到夜晚喇,放棄唔睇百米飛人,改為出去支持馬術賽,因為今晚多得仙廸幫忙,我終於可以做到觀眾喇!!!!
我大約十點去到會場,同仙廸周圍行同影相,嘻,雖然我都影過o架喇,但今次係著便服,感覺又有d唔同,至少唔使怕俾其他義工/職員話著住義工衫唔俾影相呢!!
著住義工衫最想做o既係同福娃影相,不過好可惜呀,太長龍喇,唯有o係側邊影算啦!!
哈哈,仙廸好喜歡晶晶呀,而我早幾日o係電視睇到晶晶跳舞,真係超可愛,我都好鍾意佢呢!!
Yeah,又做火炬手喇,不過好似著義工衫影出o黎型dd,哈哈!!
今日o既賽事係盛裝舞步,我十點入場時已經見到好多人走,入到場內大約得番一半人,我都有問仙廸佢悶唔悶,但佢話OK喎,於是我都乖乖做觀眾,試試學習欣賞咁多人話悶o既盛裝舞步!!!
o係收音機o既專業旁述同仙廸講解下(佢睇o左大半場,已經學識睇邊d馬表現好同唔好呢!!）,我都發現盛裝舞步都唔太難明呀,至少我都感覺到邊隻馬真係似'跳舞',動作效優美,不過,呢晚我都係睇o左幾隻馬,因為之後又要開工,唔知要我睇晒全場又會唔會覺得悶呢!!!
Yeah!!!難得可以上觀眾席,當然要影番張相留念啦!!
尋晚離開前, 5隻福娃企左喺入口附近住人影, 唔太多人, 輪住影, 我終於儲齊1套喇...遲下post d相俾你睇啦!
回覆刪除[版主回覆08/18/2008 10:41:00]wah, 你就好啦,我都好想同福娃影相呢!!
cindy, 儲齊1套，咁正?
回覆刪除可惜我無緣睇lu~
不過我睇左100m飛人，真係好快~
[版主回覆08/18/2008 15:26:00]係呀,快得直頭係誇張!!
Monchhichi 珍妮 : 係呀, 佢地5隻都好得意呢, 貝貝仲好百厭, 360度轉身, 佢個頭飾撞到我個頭呢...hehe!
回覆刪除feonko: 我覺得奧運尾升時, 你地d工作人員都有機會接觸到呢, 你記得好好把握呀!
[版主回覆08/18/2008 15:26:00]希望啦...
哈哈,義工friend send俾我睇o架,福娃打交,好搞笑!!! http://www.youtube.com/watch?v=tSEWj4DMJvs&eurl=http://www.xanga.com/Private/SubsMain.aspx