fc620 ~ 迎賓篇

唔好意思呢,呢排太忙,所以隔o左咁耐先再update大日子回顧...

上回講到我同老公子註冊後同兩邊親友影完大合照後再一次被請落台...

o下???又落??仲有d只o黎觀禮o既朋友我未同佢o地影相o架喎...

此時我真係有d嬲,好明顯司儀手上無我俾佢o地個影相名單...但呢一刻我人又再一次落台,唯有一切繼續!!!o係我換番迎賓晚裝o既同時,個心一直好驚有只o黎觀禮o既朋友趕時間要走而一場o黎到同唔到我o地合照!!!(好彩,原來唯一要早走o既朋友醒目,見我快入新娘房時捉住我影o左合照一千零一張!!)

換衫期間,場內播放我第一次婚照o既花絮及求婚video(片長20min),我o係未完段片時已經轉好妝,心急怕人等住我影合照,所以我一ready即衝出新娘房...

點知...點知...

一個人企係新娘房外,左望望,右望望...無人理我!!!!

我諗我最少企o左係新娘房外有30秒,姊妹唔見,老公子唔見,部長唔見,賓客唔見,老爺奶奶爸爸媽咪都唔見...因為所有人都望住台上正在播放o既求婚片!!

老實講,我真係無想像過證婚後大家會繼續坐o係證婚儀式排椅上靜靜欣賞我o地段片,而且仲投入到我出o左o黎都無人理!!!哈哈!!呢一刻,我覺得個場似做緊首映多d,完全出乎意料之外,好開心,但亦為自己無人理而感到有d尷尬!!(haha, 其實我想知有無人知道我企過出o黎???)

尷尷尬尬走番入新娘房...化妝師都問我做咩入番o黎,我話,段片仲未播完,等播完我先出去...

再次穿上深綠色迎賓晚裝,我比較鍾意第一次著呢件個髮型多d!!

播完片喇,我同老公子再上台,司儀終於搞番清楚,開咪叫只o黎觀禮o既朋友先上台同我o地合照!!

整個大日子入面,相信呢個時刻係最唔跟schedule o既一刻,婚後我問番只o黎觀禮o既朋友係咪好亂,朋友們都話只係少少亂,其實唔多覺,更有一個朋友以為我證婚完安排播片之後先同只o黎觀禮o既朋友合照係特登安排,覺得咁安排唔錯添...!!唔知朋友仔係咪想tum我啦,不過聽到佢咁講我都安心d!!!

證婚儀式正式結束!!

兄弟姊妹們都番回工作崗位!!

雖然已經有唔少賓客到場,但而家我同老公子先正式做人肉布景板,其間仲要周圍同男女家長輩敬茶...

奶奶其實好想我跪,但我件衫太deep V喇,所以我無跪到,希望長輩們諒解啦!!
左上: 男家最年長o既長輩,好似叫六叔婆
右下: 我婆婆應該係全場最德高望重o既長輩喇!!我向佢敬茶時忍唔住眼濕濕,因為我係婆婆孫/外孫中最大,亦係第一個結婚o既孫/外孫!!婚後我睇番訪問婆婆o既片段,佢回憶起我出世時對眼好大好大,但而家人越大對眼越細,好搞笑!!!

我同老公子忙於影相其間,原來錄影師Roger正四出做訪問,錄影家人朋友對我o地o既情深說話!!

訪問呢一part真係要好多謝姊妹Betty幫忙,上過o黎我家house warming而睇過呢part o既家人朋友無不大讚Betty o既專業,個個都讚佢訪問出色,完全就係一個記者/主播一樣!!!

兄弟姊妹!!你o地o既祝賀我o地都收到晒呀,好多謝你o地!!

訪問我爸爸!!

訪問奶奶!!

伴娘Natalie!

我細佬!!哈哈,我有朋友睇到段片話我細佬全程雙眼都係一粒豆形,哈哈,係呀,我細佬由細到大雙眼都識笑o架!!

全晚迎賓合照有以下咁多...

大家搵到自己嗎??

怕大家悶,我只揀下面三張放大俾大家睇!!

靚女姑仔Kathy & 佢口才了得o既男友阿東!!

兄弟合照!!原來迎賓時無同兄弟影齊人合照呢!!

姊妹合照!!呢班係我最friend o既十姊妹,無做姊妹o既都特地穿綠色衫到賀!!!

可能因為賓客少(十三圍), 人肉布景板都有冷場o既時候...到臨開席前司儀開o左最少三次咪叫未同新人合照o既上台影相,竟然無人上台,我同老公子都有d尷尷尬尬...估唔到我o地會無人理,哈哈!!!

除正相外,其實我仲好喜歡Snapshot攝影師Andersen為我家人同賓客所Snap o既一張張笑面!!睇見大家o既笑容,我好滿足!!!

伴娘伴郎!!

兄弟姊妹!!

我妹,好多人都話我o地完全兩個style,不過亦有人話其實都幾似樣!!

兄弟姊妹及賓客們o既笑面!!

我爸爸!!

我妹!!

我細佬,雙眼笑時真係好似粒豆!!

我靚媽!!

姊妹們唔知講o左d咩呢,令我笑到見牙唔見眼!!

呢張相信係snap於無人上台同我影相時吧,哈哈!!成個造型都睇得好清楚!!

話咁快要預備開席喇,我又係時候要去換婚紗喇!!

呢張相好有動感!!

前面就係新娘房,衝呀!!!