得獎川菜 ~ 四川豆花

今日上o左深圳,午飯去o左Honey宿舍附近o既一間四川o野度食!!其實早年幾兩年前o係雜誌送o既深圳美食指南內見到已經想食,但一直都無去到,今日終於食到喇,yeah!!!

我o地叫o左得過獎o既巴國肉排,棒棒雞同埋小食拼盤,對比番我手上本過期美食指南,menu o既價錢貴一倍,同o係香港食o野差唔多價錢,通脹認真勁,硬係覺得有少少唔抵!!!!

o野食o黎喇,個肉排真係好正,味道唔會太濃,仲有少少脆邊,d肉又多,唔怪得係得過全國廚師烹飪大賽獎,的確食過番尋味!!!!

至於個棒棒雞就普通啦,始終食唔慣咁多油o既食送,雖然隻雞幾滑,但唔太多肉,只係份量o黎講算多(其實我o地叫o左半隻雞,但份量好似成隻咁多!),不過實在太油膩,加上個小食拼盤都有唔少辣o野,棒棒雞又係辣o野,食起上o黎加倍辛苦,有少少後悔,早知叫d清菜仲好!!!

最後不得不讚呢個小食拼盤,只係RMB38咋,估唔到有咁多款小食,份量又咁多!!!圖中右邊兩碗係清湯餃同紅油抄手,雖然抄手同水餃唔係大大粒o個種,但每碗都有成五粒o架,好抵食,而且仲好好味添!!!至於中上o個個係'豆腐腦',其實同香港o既豆腐花差唔多,不過呢個係咸食o既,而且唔係滑滑o個種,配以紅油同炸菜粒,好味!!!中下o個味叫蛋香糍耙,係甜點o黎,配上磨碎o既花生糖碎,煙韌香口,唔怪得又係得獎菜!!!左下o個碗應該係麻辣粉皮之類啦,係咁多樣食物入面最麻辣o既,食到我流晒汗,Honey仲話我個額上出o左好多紅點添(食完飯好快退番晒!!!),睇怕都係呢碗粉所賜!最後,左上方係朱古力花生脆(個名我改o既,哈!!),一睇就知係甜點,但估唔到咬落去係脆o架,估佢唔到,食完咁多辣o野食一口即時無咁辛苦!!!

總結: 今餐真係好飽好美味,唯一美中不足就係無點菜食,而且太辣,但我覺得呢度可以再o黎食呢!!!仲有,雖然好多味o野食都有紅色o既辣油,但原來全部都唔同味,好似抄手o既油係甜,擔擔麵(無影相!!)同豆腐腦係咸,粉皮係麻,棒棒雞係辣等等,總之各有味道各有特式,Yummy!!!