開席後食完乳豬再食埋第二味菜後又要換衫喇!!!之後出o黎繼續食,好彩食到呢碟螺,我由年半前睇到menu有已經好想食o架,味道唔錯呢!!!
仲記得換好敬酒衫時仲未有工作人員示意開始敬酒...但6299已經好急不及待自己走o左去敬...好彩最後俾工作人員叫住,不過場面真係有d尷尬...
呢個敬酒look我婆婆話最靚喎,老人家始終喜歡大紅呢!!
6299坐番去主家席,忽然老公子話要去toilet,當時我心諗“o下,呢個時候去?就敬酒喇喎!”, 不過見伴娘都係剛剛去完,成日咁耐去下toilet都正常o既,於是我就自己坐o係度同伴娘傾計...
忽然間!!!!!!
熟悉o既音樂響起,我仲未意會到發生咩事,但接住就聽到老公子把聲...
原來老公子秘密安排o左呢個驚喜俾我,而佢唱出o既呢一首歌,係我極之喜歡o既一首歌 ~ 草蜢o既'永遠愛著你'!!
o係我仲係傻下傻下未知咩事時,老公子原來企o左o係門外準備緊!!
伴郎Mark都係知情者之一,佢手上拎住o既就係老公子o既獨白台辭!
"我唔知道點解我o地會o係埋一齊
XXX
o係我o地拍拖10周年同埋結婚呢個大日子
我想同你講
我會永遠 永遠愛你"
(獨白exactly我唔記得喇,問老公子仲有無段獨白台辭,佢話無喎,睇怕我要睇多幾次video默番段獨白出o黎先得!!)
呢首歌我每次只係聽到前奏就已經好感動,今日前奏呢段仲要配上老公子o既獨白,我,喊到樣都變埋...!!好樣衰呀,haha!!
"永遠愛著你 就算夢碎了都深愛你
永沒法被淡忘 對不起
恨我仍想你 恨我仍這般苦痛
因為愛你 深深愛你"
我仲好記得老公子拎住花o係門口唱住歌大步走入o黎o既身影,真係好型o架,我...即場被老公子lum死o左!!
話時話,真係好多謝Bubble咁醒目,佢話o係門口見到我老公子口up up好似念緊野,估到有古怪,所以音樂響起已經用鏡頭'捕'住我,影到我呢個醜怪樣,哈哈!!
"也許現在或以後的愛全付給你
無論與你相對 無論與你別離
也許將一生的所有愛全奉給你
無論你會繼續去等 無論你已心死
愛著你"
老公子走到我身邊, 送上紅花!!
然後拖住我上台!!呢張相我好有小鳥依人feel呢!!
我上到台個樣仲係一臉迷惘咁...老公子呢個驚喜係夢境嗎??
"也許現在或以後的愛全付給你
無論與你相對 無論與你別離
也許將一生的所有愛全奉給你
無論你會繼續去等 無論你已心死
也許段段追憶哭笑全部因你
無論你愛戀我 無論你愛別人
也許現在決定一世留下給你
無論要我繼續痛苦
無論要我傷悲
愛著你"
嘩,老公子唱完仲識向鏡頭打招呼呢!!
老公子一唱完,我即時自動波鍚向老公子...嘻...呢d可能就係"情不自禁"!!!
喜歡我倆身後o既倒影!!
攝錄師Roger,佢就係呢個驚喜另一位幕後功神!!配上我倆生活片段o既"永遠愛著你"MV就係佢整o架喇!! 多謝Roger呀!!!
唱完歌,我當然要講番d說話多謝老公子!!其實我要講o既說話,姊妹Bettyo係新娘房訪問我時已經講過一次,但我好想當住大家向老公子再講多一次!!
"其實我性格比較心急,好多時阿俊唔夠快或者做錯少少o野,我都會忍唔住大聲話佢,甚至鬧佢,好多謝阿俊咁耐以o黎一直容忍我!!
我應承阿俊,之後我會改,希望以後如果我仲係忍唔住惡o既話..."
呢個時候,台下賓客已經忍唔住大叫"之後仲有??"
被賓客"柴台",我忍唔住狂笑~~
"...如果我仲係忍唔住惡o既話,希望阿俊會繼續..."
"...繼續容忍我..."
老公子o係我講完後,即刻搶我咪...
"你太客氣喇!!"
老公子引得我狂笑...hahaha...失禮晒!!
haha,估唔到同一段說話,我o係新娘房被訪時講到喊,上台講o係發台瘟情形下,竟然變o左係搞笑...
不過,此情此境,我至今都覺得好難忘!!
仲記得曾幾何時(應該係見到Bubble為姊妹珍妮o係大日子上彈琴自彈自唱後啦!!),我都有幻想過我老公會o係大日子俾驚喜我,但大日子rundown係我寫,可以話成個flow係我決定,加上大日子前咁忙,我根本就無空閒再對驚喜存有幻想...所以,呢個驚喜對我o黎講真係好突然好surprise好感動,係呢度,我真係要隆而重之地多謝我老公子,伴郎同Roger,多謝你o地o係我大日子帶俾我呢個驚喜!!!
之後司儀問我老公子預備o左幾耐~
老公子話佢同我4月睇草蜢演唱會時話佢知我好鍾意呢首歌,話覺得我講佢知係有'玄機',所以佢安排o左呢個驚喜俾我!!...
其實我當時好想搶咪澄清o架,但無機會,只能耍手擰頭...haha
等我o係度澄清下先!!實情係,睇concert時我只係想話佢知,老公子未正式求婚前其實我提過我好想佢用草蜢一首歌向我求婚,可惜老公子根本唔識呢首歌,估極都估唔到,甚至無放係心上,於是睇演唱會時我聽到呢首歌先話佢知就係呢首'永遠愛著你',可惜佢已經錯過o左!!當中絕無任何'暗示'或'玄機'呀...!!!老公子你會錯意喇!!
最後司儀要求我o地合唱encore!!!
後尾先知,'encore'其實係我99極力要求司儀向我o地提出o既,佢話佢一世人都未聽過個仔唱歌,話原來佢個仔唱歌咁好聽(!),所以好想再聽!!
無o左篇台辭,老公子up唔番段獨白, haha!!
"永遠愛著你..."...我o地似唔似開緊concert??
鍾意呢張相老公望住我個眼神!!
呢張我都好鍾意!!
合唱時,台下o既賓客都為我o地拍手打拍子,好鍾意下面幾張相,影到伴娘,爸媽同我妹o係我o地合唱時o既表情呢!!
"愛著你~"
忍唔住又自動波o黎一個指定動作!!
多謝各位!!
開完concert後,係時候敬酒喇!!
F
回覆刪除