
| 53 | 片頭 (成長mv) | 自己整,但仲未學... |
| 54 | 晚宴司儀 | 未搵 |
| 55 | 婚禮場刊 | 可能整,未決定 |
| 56 | 晚宴流程 | 未諗 |
| 57 | 酒席歌曲 | 未諗 |
| 58 | 紅酒 | 可能o係我爸公司買,未confirm |
| 59 | 賓客簽名筆 | 未買,可能diy |
| 60 | 簽名布 | 未搵 |
| 61 | 放禮既袋 | 未搵 |
| 62 | 啤牌、瓜子、糖果 | 未買 |
| 63 | 賓客List + sitting plan | 未諗 |
| 64 | 預備各項尾數 | 未做 |
| 65 | 同酒店、攝影攝錄師、雙方家人、兄弟姊妹brief rundown | 未做 |
| 66 | 各人聯絡電話表 | 未整 |
| 67 | 各人task list | 未諗 |
第八日: 1645-0040
不過唔知點解,可能係大家已經熟習晒要做o既o野,又或者係電視無乜精彩奧運賽事,甚至係大家都番o左咁多日開始支力,呢兩晚大家都靜o左,等report o既時候真係有好悶o既感覺!!!
由於就快完晒奧馬賽事,我今日特登跟第二個義工走去我o地其中一個client Sports Information Office度睇o下見唔見到Lisa S!! 去到喇,佢真係o係度呀,其實真係好想搵佢影相o架,但大家都做緊o野,都唔好意思開聲!!!不過佢真係好高呀,鬼婆輪廓真係特別sharp o架,淡妝都覺得佢好eye catching呢!!!
另外,今日義工報介紹我o地Tech Team呢!!
2008年8月18日 星期一
第七日: 1700-0000
今朝睇到劉翔跑百一米欄,其實佢起步前o既熱身已經睇到佢走動有少少'gut gut'下,都真係替佢擔心,點知話口未完,起步後有人偷步,劉翔急停時'gut'得仲勁,之後就見佢走離場喇,好可惜呢...
其實佢四年前都拎過奧運金牌,今年唔拎都唔太可惜吧...不過今年係o係北京,四年後佢28又年紀大喇,錯過今次,唔知四年後仲有無機會呢??
======================================================
今日好似係咁多日最早放工o既一日,番到屋企都係十二點咋,哈哈!!!
繼扮完歡歡同晶晶後,今日扮妮妮先!!
另外,尋日開始大會放o左塊大board係義工工作o既area度鼓勵大家呢,上面仲簽滿義工們o既加油字句同名,感覺都幾warm呢!!
我簽o左係歡歡頂帽度呀!!
2008年8月17日 星期日
CLok生日快樂!!!
今晚得五位大姐,我o地準時七點半去到,先睇睇d食物啦!!!
其他大姐有無覺得d食物好熟呢??無錯,我o地之前o黎過o架喇!!!
原先今晚係去CWB食中菜,但因為o個度無電視,而今晚又有N咁多樣精彩奧運賽事,所以我臨急改地點,去番之前去過o既一間中菜館食o野,好彩Emily未食過,而且呢度d o野真係幾好味,我諗食多次都無所謂吧,哈!!!
食完主菜傾o左陣計,忽然間...
嘩!!!!!!!!!!!!!!!!!!!!侍應忽然捧出呢碟大壽包出場!!!!老實講,子母壽包我唔係第一次見,但壽包上面有咁大朵花就真係未見過呢!!!
唱完生日歌影埋大合照,Clok就掀開壽包喇!!!
哈哈,知唔知點解CLOK會有呢個表情??
...因為巨壽包下總共有二十八隻壽包呀!!!...今晚得五位大姐咋,咪即係每人要食五個有多?????????????????
Clok應各大姐要求,將壽包當帽戴,難得佢話'唔怕,我今晚會洗頭!!'
大姐會努力咁食o左幾個壽包,不過個壽包唔太甜,大家又好飽,所以都係食剩好多!!之後大家就齊齊睇奧運,有郭晶晶同林丹,除o左我o地呢台外,仲有另一台客人一齊睇,都幾好氣氛,哈哈,我o地睇到林丹掟拍掟鞋時都好興奮呢!!!
最後,當然係送禮時間啦,登登登登!!!!
由於禮物比較有心思,所以唔係度公開喇,不過,只係睇Clok呢個驚喜神情,大家應該都知道份禮物係好'正'o架啦!!!
訂閱：
文章 (Atom)