29/11
婚後都五個幾月喇,上星期先第一次請老爺奶奶上我o地新居!!為表心意,我早一晚特登整o左個木瓜奶未雪紡蛋榚,本來賣相唔錯o架,點知第一次整咁大個蛋榚,完全無為意倒扣時個蛋榚會太重甩出o黎o既問題,結果個蛋榚出o黎變成好醜樣!!!
出爐仲好靚仔!!
仲見到木瓜肉,成個蛋榚都係橙色,好靚!!
點知倒扣時就出事喇!!
講番29號,首先四大長老同我o地先去飲下午茶,之後就一齊上我地屋企睇結婚時o既碟!!雖然攝錄師Roger好體貼一早燒定3 set碟俾我o地分俾自己同兩邊家人,但老爺奶奶屋企DVD壞左,電腦又無睇DVD o既codec,結果佢o地咁耐都無睇過,今日一次煲番!!睇完碟爸爸車6299走,我同老公就9秒9追番尾二一集宮心計,再9秒9煮o左個米粉,剛剛好趕及睇宮心計大結局,時間配合得天依無綘呢!!HAHA!
至於我個蛋榚呢,都有請俾4大長老食,賣相雖然唔得,但佢o地都讚好味,好開心!!!
P.S. 同場加映另一簡易甜品,桂圓杞子果凍!!本來我整o左三杯,但四大長老飲完茶好飽,我個木瓜蛋榚都無食晒,所以我最後都無拎到呢個果凍出o黎招呼四大長老,最後三個果凍就由我同老公子獨吞,好味!!至於我個蛋榚呢,都有請俾4大長老食,賣相雖然唔得,但佢o地都讚好味,好開心!!
1-3/12
公司造Xmas sales,同事日日落去掃貨,見佢買得咁開心,我又跟佢去八卦,橫掂就快唔做囉,買d紀念品都好!!
結果我收獲都唔少!!
個袋最抵,$50蚊大大個又實淨,拎去做運動或去旅行都可以!!
本書講46-47年o既香港,老公最鍾意睇呢d舊相,雖然d相都唔係太豐富太靚,但原價$200而家賣$20又真係好吸引,買o左先算!!
至於兩件T,$20/3件,雖然唔係靚,但學同事話齋,買o黎當地布都好嘛,同同事夾要o左兩件!!
最後最後就係好可愛o既兩隻小飛機,大o個隻可以用o黎抹mon,細o個隻係磁貼,但又係車仔,拉後放手識得行之餘仲識打白鴿轉,雖然$8/隻相對上面d戰利品好似貴d,但超可愛,早知買多幾隻!!
====================================================
老公子今日無端端打俾我,話睇報紙見到最新出o既米之蓮書推介大埔華輝o既雞批同蘋果批,呵呵,之前睇飲食男女介紹後試過真係好好味,間中都有食,估唔到米之蓮都會推介喎,勁呀!!
F
回覆刪除