2009年最後一日!!

今日最後一日番工,同同事們最後合照,再send埋個thank you email就正式同公司bye bye 喇!!Send完thank you email收到好多reply, 最開心係一個user即刻打o黎話多謝我, 仲讚我添,真係好窩心!!多謝大家祝福!!

除轉新工外,今晚因老公有野做唔陪我,我於是去轉埋個新look!!其實我習慣每次轉工都會去剪頭髮o架,可能代表有新開始o卦!!!

老公陪我食埋dinner先出去!!除夕大餐: 茶餐廳!!

仲有HKU請o既Coffee2杯!!

今次我有史以o黎作出最'勇'嘗試,唔再電曲,把心一橫將留o左兩年,長及腰o既頭髮剪走, 而家o既長度相信係我10年以o黎最短o架喇!!不過剪完一刻其實有少少唔開心, 因為同我上網搵o既reference有出入呀,差d想喊,不過番到屋企望望下,又好似唔係想像中咁肉酸...

上網搵o既reference...但個髮型師偷到我D頭髮勁薄囉...又剪唔到張相髮尾一級級效果,講極都唔明,又話而家已經最似...哼!!!

anyway, 唔剪都剪o左,唯有當自己靚啦!!!

似乎都係充滿嫵媚o既長曲髮好睇d...
仲有, 今次係我今大個女第一次做負離子,但其實有d後悔, 唔明點解自己堅持o左十幾廿年今次會失守!!!wowowowow!!!希望d頭髮快d長番啦!!!

希望新look唔會嚇親大家啦!!

===========================================================

老公子趕及11點半番到屋企, 仲買o左豐富美食俾我添,好開心!!今晚2人世界o係屋企倒數!!之後睇電視睇我妹跳舞,yeah!!

老公子讚新look OK呀,咁都好D!!!不過佢嫌棄緊我D電髮水味...!!

最後,祝大家2010快樂,好似我咁,有個新開始!!!YEAH!!

Happy 2010!!

今日最後一日番工,同同事們最後合照,再send埋個thank you email就正式同公司bye bye 喇!!Send完thank you email收到好多reply, 最開心係一個user即刻打o黎話多謝我, 仲讚我添,真係好窩心!!多謝大家祝福!!

之後臨放工前傻o下傻o下又撞到karen, 仲以尋日係最後一次見佢添,估唔到今日又可以同佢影相, 佢仲幫我拍低o都卡離開公司閘口o既相添,等佢send番俾我再post!!!

By the way, 今晚因老公子有野做唔陪我,我於是決定去剪髮!!其實我習慣每次轉工都會去剪頭髮o架,可能代表有新開始o卦!!!

老公陪我食埋dinner先出去!!除夕大餐: 茶餐廳!!

仲有HKU請o既Coffee2杯!!

今次我有史以o黎作出最'勇'嘗試,唔再電曲,把心一橫將留o左兩年,長及腰o既頭髮剪走, 而家o既長度相信係我10年以o黎最短o架喇!!不過剪完一刻其實有少少唔開心, 因為同我上網搵o既reference有出入呀,差d想喊,不過番到屋企望望下,又好似唔係想像中咁肉酸...

上網搵o既reference...但個髮型師偷到我D頭髮勁薄囉...又剪唔到張相髮尾一級級效果,講極都唔明,又話而家已經最似...哼!!!

anyway, 唔剪都剪o左,唯有當自己靚啦!!!

似乎都係充滿嫵媚o既長曲髮好睇d...
仲有, 今次係我今大個女第一次做負離子,但其實有d後悔, 唔明點解自己堅持o左十幾廿年今次會失守!!!wowowowow!!!希望d頭髮快d長番啦!!!

希望新look唔會嚇親大家啦!!

=======================================================

老公子趕及11點半番到屋企, 仲買o左豐富美食俾我添,好開心!!今晚2人世界o係屋企倒數!!之後睇電視睇我妹跳舞,yeah!!

老公子讚新look OK呀,咁都好D!!!不過佢嫌棄緊我D電髮水味...!!

最後,祝大家2010快樂,好似我咁,有個新開始!!!YEAH!!

P.S. 今次係我今大個女第一次做負離子,但其實有d後悔, 唔明點解自己堅持o左十幾廿年今次會失守!!!wowowowow!!!希望d頭髮快d長番啦!!!

回顧過去,展望將來!

一年眨o下眼又過去喇,又係時候回顧過去,展望將來!!

睇番一年前o既post "回顧過去,展望將來!", 我曾為2009年定下以下目標:

1. 完成620,正式成為honey o既老婆
2. 第一次踏足歐洲,去瑞士+希臘Honeymoon
3. 新居入伙
4. 成功同公司續contract (本來應該係希望成功轉perm o既,但咁o既時勢...)
5. 努力還債,結婚新居用o左一大筆錢,還債之餘仲想努力儲番多d!

結果:

1: 總算順利完成,亦係成個2009年,甚至係我人生入面最值得紀念o既大事之一!!我呢世都應該唔會忘記婚前極忙極煩燥o既一段日子, 亦會好好記住一個婚禮背後o既真正意義,多謝每一位祝福過我同老公子o既家人,親戚同朋友!

2.Honeymoon先甜(希臘)後苦(瑞士),不過真係好難忘!番HK後成日心思思好想再去旅行! 

3: 新居好舒服,weekend都唔多願出街,嘻!!

4: 公司係就係同我續約,但我結果都係搵o左第二份工(不過呢份工已經係我做得最長一份喇!),新工仲要係3,4個月contract o架咋,但為o左'轉perm'呢個機會,唯有照搏一舖!

5: 還債方面仲未正式開始,明年繼續努力!!

2009年,除o左以上幾點外, 仲有幾件事值得一提!

1. 身邊朋友都進入適婚年齡,囍事浪接浪,睇怕2010年應該會有更多機會俾人炸喇!

2. 有兩位中學同學於今年誕下小生命,而我,亦因此感受到咩叫'生仔衝動',不過衝動還衝動,呢d人生大事始終要計劃周詳先得!

3. 嫁o左後過時過節只要99一句,我就無得同自己親友食飯,感覺有d唔開心,仲未習慣呢!

展望將來,不用再為大日子煩惱下,2010年大計會係點呢?

1. 出年係旅行年,planned trip 已經有三個, 但我好想arrange多一個只有我同老公子o既trip,希望唔係得個講字啦!

2. 要開始還債, 儲錢方面會比較難,但希望盡力儲多d!

3. 工作方面,希望新工完o左3個月contract後會續我啦,如果唔係又要再搵...終極目標當然係搵到一份perm job啦,但我都好明白目標明確唔代表一定成功,時移勢易, 做I.T.唔俾人outsource真係應該偷笑...希望我都有可以偷笑o既一日啦!

4. 我份工咁唔樂觀,唯有寄望老公子出人頭地,2010年加薪再加薪啦!(老公子似乎已經成為我將來o既一部份喇!)

5. 同老公子繼續enjoy二人世界,一齊做多d 運動, 因為年紀大喇,再唔郁骨頭真係會硬!!

噢...2010年目標比上年仲要少添...好似好懶咁...

最後一次以'同事'身份同茄雲o係公司食飯!!

雖然尋日先見完,但茄雲知我聽日last day,特登早d番工陪我食飯,so happy!!!

由於佢要番工,所以今日仲有機會了解下佢臨飛前要做d咩~~話晒都o係呢度做o左成年,雖然都走,但點都應該了解多少少o既,HAHA~~

BESSTTY生日會及大姐會聖誕派對

放工出左灣仔,今日又開大姐會PARTY喇!!

今次PIC呼之欲出,辛苦晒Clok book位同買禮物,不過佢勁大頭蝦,帶錯左自己本相簿出o黎送俾人呢!!至於另一PIC Athena,雖然佢無幫Clok手,但佢整俾Bess本相簿又的確幾有心思,有好多字句同有晒主題,都好抵讚o架!!

Emily係我生日PIC,不過我生日會佢要番工,所以今日先收到我遲來o既生日禮物!係靚靚皮帶同曲奇模呀!!多謝Emily!!

今次生日會o既兩位主角: Bess & Betty!!!前面係泰式甜品拼盤,o係糯米飯上吹生日蠟燭,夠晒特別!!

久違了o既全女班gathering,今次差去o左印度旅行o既Jenny未能出席!

鬼馬o既BESSTTY, 佢地o既生日禮物係兩個靚袋!!

一年一度聖誕派對接住展開!!九份禮物排靚靚,Clok份禮物包裝係聖誔老人大頭,勁搶鏡,人人都讚聖誕老人'好靚仔'!!!HAHAHA!!

用抽紙仔方式分配好禮物, YEAH~~(我相機太老爺喇,D相勁黑!), Cindy抽中Jenny o個份呀,唔知Jenny份禮物會唔會係o係印度買番o黎o既呢?

我抽到Rebec o既閃閃手機袋,好靚呀,勁襯我(我之前個手機袋都係咁上下o架,但連埋部上一部機齊齊唔見o左!), 好鍾意呀!!

加埋生日禮物同Xmas Gift,原來我今年都有好多禮物喎(Game,皮帶,曲奇模,閃閃手機袋, 碟, 相簿,仲有舅父俾o既一大堆DVD!! 為令場面更盛大,我連自己買俾自己o既衫同迷你焗蛋榚模都放埋出o黎影,HAHA!)

今日嘻嘻哈哈好嘈好開心(不過嘈完一輪出年旅行地點好似都係無confirm到!),祝大家新年快樂,出年更進一步呀!!

我的聖誕假!

24/12

老公要去飲,於是我放工後就番娘家陪爸媽過平安夜(其實係佢地陪我過平安夜吧!!)!!爸爸買o左美味油雞/雞油飯,越式拼盤同米線番o黎做聖誕餐,嘻,好有新鮮感,至少唔係年年都食o既大家X牛扒餐呢!!

飯後我同爸爸玩Wii,因為爸爸借o左佢同事部機番o黎,兩父女玩到嘻嘻哈哈,我仲肉緊到手都軟咁滯,不過真係好開心(相信爸媽都一樣吧,嘻!!)

番到屋企沖埋涼十點左右,乖乖等老公子番,開頭仲以為我又要失望,點知老公子剛好o係倒數前15分鐘番到,好開心,話晒係婚後第一個平安夜嘛,老公子點可以唔陪我過!!

===========================================================

25/12

今日無節目,我同老公子不嬲都係懶鬼,連出街同人迫都費事,今日決定留o係屋企!!下午一齊睇幾年前o既"舞出真我",之後我就煮o野食!!!

大家估o下我o地聖誕大餐係咩??!!

哈哈,就係公仔麵+壽司喇!!聖誕節,我o地就係咁簡單渡過!!

============================================================

26/12

年年我屋企o個邊都唔會同親友過聖誕,不過今年好特別,舅父邀請o左大家去佢屋企開Party呢!!我就當然最開心啦,冬至無得同親友做節,今日可以補番,yeah!!

我o地一大班人11點半先去明星海鮮舫飲茶,咁大個女第一次去咋,不過其實無咩特別,係某D地方裝飾比較古式古香啦,不過我無帶相機,所以一張相都無影!!

之後大家就去舅父屋企喇!!舅父入伙時我好似搞緊wedding吧??所以我今日係第一次去咋,過千尺屋四正又實用,好正呀,廚房仲大到可以放台麻雀都應該仲有位行添呀!!爸爸仲叫我唔使羡慕,著我同老公子以此為目標努力喎,哈哈!!

我地2點就落去打波,因為舅父book o左羽毛球場同乒乓波俾我o地玩!!!我都係第一次同親友做運動咋,超好玩呀,我又打乒乓又打羽毛球,最後連籃球都打埋,玩足2個鐘呀,再加埋前日同我爸玩完Wii手臂已經痛痛地,今日又做咁多運動,真係成身散晒!!

下午四五點番上舅父屋企開始就不斷食,因為舅母預備o左好多美食,一睇就知舅母落o左好多心思預備呢!!

美食有桂花榚(仲要有三款味: 桂花杞子, 桂花桂圓同埋桂花雪耳!!), 吞拿魚Pizza (分辣同唔辣兩款口味!), 雞翼, 鮑魚雞湯, 鴨舌...

以上只係飯前小食!!正式開餐仲有: 羊肉 (超好味,好騷,正!!), 糖醋骨, 煎薯餅, 帶子剌身, 蟹柳, 鮮果沙律, 芝士通粉,同埋應節食品9磅火雞一大隻!!!不過食物份量實在太多太豐富喇,火雞又鞋口喎,所以咁多人只係消滅左四份一隻火雞都無,咁大隻火雞就要辛苦主人家處置佢喇!!

今日真係過得好開心,又做運動又食咁多o野,真係好盡興呀!!多謝舅父舅母招待呢!!

=============================================================

27/12

今日老公子踼波爸爸番工,所以lunch得我同我媽兩個!!食個lunch兩母女行o下超巿我就番屋企做家務喇!!

今晚有朋友o黎,雖然屋企本身都好整齊,但點都要執o下先見得人o既,今日仲抹埋窗添,真係勁污漕!!

夜晚8點半幾位中學同學都o黎到參觀,haha,大家都好似幾鍾意我屋企o既佈置呀,多謝大家呀,不枉我o地曾經花過心思呀!!之後大家又去參觀另一示範單位,haha~~大家今日o既目的好似變o左睇樓咁,好搞笑呢!!最後,本來我o地諗住去埋另一個屋苑o架,但太夜,於是決定再約過,期待下次再聚呀!!

fc620成長片大公開!

haha,唔好意思,造型篇未ready好,都係upload番我段成長片俾大家睇住先啦!!

段片其實無乜特別,我諗大家睇完一定唔會'嘩嘩聲', 不過咁簡單o既成長片,我實際上整左差唔多一個月,花左好多時間去夾聲畫同步, 好彩老公子老細心水清,佢話睇得出我係有放過心思落去夾音樂同畫面o既過渡,我o既心機總算無白費~~~

 

片長5分鐘左右,希望大家唔會悶親啦!!Enjoy!!

 

======================================================

 

今日係婚後第一個平安夜,我老公子要去飲呀,所以我今晚會番我媽度同爸媽係屋企食聖誕餐!!!

 

我已經千叮萬囑著老公子早d番,希望老公子趕得切陪我迎接聖誕啦!!!

 

P.S. 老公子除左平安夜唔得閒陪我外,31號竟然又唔得閒...咁我兩日咁早放工番屋企對住面牆做乜....!!!哼!!!老公子心思有幾多係放係我度真係可想而知!!

 

 

 

最後,祝各位準靚太同靚太今個聖誕同另一半甜甜蜜蜜,Merry X'mas!!!YEAH!!

吸血新世紀

呢排期期雜誌報紙都講<<吸血新世紀2: 新月傳奇>>,等我又湊o下熱鬧講埋一份(心水清o既你應該又估到我係公司又試太得閒吧!!),不過我講o既係第一集而唔係第二集!!

因為知道呢套戲勁hit, 人睇我睇下上星期六捉住我老公一齊睇番第一集,點知...

好悶!!

其實故事好簡單,一句講晒: 靚仔(呢點我有D保留!)疆屍同人類美女o既愛情故事!!! 係咁多!!

話明吸血疆屍嘛,我expect個故事會幾刺激,點知原來我會錯晒意...唔怪得上網搵套戲時o係'科幻片' 搵極都搵唔到, 結果search先知原來group o左落 '愛情片'...

唔好話我老公子男人老狗本來就唔會buy愛情片,就連我都覺得套戲悶到不得了!! (不過,我不嬲都無乜少女情懷,中學時已經唔睇星座唔睇愛情小說!)

辛辛苦苦睇完2個鐘,終於明白套戲點解係 '愛情片', 因為疆屍間o既鬥爭應該只係佔o左整套戲15分鐘左右吧...其餘部份,全部都係男女主角o既大頭談情戲!!!聽聞男主角因為呢套戲而大紅,迷倒美國萬千少女...唔知係咪我d眼光同鬼妹有分別,我一d都唔覺得男主角靚仔!!!不過,女主角就的確幾標緻o既,如果女主角再醜樣D,我諗真係捱唔晒2個鐘!!!

<<吸血新世紀2:新月傳奇>>聽聞開畫大收,再展現刀仔剧大樹o既烕力,聽聞仲有第3同第4輯添!!!老實講,我真係理解唔到套戲點解可以hit成咁,或者咁樣證明o左我已經年紀大啦,無晒少女情懷...如果你自問睇完套戲覺得好好睇,仲迷上男主角,我真係要恭喜你呢,要好好保持住呢種少女心境呀!!!

實用好介紹!

尋晚番我媽度做節估唔到有聖誕禮物,仲要係我細佬買o既,haha,其實係$50三盒,所以佢買o左一盒俾佢女友,一盒俾我妹,一盒俾我!

我尋晚已經試用o左,真係幾work, 值得介紹一下!!!

大家估下係咩o黎??

Tips?

 

...

 

um...

我媽話我細佬話係蔡瀾介紹過喎

 

 

 

um...

大部份女士都適用...

...

um...

剛開完concert o既鄭伊健都可能合用...

...

 

 

 

 

仲未諗到??無理由...

試下留意質料...

 

 

 

 

 

...諗唔諗到呢??

 

 

 

 

 

 

好啦,開估!!!!

 

 

 

 

 

 

毛巾帽長o個邊係向前戴o既,方便沖完涼'烏'低個頭包住d頭髮,扭幾轉再成條尾尾反上頭勾番住帽上粒鈕就搞掂!!

尋晚試過真係好work, 頂帽包得d頭髮好穩唔會甩(我頭髮及腰,因為濕水頭髮實在太重,用毛巾包根本都包唔實,最終都係甩仲滴到成地水!),個頭fing o黎fing去都唔會fing到周圍都係水!!!最緊要係呢條毛巾質料吸水力真係幾強,包o左幾分鐘除番出o黎吹頭時明顯髮尾已經無咩滴水,吹頭都好似快乾o左,對我呢個長期keep住長髮o既人o黎講真係好實用,以後唔使再怕沖完涼索唔乾個頭滴水滴到成屋都係喇!!!

估唔到設計咁簡單但係就有咁貼心o既效果,掂!!我細佬會送份咁實用o黎xmas gift俾我呢!!!真係要讚o下佢先得!!

大家有興趣可以去女人街買到呢頂極速乾髮帽,平平o地真係幾實用,值得推介!!!

結婚半周年!

結婚半年了,時間過得真快!!

還記得我之前表示過婚前婚後感覺沒有不同,但原來隨著時間慮積,改變還是有的!!

1. 我癡身了!

以前人人問我honey在深圳上班,一星期只見面一次(或一兩小時甚至不見!)會不會很掛住對方我都答唔會,自命潚灑(唔係扮潚灑o架,係真係無呢個感覺!)!現在天天相見,反而常常有掛住老公子的感覺,還常常會期待放工回家煮飯給老公子呢!為何會這樣呢?

2. 我大隻了!(?)

煮飯執屋抹地燙衫都由我包辦了,最吃力原來是舉著那食之無味棄之可惜(用了7萬信用卡積分換!)的青銅內膽蒸氣燙斗燙衫,燙衫如舉啞鈴,想手瓜不起'展'都難吧!!

3. 老公子有手尾了!

雖然我還是頗經常捉到老公'錯處'(e.g. 無熄廚房燈,衣架亂放床上!),不過每當發現老公子自動自覺清潔廚所、將鞋放入鞋櫃、開信箱及睡前關掉modem掣時,內心不禁有點心甜,因為我覺得是我拎佢變得有手尾的! (我要求其實係咪好低?)

4. 老公子早睡了!

老公子一家一向是夜鬼,而我卻是另一個極端(雖然常常有心無力!),注重睡眠的我已經成功令老公子平均12點半前上床睡覺(老公子有公事要做或睇波除外!),我睡眠不足的情況終於改善了!(不過我始終想11點半前上床...似乎我還需努力!!)

5. 老公子看無線了!

以前老公子家有有線,有時我想與他閒聊在無線播放旳電視劇或有趣廣告時只有自討沒趣,因為老公子對這些一無所知(佢到而家都未知益多多o個個suzuki係邊個!!)!!現在新居沒有有線,老公子沒有選擇下陪我看了很多無線節目,還追起電視劇(宮心計!)來呢,有人陪我看電視原來是很開心的!!

6. 我倆都肥了!

半年內吃掉15公斤米的我侕開始明顯增磅了,似乎煮飯時我要煮少點米呢!

...

總之,跟老公子談起,我侕都發現婚後嗌交的情況比婚前明顯少了(大約嗌過2次吧?其實嚴格來看,兩次都不算嗌交,只是老公子夜蒲激嬲我罷了!),很神奇,跟我婚前預期日見夜見衝突增多完全相反,真是始料不及,亦可喜可賀呢!嘻!!!

==========================================================

早幾晚天氣轉涼,訓覺時發生小事一樁,以下係我同老公子第二朝番工msn o既對話:

f: 你係尋晚被被度搵唔到我o黎laam
f: 你記唔記得?
c: 几時架
c: 半夜?
f: 係呀
c: 咁我講咩呀
f: 你無講野
c: 噢?
c: 咁你又知我搵你?
f: 只係你訓訓下隻手係度郁D被,仲撞醒我
f: 知道你想搵我o黎laam,但你唔記得我地尋晚訓兩張被
c: 噢
f: 之後我咪搵個lone 過o黎俾你laam囉
c: 係咩
f: 你隻手搭住我條腰就無再郁喇
f: 係呀
c: 咁都得?
f: 我以為你知添
f: 好明顯你係搵緊我
c: 唔知呀

老公子不自覺o既舉動令我好心甜呢,嘻!!

============================================================

結婚半周年其實我o地係零慶祝活動咁滯,老公子照常去踼波,我就陪媽咪去吉之島!!不過尋日我o地出o左tst行街,去citysuper買o左今晚打邊爐o既美食,包活海鮮火鍋湯包同埋價值不菲(係我地心目中!)o既老虎蝦兩大隻,仲有肥牛同肥羊添,呵呵!!

 

新買番o黎o既聖誔樹!

我手上就係香煎大老虎蝦,好味!!
呢餐好貴,不過真係好滿足,食到我o地兩個差d反肚呢,hahaha!!

結婚半周年!!

yeah!!眨o下眼結婚半周年喇,又有excuse大食一餐!!!

 

搵得好辛苦先買到o既靚靚聖誕樹!!!間日本城無display出o黎,但我多口問句,有個好心職員幫我左搵右搵先至搵到,仲要係全新,so good!!!

結婚半周年其實我o地係零慶祝活動咁滯,老公子照常去踼波,我就陪媽咪去吉之島!!不過尋日我o地出o左tst行街,去citysuper買o左今晚打邊爐o既美食,包活海鮮火鍋湯包同埋價值不菲(係我地心目中!)o既老虎蝦兩大隻,仲有肥牛同肥羊添,呵呵!!

我手上就係香煎大老虎蝦,好味!!
呢餐好貴,不過真係好滿足,食到我o地兩個差d反肚呢,hahaha!!

fc620 ~ 謝幕篇

著住魚尾裙晚裝怱怱影完合照已經趕住要送客,本來Maggie都話換唔切,但佢都好明白無理由租o左衫唔著嘛,所以佢最後confirm問多我一次, "係咪真係想換?" ,我答 "係"!!

於是...

姊妹+Maggie再加我自己,七手八腳除金器戴鑽飾除衫著衫set頭髮,絕對唔係誇,超人變身都無咁快,我估前後5分鐘就搞掂,然後我就即刻出去送客喇!!

排排企準備好送客喇!!

睇?晚宴去到尾聲,老爺奶奶心情似乎都輕鬆晒呢,笑容比之前寬容好多咁呢!!

簡單握個手、講句恭喜、說句再見,原來送客都幾開心o架!!

呢張奶奶好搞笑呢!!

一睇就知兄弟Antony已經進入半醉狀態喇!!

好少見到我媽笑得咁勁!!哈!!

呢張相又係好搞笑,感覺好似我個中學同學同我奶奶好friend好熟咁!!

送客送到一半,工作人員話backdrop好快拆,叫我o地把握機會上backdrop影相,於是賓客都未走晒,我同老公子就衝番入去backdrop度影相,有d朋友仔好醒目,上台影埋一份,不過亦有唔少朋友直接走出門口...無送到大家,唔好意思呢!!

呢張好靚,我好鍾意!!

呢班就係好醒目,識上台捉住我o地合照o既朋友仔喇!!

呢張好靚呀,點解我同老公子無o係蛋榚前影相呢...!!!Kathy同阿東,呢張好似你o地結婚相咁呀,等飲你o地o個餐o架!!

送客呢套衫,我媽後尾講番,話件衫係咁多件入面最麻麻...um...唔係呀,我覺得都OK喎!!

多謝晒Kathy同阿東幫手做司儀呀!!

我可愛o既肥表弟,佢好尊重場合,特地買o左套裇衫o黎o架,好俾面呀!!不過唔知係咪唔慣著裇衫,佢影相好似好唔自然咁呢! 

我鍾意呢張!

姊妹們都眼紅紅!!

姊妹們俾o左我一個熱烈擁抱, 我除o左 "多謝", 還是 "多謝"!!

有你o地祝福,我好感動!!

最後,經過一整日開心o既勞累,fc620終於完滿落幕!!YEAH!!

多謝大家陪伴我同老公子渡過我倆第10年的最後一天,多謝大家有份成為我倆10年回憶o既一部份,多謝!!

==================================================

結婚半周年都o黎緊,終於俾我update完大日子o既一切點滴,多謝各位blog友支持同不厭其煩咁等我update...其實我仲有好多想分享,好似婚禮後感,對各vendor o既評價等等,我諗唔使揀相加水印落相,以後update速度會快d o架喇,haha!!

下一篇講o下造型!!

而家先考下大家心唔心水清!!大家知唔知我全日總共有幾多個造型呢???