窈窕淑女

今日下午同honey去食群記清湯腩,其實之前都食過o架喇,但佢貴得o黎好細碗,而且成日都成一點至開,又排長龍,所以無再去食!!不過見佢成日排長龍又好唔抵得,所以今日去o左食,嘩,佢都真係好好生意,門外排o左成廿人都有,仲排到我honey成手汗添呀,大家睇o下!!

有得食喇,我o地叫o左一碗淨伊麵,一碗牛腩河同一碗淨爽腩,大家估o下碗爽腩幾錢...

...答案係,六十大元!!!好貴呢,得咁細碗!!!!不過講真,d o野食的確幾有'牛'味o既,而且呢間舖最出名亦係佢d牛,除o左牛腩牛筋外,仲有牛鞭牛面珠牛展,你想食瘦o既腩又得,甩腩又得呢!!

之後我o地行街,途經一個花叢,見到有隻藍色蝴蝶不斷跟住一隻白色蝴蝶飛,飛o左好耐好耐,隻白色飛去邊,藍色就跟住去邊,好浪漫呢!!!呢個情景除o左吸引我影底外,仲見到另外一個男仔影添呀!!!睇到呢個咁得意o既景像,令本來傷風,無乜心情o既我即刻有番笑容呢!!

跟住我o地上屋企度o野,不過屋企個冷氣好熱,熱到本來傷風o既我成個人都好辛苦呀!!!

最後諗住買戒子,去埋睇Mabelle同TSL,點知都係睇唔上眼,唔知點解,我o地周圍睇都硬係覺得我o地第一對睇中o個對靚d,可能呢d就係緣份!!!我o地諗住今日買埋,點知相熟o個個sales唔係度,所以都係未買住!!

=========================================================

夜晚係屋企同honey邊睇港男邊傾電話,我邊睇邊依嘩鬼叫,哈哈,今年d港男質素好高呢,特別係十二號,真係一睇就知佢係冠軍,好cute好可愛,表現又自然!!!至於六號都好靚仔,wowowow!!!!最後,唔明點解番生o個個唔係十號...明明佢型d嘛,雖然九號係我中學同學o者...