Wendy&Yin's Wedding

今日係12月5號,係我今年年初上深圳拍婚照時認識o既blog友Wendy同阿言拉埋天窗o既大日子!!

我同老公11點3個字先趕到去church,遲o左三個字呢...真係唔好意思呀,miss o左新郎新娘march-in呢part...不過都好彩,一去到仲睇到新人宣誓同交換戒子同掀頭紗,都應該唔係錯過o左好多吧~~~

靚靚邀請卡同婚禮程序!

今次係我第二次去church觀禮呢!!由於臨近聖誕,Church o既布置都好有聖誕氣氛呢!!

Reception!右邊的大油畫,便是我跟Wendy一同上深圳婚攝拍的!!好靚呀!!

簽名board,呢張相勁靚呀!!我同老公子都大讚!!

一入到去儀式已經在進行中!

阿言讀出誓辭!

新娘笑得好甜呀!!

場內有一棵放滿相o既聖誕樹,唔知d相係咪一對新人o既呢???

儀式完畢,一對新人帶住幸福o既笑容步出教堂!!

新人與伴娘伴郎及兄弟姊妹!

到我同老公子同一對新人合照喇!!!

Wendy,你今日好靚呀!!!

開首都講過我同Wendy同Yin係o係深圳婚攝時相識,仲記得當日我同Wendy已經好投契,口水多到講唔停,而最搞笑係阿Yin同我老公子無論outlook定性格都好相似,俾d工作人員話似兩兄弟添!!!

就係因為咁,我同Wendy之後都仲有keep住聯絡,一齊為自己婚禮努力籌備同分享心得,後來我先嫁人了,現在眨o下又到Wendy出嫁了,時間真係過得好快!!!

希望以後o既日子,我o地會繼續keep住聯絡,分享更多更多!!

係呢度,祝福Wendy&Yin白頭到老,永結同心,永遠恩愛甜蜜!!!恭喜恭喜!!