我o地點半o係中環碼頭集合,由於Bess放工趕o黎仲走錯碼頭,我o地錯過o左一點五十分o既快船,唯有坐兩點半o既慢船,哈哈,當我o地睇住碼頭時間顯示快到一點五十分而阿Bess正努力跑o黎時,真係有d緊張呢!!!!雖然錯過班船,但好彩大家都唔係趕時間,反而坐慢船多d時間傾計仲開心呢!!!
到達梅窩,我o地就出發上山去!!!雖然今日係周末,但唔知點解得好少遊人,無想像中熱鬧,只係間中撞到相信係大嶼山居民o既外國人,不過少人又有少人好,唔怕行得太慢阻住其他人上山呢,哈!!!
上山一段係一條無窮無盡o既石楷,雖然事前上網搵資料已經知道石級路好長,有晒心理準備,但點知親身去行時,始終都係覺得好辛苦,哈哈,大家都行到上氣唔接下氣(太少運動是也!!),仲忍唔住要不斷停下休息回氣,好搞笑!!!
沿路見到的小動物,還有像得像一條魚的樹葉!!!
圖中左上方的便是梅窩碼頭,我們便是沿岸經過銀礦灣再行上我們背後
山坡的石級路,我像拍照的位置還未到山頂呀!!而我們拍照一刻正站在
崖邊的大石上,由於我畏高,所以只敢企最前呢,哈哈!!!
好不容易終於上到山頂,我o地一行九人坐低休息食零食回氣後就準備落山,點知俾我o地見到七至八隻牛牛o係山上面食草,由於佢o地體形唔係好大,而且仲乖乖咁食緊草,唔太得人驚,所以我o地都紛紛走到牛牛身邊影合照呢!!!
我比較驚,所以我跟牛牛的合照比較遠,哈哈!!
落山,我o地見好多行山人士都係咁行,所以我o地都捨旁邊的石屎路唔走,去行一邊o既山路,明明睇住d行山人士飛快咁落o左山,好似好易咁,點知原來呢條路有d位置都幾斜o架,仲有少許碎石沙泥,十分'扇'腳,有好幾下我仲要坐o係地先保持到重心,不過都仲係好'扇',好彩今次活動有男士咋,如果得幾位大姐,相信都幾危險!!!不過,由於今日條行山路徑太易行,而且增添o左少少難度,又的確係果癮少少o既,哈哈!!
下山路上的老爺車!!
修院!!
越過山頭,終於到達愉景灣,呢度真係好靚,同山路旁o既村屋有好大對比!!由於無高樓大廈,周圍又充滿外國人,真係有d渡假Feel!!!
送走仙廸同Emily後,我o地就去o左Openrice上愉景灣最多好評o既西餐廳食飯,呢度真係好靚,有落地玻璃又有露天茶座,對於無敵海景,感覺好寫意!!!望o下望o下,竟然仲望到其中一位正在露天茶座'享受人生'的是關淑怡呢,認真識嘆呀!!!
Cheers!
開餐,今晚好豐富,叫o左好多美食,特別鍾意個Ribs同埋炸魷魚蘇,Yummy!!!!食完o野傾o下計,傾傾o下侍應小姐話俾我o地知呢度係望到廸士尼o既煙花o架,於是我o地即刻望出窗,雖然距離有d遠,煙花好細,但我o地都睇到'嘩嘩'聲,咁先有氣氛嘛,哈哈!!!
Yummy!!!
九點二十分坐船回程,眨o下眼就出到中環,如果o係中環番工,住o係愉景灣呢個'世外桃園'都的確唔錯呢!!!之後我同honey再坐船過番尖沙咀再坐巴士番屋企,番到去十一點幾!!今日行o左咁多路,雖然有點支力,不過好滿足,好似好健康咁呢,哈哈!!!
沒有留言:
張貼留言