快開席,我第三次著上婚紗!!
我個髮型幾wild~~呢張相我好似對住塊鏡問緊'魔鏡魔鏡,今晚邊個最靚!',haha!!
o係司儀宣布下,晚宴正式開始!!
場內先播放成長片!!而我o地就企o係reception等!!
大家覺得呢個look如何呀??
今次呢個髮型,Maggie話係韓式髮型o黎,Maggie話我心目中o既美女宋慧喬都整過...講真...set起時我覺得麻麻o地咋,好似比較成熟...
不過,睇番相,呢個造型又的確幾特別,雖然係同一套婚紗,但成個look感覺上同之前兩個婚紗look完全唔同,就好似連婚紗都唔同o左咁!!而且後來我問番朋友,大家都話呢個look俾人感覺係好大方得體呢...haha...咁就好喇!!(我知yahoo blog準新娘中有唔少鍾情Vintage Gown,我覺得我呢個髮型同Vintage Gown好似好夾,大家都可以試試呢!)
成晚喇,終於有機會望下reception布置成點!!我地兩個都唔太緊張,仲爭取時間o係reception影o左幾張相!!左下角張相我o地個表情好怪,但又好一致,好搞笑呢,哈哈!!
成長片係我自己DIY,片長5分鐘左右,我企o係門外聽唔到觀眾有咩反應,場入面好似好靜,好驚呢,明明我覺得段片開頭應該有一兩張相會引到人笑o架,咁靜,唔知大家會唔會係悶到訓o左呢...(好彩,後尾聽番中學同學話佢地有笑喎~~)
成長片段播畢,結婚進行曲響起,要March-in喇!!
Spot light照住下,我完全望唔到周圍有咩人,我只係隱約見到工作人員好似隱形俠咁o係場內通道左穿右插咁引領住我同老公子March-in路線...我o地就笑住咁跟住行...
下面呢兩張相,我超級鍾意,影得我真係好似d日韓明星要出嫁咁!!嘻~~~(自戀病發作!!)
雖然係第二次march-in,但其實我當時同註冊一樣,個心專心o左係裙腳度...
睇下老公子,好似出巡咁同各位揮手呀!!
無花炮,但有我癈物利用而整o既玻璃紙碎,呢兩張相補捉得好好!!
不過呢,我事前無諗過我胸口會兜滿玻璃紙碎呢!!
笑住o既我其實擔心緊上到台仲係成身紙碎點算呢!!
上台呢一刻,我襯背住觀眾用手拉一拉件婚紗,d紙碎即時跌晒入身...感覺好'正'...
結果我成功o左,睇下我砌蛋榚時胸口無紙碎,得頭頂同衫身側有少少咋...haha...
另外,我同老公都估唔到原來假蛋榚個質感咁'真'...好得意!!
全日第二次合巹交杯,但我o地仲係唔識就位,睇下我地幾生硬,仲要遮住晒個樣添!!
大家飲多杯!!Cheers!!
最後,當然唔少得指定動作!!印像中司儀同賓客好似都無叫我o地'嘴耐d'或'encore',好彩o者,嘻!!
睇相先知攝影師走左去台後影番落台,仲見到台下人o既反應o架,好鍾意!!
新人致辭,我老公子講o個番多謝父母o既說話好感人,我第一次見老公子咁感性o既一面!!
估唔到天幕o既倒影咁靚呢!!
老公咁感性我真係第一次見,自己都忍唔住輕輕落左幾滴淚呢~
你o地睇,老爺同奶奶喊到...!!佢o地真係好唔捨得個仔呢!!
到我喇,千言萬語,我大日子前曾經想過無數篇要講o既說話...結果...我發台瘟,只講到我預備講o既一兩成...而且仲要講得唔多感動人,自己亦無喊,唔及老公子咁真情流露呢!!估唔到,到大日子,我都仲係可以咁理性...!!
"人生無咩場合可以好似今日咁,有咁多我最愛o既家人以及由細到大,係唔同地方認識o既朋友聚首一堂,好多謝各位o既到臨,多謝大家!!"
其實我唔係講得好長,但呢幾張相咁o岩老公子都眨緊眼,好似聽到訓著o左咁!!
"襯今日拍拖十周年,我有句說話想同阿俊講: 拍拖10周年快樂!"....
除o左以上兩句係我諗好要講而又講o左外,其餘都唔知自己講乜...當然,多謝父母老爺奶奶唔少得,但個人覺得自己有d行貨!!
諗番轉頭,其實好後悔無公開同老公子及爸媽細佬妹講'我愛你',無公開多謝呢日勞苦功高o既伴娘伴郎兄弟姊妹及一班工作人員,亦好後悔無襯呢個場合叫我老公子做'老公'!!!!成晚'阿俊'前'阿俊'後...其實我從來都唔會咁叫老公子o架,點解o個日唔大膽d,係賓客面前名正言順咁高呼'我老公'呢!!!???
雖然未能宣之於口,但希望所有在座o既家人同朋友都感受到我想表達o既心意啦!!
睇見爸媽欣慰o既表情,我覺得已經好足夠喇!!
之後司儀請雙方爸爸講幾句說話!!
右: 老爺開頭有d怕醜
"我一生以o黎,最開心都係今日喇!" 老爺一向說話較少,但簡單一句,已足見佢呢一晚有幾開心!!
"另外,我仲要多謝我老婆,佢教得Feon好好..." 我爸爸一向唔怕公開演講,呢晚亦不例外,而且佢仲多謝我媽咪,相信媽咪一定甜入心!!
見到雙方父母咁關愛自己,我o地好幸福呢!!
最後,我同老公子送上小小心意俾雙方父母!!
終於開席喇!!!飲杯!!!!
飲杯!!!!
化妝師Maggie同我班好姊妹坐埋一圍!!相中仲見到好清楚姊妹們都眼紅紅o架!!好多謝你o地為我o地而流下感動o既眼淚呀,真係好多謝你o地!!!飲杯!!!!
坐男主家席無得同自己屋企人坐,真係有少少唔習慣,食o野都要斯文d,嘻!!
成日話新娘無時間食o野,但我呢晚都算食到幾多呀,係敬酒之後無時間食咋!!我印像中,其實我唔覺餓,因為之前換衫時已經食o左d伊麵同大蝦!!不過萬麗d食物都幾好味o架,印像中除左碟乳豬咸左d外,其他都幾好味呢!!!
下一篇敬酒喇!!!
沒有留言:
張貼留言