連同事都想走???

今日臨放工,同我做同一個project o既同事忽然問我知唔知呢間公司年尾係咪有bonus,我就答contract上無寫,就算有都唔一定promise有喇!!!我問佢做咩,唔係諗住年尾先走咩?(早排公司有同事走,我o地係咁易講過諗住年尾拎埋bonus先諗呢個問題!!!),佢答,可能會早過呢個時間...

噢,原來佢都有呢個諗法...可想而知個project真係做到大家都灰o左...

我於是都坦白講佢知我有呢個打算!!呢位同事之後好唔話得,不斷講說話鼓勵我,話我唔應該咁樣認輸法...其實我知佢鼓勵我o既同時正在鼓勵緊佢自己!!!

雖然同事話佢未有行動,但我知道我o地走係遲早o既事,差在係而家定係年尾o者...不過,聽見同事咁苦口婆心鼓勵我,我的確有少少反思情況係咪真係到'非走不可'o既地步,我一個人走o左就得番佢一個捱,好似好無義氣咁!!!!

...不過今日agent話幫我約o左下星期二下午有interview,雖然間公司唔係我本來apply o個份,但我諗我都係會去試一試,不過,睇怕我又要'病'喇...

剛收到義工朋友send o黎o既相,我睇見人咁影我又跟住影,好搞笑!!!
同事話唔想見我做到咁灰,想我生猛番,我諗佢係想見我好似呢張相咁'生猛'o卦,哈哈!!!