Twiny & Eric's Wedding

星期四放工出o左CWB彩福飲中學同學Twiny & Eric o個餐!!

我同老公子大約7點半到達,可能係平日關係啦,當時都唔算太多人到o左場咋,我o地仲係比較早到o個批中學同學添,一去到司儀就開咪叫中學同學上台合照,時間剛剛好!!!

每圍o既Table no card都畫上o左新郎新娘台號歲數時o既人像o架,本來我想影1號台,但後來開始多賓客,唔好意思走過去影lu!!

一對新人: Twiny & Eric!!新娘子件晚裝好閃好靚呀!!

個場樓底好高o架,仲有條好靚o既樓梯o架,不過我無影到呢!!

之後其他中學同學都陸續到場,好熱鬧,好彩我有帶相機,襯有空檔影番d合照!!!

Yeah!!齊人影番張大合照!!!haha,可能大家都放工到,男士們個個都裇衫西褲著得好斯文靚仔呀!!

開席喇,一對新人由樓梯March-in 入場!!

March in 切蛋榚!

估唔到會撞到另一個唔同班o既中學同學,原來佢同新郎哥係隔離屋,所以坐o左係鄰居一台!!

敬酒,混亂間影唔到新娘件靚衫添!!

今晚其實係我同老公子第一次以兩公婆身份去飲,唔知係咪自己都係新婚,其實今次去飲心情真係好唔一樣,因為我完全了解到一個婚禮入面,最重要o既始終都係祝賀新人o既一個眼神,一個笑容,一份心意..!!簡單一個笑容、一句祝福、一個擁抱,真係可以拉近人與人之間o既距離,我婚後都同唔少之前比較少聯絡o既朋友仔多o左聯絡,呢樣o野相信係未結婚前o既我未能意會o既!!!

所以,今次我都覺得自己比之前出席人o地婚禮時更加衷心,唔會只係為o左'睇'人o地個run down, 睇人o地個decoration...希望一對新人可以感受到我小小o既心意同祝福啦!!

祝Twiny & Eric百年好合,永結同心,三年抱兩呀!!!