今日節目好豐富,一朝九點半就出門口,先同honey去食一個美味早餐~蔡潤記,無食好一排,原來又加o左價,由於佢份量一向唔太多,要成$18一碗,硬係覺得無以前咁抵食添~!!不過佢實在太好味,我無食一排就會掛住,哈哈~!!!食完o野去銀行,之後再行去火車站,途經華輝餐廳,即刻推介honey試佢o個雞批,honey本來唔太'好'呢類食物,因為覺得食完會好'漏',但佢都話好味,特別鍾意佢個皮,好鬆化,而且餡料又多又唔漏,yummy~!!其實呢間o野都開o左好耐喇,但一直都無留意佢,直到最近飲食男女介紹佢o既雞批同蘋果批先識,我o地真係有眼不識泰山呢!!!
大約點幾兩點我o地出到沙田,去o左一田shopping,由於做緊大減價,周圍好多人,真係睇見都頭痛!!五點幾坐巴士出西貢,因為今晚Jenny兩公婆搞o左個夜釣墨魚之旅,仲記得之前o個次釣墨魚clok俾墨魚噴黑o左件衫添,仲好似係無耐之前o既事咁,估唔到眨o下眼已經係六年前o既事...
去到碼頭已經有好多人,friend撘friend下我o地呢group有成三十幾人,好熱鬧~!!!等大雨減弱後,大家就上船喇,隻船比想像中細,而且舊,本來有得唱k o既,點知又壞咪,too bad~!!!
開船喇,雞泡同Jenny好有心思咁安排o左一個遊戲,等大家互相認識,雖然只有少部份人好落力咁去'鎖定''追殺對象',不過睇得出佢o地兩公婆事前一定花o左唔少時間去設計呢個遊戲,真係辛苦晒呢~!!
食完好'hea'o既菠蘿腸魚蛋雞翼後(點解釣墨魚o既食物一定係咁'hea' o既?大家就各有各玩,有d去同人'交換情報',有d就釣魚釣墨魚~!!而honey當然就係釣墨魚啦,因為佢未玩過,可惜,全船人好落力咁釣之下都無人釣到,船家都話天氣唔好落雨比較難釣呢~!!!正o係船家叫大家改起魚鈎諗住轉個地方再釣o既時候...
我honey忽然話'咦,我好似feel到有d異常感覺!',我同honey都以為大家o既魚鈎又鈎住o左啦,點知當honey將魚鈎收上水後,見到有隻約五寸長o既墨魚上釣喎,真係又驚又喜!!!由於怕佢會噴墨,開頭我叫honey唔好拎佢入o黎,點知船家話咁樣好易跌番條墨魚落海,於是honey就快手將墨魚拎入船喇~!!!
Honey好叻呀~!!由於呢條係成船人第一條墨魚,所以大家都好開心,因為似乎仲有希望呢!!同墨魚合照後,隻船就駛去第二個地方,我o地就襯有時間去o左開枱!!!只係第一舖o者,估唔到阿chris咁有吸引力,有好多人望住佢手上o既牌,當佢食出一剎那,大家仲歡呼添,因為佢食o左舖小四喜,仲要係自模o架,勁~!!!!
阿chris o既小四喜~!之後打牌又有趣事,由於附近剛有隻大船駛過,我o地隻船忽然搖得好勁,麻雀台上o既牌全部移向一邊,連chris成個人都移離張台咁滯,好彩,大家夾手夾腳保住未摸o既牌,大家總算可以打埋呢舖,不過大家都已經笑到肚痛,好搞笑~!!!
d牌飛晒去betty度,好彩模剩好少牌,救得番~!!haha~!!打完牌大家再釣o左陣墨魚,不過大家再無收獲,之後一齊玩eye killer,原來唔係太多人識玩咋,經過幾舖後大家先掌握到警察o既作用,哈哈!!!而且,估唔到我o地竟然係透過呢個遊戲去識到原本唔識o既朋友仔,當大家聽到對方o既名原來就係xxx時,仲大聲講出對方o既'代號',好搞笑好開心呢!!!
打牌其間阿fei釣到o既bb墨魚~!!!成晚就得呢兩條墨魚喇,之後佢o地就變成咁喇~!雖然隻船質素麻麻,天氣又麻麻,大家未能從釣墨魚中盡興,但今晚總算仲有唔少開心時刻,唯有當今晚係'遊船河'啦,哈哈~!!
大合照~!自娛中o既大姐: '人肉'連環快拍~!!======================================================
夜晚番到屋企,我妹送o左個迷你廁紙俾我,佢話我知係扭蛋o黎,係真廁紙,有香味,個座仲可以癡係牆用,好得意呢~!!
訓覺時有少少覺得搖o下搖o下,仲好似坐緊船咁,哈哈~!
