唱完歌正式到敬酒時間!!
敬酒呢part,諗番起,我覺得好似敬得太快,其實我可以敬慢d,咁就可以同d friend吹下水嘛!!!
呢兩張相我同老公子表情又係好一致呢!!!大家睇唔睇到我條金鏈,呢條鏈我個人好鍾意o架,好多人讚又清又靚呢!!
"恭喜晒", "飲杯", "Cheers"!!
下面o個d snapshot影到大家最高興一刻,好鍾意呢!!
敬到去我班姊妹o個圍,睇o下我high到個口幾大,hahahaha!!!
大家都笑得好高興呀!!!
呢台係老公大學宿友o個台,當中兩個係兄弟,佢o地成晚玩得最癲,個個都飲好多!!
"飲啦,唔係唔飲o下嘛~~"
haha,呢張無咩特別,不過難得影到我個樣比較"正常",所以post出o黎!!
點解我話上面o個張係"正常"呢??因為好多相都影到我好似咁樣...原來我同Fiona Sit可以做朋友呢...
大學同學!!左邊o既Carol原來識得我中學同學同埋大學宿友呢!!
唔知我舅父係咪叫緊我老公子"好好睇住阿嘉喇"呢??
我婆婆!!
姑仔Kathy興男家親友對飲,haha,親友個樣好搞笑,好似撩交打咁!!
伴郎伴娘!
最後當然要同老爺奶奶敬酒啦!!
仲有我爸爸媽媽!
眨下眼敬完酒,我又要返回新娘房喇!!
o係我換衫轉妝其間,場內賓客承接住敬酒o既興奮,繼續high high high!!
老公Hallmate o個台原來過o左去撩我班姊妹喎!!
其中一個仲借醉撩姊妹Clok呢,嚇到佢花容失色!!!
(多謝Bubble拍下hallmate o既罪證呢,呢張相好搞笑!!)
另一個hallmate飲大o左,敬酒後下半場都係咁o既狀態...haha!!
連伴郎伴娘都鬼馬起o黎,好鍾意你o地呢張相呀!!
先前提及過我入場時每位賓客都會抽一張Thank you card作為小禮物,其實呢張卡仲係全晚唯一一個遊戲o既工具呢!!!
o係等我換衫o既同時,遊戲亦開始!!其實遊戲好簡單,就係睇o下邊台賓客儲齊10款Thank you card,最齊兩台就有禮物(Godiva 朱古力一盒!)!!
遊戲開始前司儀先介紹十款Thank you card上我特意印上有關我同老公子o既Little Fact(詳情: Thank you card!),等賓客了解我o地更多...老公子因為唔使換衫,仲即場解答司儀疑問!!不過後尾聽番賓客講,呢一part講解Card上句子部份解釋得太長,有少少悶場!!
遊戲開始,賓客們拎住手上卡仔數數數,睇o下夠唔夠10款!!
最後由男家親友同我姊妹o個一台儲齊10款,由我老公子頒獎!!
其實玩遊戲時我仲o係新娘房,唔知實際場內情況,希望賓客們都覺得呢個簡單小遊戲OK啦...!!
遊戲結束,我亦穿上我買回來o既白色魚尾裝!!
呢個造型我好鍾意!!!
本來晚宴得一個小遊戲,我expect時間會有鬆動,所以特意買多套晚裝,換o黎結圍行埋去影大合照,等因為遲到趕唔切迎賓時同我o地大合照o既賓客可以同我o地再合照,而我又可以多個機會續圍去social...
不過呢...因為我同老公子開o左陣concert,實際時間得番好少,唔好話無時間同朋友們吹下水,化妝師Maggie仲同我講未必夠時間換送客妝添...
等我介紹一下我13圍賓客先!!
男主家席!!睇番相先知奶奶無合照,唔知佢去o左邊呢!!!
4圍男家親友及朋友!同男家親友合照時發生小插曲,因為6299唔太清楚我有安排合照,所以敬酒後就捉住我同老公子同男家親友合照,阻慢o左我去換魚尾裙,到我換好行埋去影相,大家可能覺得敬酒後尾經合照o左,三催四請男家親友都唔肯離座,pat pat癡住張椅咁...最後三催四請用o左唔少時間先影到張合照呢!!
右下: 好似係99 d朋友,佢o地成晚一見到我只有一句對白"你好靚呀"...仲要講o左好多次,好似無第二句咁,tum得我好開心!!
我的大學Hallmate!!雖然10姊妹(計埋我)未能齊人(大家記得我同^.^的關係嗎!)有少少可惜,不過收到^.^放上youtube o既祝賀片段,我完全感覺到^.^都係現場,haha!!(無做我姊妹o既都穿上綠色衫呢!)
老公子大學Hallmate!有佢o地在場,場內氣氛都特別熱鬧!!
我同老公子o既中學同學!!其實安排呢個大合照環節唔多唔少主要係為o左呢班同學,因為成班出席o既都有廿幾人,真係好想影到張比較齊人o既相!!(可惜,最終有兩位出席o既要趕飛機早走,呢張大合照始終未能"最齊"呢!)
老公子同事!!佢o地個個都好nice,睇得出佢o地工作上都好照顧我老公子呢!!
我Cognitive Science(點解要寫我讀咩科?因為HKU已經o係正式摺o左呢一科,唔寫就無人知我讀咩喇!!) o既大學同學!!!婚前我主要同左一o既Agnes同左三o既May聯絡較多,估唔到因為今次re-union,大家又Gather番一齊,婚後大家已經organize o左幾次gathering喇,好開心我wedding又將大家拉番埋一齊呢!!!
我小學同學!!大家相識超過20年喇,又點可以唔請呢!!
女家親友!
女主家席!!
睇晒大合照,問大家一個簡單問題???我件白色魚尾裙裝係點o架??
"睇唔到喎~!!!"...哈哈,我估呢個應該係大家答案吧??
呢個造型其實係我個人最鍾意o架,因為條裙係我自己o係淘寶買o既,額前貼閃石呢個idea都係自己諗o架!!!
雖然我係用呢個靚靚造型一圍圍行埋去影合照,但合照嘛...我個人除左好細粒外,魚尾裙尾往往被擋住,跟本睇唔到呀...嗚...睇番相,呢個造型竟然無一張近鏡d o既全身相可以見得人呀,唔制呀!!!
唉...雖然核突d,但都係好想post...下面兩張係唯一兩張相影到我呢個造型o既full look近鏡相...不過我個樣完全唔係ready影相呢...嗚...
其實件魚尾裙晚裝真係好靚o架,綉金線圖案白色似婚紗之餘仲可以襯金器...
好彩件衫係我自己o既,希望有機會再影番啦...不過咩機會先會再有人幫我化妝影相呢???
沒有留言:
張貼留言