今日雖然係我大日子,但我無請假,因為我請星期五就可以連放三日假,更方便honey同我慶祝,至於今日呢,本來都有諗過請埋假,但我呢個small potato小小一個生日請兩日假又實在太誇,所以最後今日都係上班去!!!
今日心情靚,人當然都要靚d啦,所以今日帶con,人都特別精神爽利!!!雖然要番工,但我又無覺得自己好慘喎,反而令我覺得今日其實都可以同平時一樣,無乜必要自我放大自己o係呢個特別日子o既重要性!!!!哈哈!!!
同事們其實定o左下星期一同我食生日飯,至於今日,我當然唔會帶飯盒啦,無理由仲要一個人lunch係公司食飯盒咁子孤單嘛...!!!但既然下星期一同事請我食飯,咁今日同同事食飯,佢o地又會唔會要我俾錢呢?...正煩擾間,同事們各自都話Lunch另有appointment,我o既煩惱似乎多餘了...但係...我Lunch咪無人陪我食囉???
...好彩, 最後我都唔使一個人食,仲去o左唱lunch K添,好驚喜呢!!!短短兩星期唱o左三次K,都算破o左自己記錄!!多謝同事o既offer呀,真不敢想像今日無人陪我食Lunch o既情景!!!
眨o下眼放工,比平時早少少走,join埋細佬一齊去沙田會我爸,因為佢去o左買今晚o既大餐:乳鴿、大蝦伊麵同咕嚕肉!!番到屋企,爸爸忽然興起話要用video拍底慶祝o既情境留為紀念,好彩我今日唔太烏'wear',可憐我媽猛話唔想上鏡,好搞笑呢!!!
最後,好多謝Honey,Jenny, Cindy, Bess同Athena o既電話、May,Brian,Nata, Menu,綿羊仔, Stephen, Beta, Emily o既Message, Pat 同其他朋友o既e-Card,同埋同事們o既一句'生日快樂'!!
生日快樂呀....(是我們認識的 Beta 嗎?)
回覆刪除你屋企人唔願出鏡？張相好得意呀﹗ 生日最緊要開心就得啦﹗
回覆刪除生日快樂呀！美女~ 祝你愈來愈靚呀！！！
回覆刪除打晒格仔，好搞笑呢!
回覆刪除生日快樂呀!!
回覆刪除To Menu: 多謝你呀!!!係呀,是我們認識的Beta呀,無聯絡兩年,收到呢個email的確幾驚喜突然呢!!!! To Monchhichi 珍妮, 仙廸: 係呀,我未得佢o地同意,唔敢亂Post 佢o地o既玉照出o黎呀,特別係母親大人呢,哈哈!!!多謝呀!!! To 小Vi: 呵呵,多謝你呀!!!承你貴言!!! To Ken: 多謝呀!!!!
回覆刪除生日快樂!!! 青春美麗!!! sorry ! 遲來的祝福也!!
回覆刪除多謝你呀加莉,好耐無見你寫blog咁喎,近排好忙??你老細走o左未呀???番工舒服d未??
回覆刪除