繼續慶祝!!

星期日繼續慶祝活動,大約十二點,我同老公子執好行裝,帶晒水同太陽眼鏡諗住食完o野就去租車踩出大圍之後去沙田行街,本來都差d成行o架喇,點知問完第一間話大圍還車要$65覺得貴,就o係行過去另一邊租車問價o個短短幾分鐘路程,我同老公子都覺得太陽太曬太熱,所以雙雙決定放棄,哈哈!!最後我o地兩個就改變成個計劃,變o左去又一城行街!!

其實,去又一城得一個目的,就係去行o下Franc Franc,不過我地都係得個睇字!!之後諗住睇MJ套戲,但時間又唔o岩,最後我地行左個幾鐘就走lu!

夜晚,我地上左我媽咪度切生日蛋榚慶祝我生日,買o左伍仔記同三小姐外賣,好好味,我地仲一齊睇亞姐同American's next top model添,嘻!

==============================================

11月2日正日生日!!由於所有leave都o係Wedding時用晒,所以今日無得請假,要番工...而且公司其實無乜同事記得我今日生日,所以今日其實都好似平時咁!!

放工7點出到TST北京道會合老公子上o左朗庭食自助餐!!

生日o個個有得free,平均280一個人咋,雖然餐bufft味道唔算好突出,但都算幾抵食,有基本海鮮外我覺得最驚喜係有鵝肝(後尾老公子話番我知係鴨肝唔係鵝肝喎,話我發夢!),另外佢d冷盤好似甜品咁賣相幾的sik精緻,其他buffet比較少見!!甜品方,最開心就係有大大個甜筒,雖然in general d甜品都太甜,但呢個雪榚甜筒就真係食得人好開心,呵呵!!!

食完buffet我地就行過去水警總部影相,其間過馬路時見到一架超大o既藍色開逢新款勞斯來斯駛過,忍唔住'嘩'o左一聲,之後老公子話個車牌係'4'號,肯定車入面o既人大有來頭,可能係識o既,於是我o地就繼續望住架車!!

車門一開,落車o既原來係趙世曾同一位美女!!!估唔到真係名人呀...其車鋨有相機,好想影佢o架,但又怕俾人以為係狗仔隊,最後都唔敢影...haha!!

去到水警總部,呢度裝修完好靚呀,仲見到有人影婚紗相添,如果我影相時呢度已經裝修好就好啦,實o黎呢度影呢!!至於我同老公子呢...因為無腳架,所以都唔係影左好多相咋,嘻!!

我同老公子都覺得呢座o野好似清潮d帽!!

呢張相encore o左好多次,點知都係第一張最清!其餘震到不似人形...