Wedding de luxe六月號出o左喇!!!

等o左咁耐,Wedding de luxe 六月號終於出o左喇!!!尋晚特登去Circle K搵本雜誌(不過未買,因為得番一本,而且仲有少少殘),急不及待就搵o下自己張相放o左去邊!!!!

搵到喇搵到喇!!!!不過小學同學們o既comment似乎都麻麻,因為最大問題係覺得我張相好唔似我!!!!!!

咁又係,雜誌內十個準新娘o既相好似得我係無笑咋,小學同學都話不嬲見我我個樣都係笑住,見到我唔笑個樣好怪呢!!!而且,張相d色調仲教到好淡,胭脂又淡嘴唇又淡,PatPat話唔似新娘妝呢!!!!

um...我自己都覺得登出o黎張相無想像中咁滿意,因為我o既大細眼高低眉都幾明顯,anyway,難得有得上雜誌喎,我一定會買番本留念o既,嘻!!!!

=====================================================

26/5/08

買o左喇買o左喇,封面係Jocelyn 同佢未婚夫,佢個妝都係Will Will幫佢化o架,好靚呢!!!

呢個就係我喇,仲有埋前後對比添呀,大家覺得呢個'我'係咪同平時o既我好唔同呢?

“淡掃娥眉配合自然粉紅色調，輕易成為婚禮上最矚目的焦點。”

當日我爸幫我影o既花絮相中都有差唔多角度o既照片,
不過就有笑容o既,其實個妝真人睇唔係想像中咁淡o架,
或者上鏡同大白燈拍攝效果會淡d啦!!!