第二日: 0800-1400

唔知係咪尋晚on-duty之前訓o左一個鐘,我夜晚竟然訓唔著...大約訓o左五個鐘又起身出發喇!!!今日天氣好好呀,唔曬又唔落雨,入場人數好似都OK多呢!!

係喎,等我講解o下我呢位小義工o既工作啦!!!其實我係under 義工o既Technology Division入面o既Printing Results and Distribution (PRD),聰明o既大家都知每日一定會有唔少報告要出,而我o地就係要將呢d報告以最快o既時間覆印再分發俾唔同客戶,好似display board,judge tower,press, ceremony, VIP, 甚致觀眾等等,其中Press當然係我o地大客戶啦,我o地目標係要五分鐘內送到,除o左影印機要快,做跑腿o既更加責任重大,真係要快過UPS...哈哈!!!

呢度就係我o地o既工作地點喇,report一出就會用八部機係咁print,一print完check好就會放上相關客戶o既架上,當日做runner o既見架上有o野就要第一時間拎走跑去俾客戶簽收!!

尋日我負責送俾Press,今日就係俾Broadcast Information Office,兩度都係室內,所以都唔太辛苦,只係自己少做運動,連跑兩轉真係有點氣喘,哈哈!!!

唔講大家未必估到,其實除o左賽事出場序同埋比賽result 外,仲有天氣報告同埋一d good morning & good night report,所以我o地部們差唔多全日都要有人番shift,當然,最重要時刻就係每日比賽完結啦,呢個時候d report就會幾份幾份咁出,我o地要完全進入作戰狀態,好忙o架,而且仲要最夜先有得收工呢!!!

Report同report之間有時可能相差兩個鐘,所以有時衝鋒完一輪大家就休息,食o下小食用餐等等,甚致收睇房內直接由北京奧委會轉播o既各項賽事(有好多台o架,咩賽事都睇到!!),不過通常等o既時間都幾長,有時都幾悶!!!至於今日,我就同另外兩位義工周圍行,不過當時已經無賽事喇,無晒觀眾,仲未感受到比賽時o既熱鬧氣氛呢!!!!

一個人都無o既觀眾席!!大家睇到個display board嗎?display o既圖案好中國feel 呢!!

忽然有隻馬出現,即刻影番張相先!!

呢個角度幾靚呢,睇到裁判坐o既亭,觀眾席同埋聖火呀!!

下一間係12號1230-0130, 嗚...我開頭以為係番一個鐘,今日有人提醒先知係十三個鐘呀...努力呀!!!

P.S. 今日聽其他義工講,話早兩日送report去其中一個client度見到Lisa S做義工呀(呢個時候其中一個女義工好興奮,大家以為佢鍾意Lisa S啦,點知佢話...我好鍾意吳彥袓o架...哈哈,笑死!!),不過呢兩日都無其他義工再見到呢,唔知我有無機會見佢一見呢!!!

又P.S. 番到屋企附近有個大叔踩住單車經過問我件衫咁靚o既,我話係呀,佢再問係咪馬術o個d,我話係呀!!哈哈,其實我呢排著親件衫出街都發現好多人望,特別係小朋友同埋o係火車上面,有時都覺得幾尷尬呢!!

再P.S. 夜晚成家人睇男子56公斤舉重,睇到我好肉緊,每次選手舉時我都出力嗌,好似我幫佢舉緊咁,睇完仲有好支力o既感覺呢,哈哈!!!至於冠軍又係中國呀,個男仔係參賽者中最輕同最細,得十七歲咋,個樣好似BB咁,好搞笑呢!!