六十二樓

雖然話今次做姊妹分開兩日無咁辛苦,但估唔到都係好支力,訓到十點幾媽咪叫先醒,仲好想訓落去,好少有!!!不過今日要去我舅父新居參觀,所以都係要起身呢!!!

舅父新居o係六十二樓,聽見都覺得驚!!!雖然好高,不過坐lift好快,50秒就到,勁!!上到去舅父即打開露台o既們俾我o地行出露台參觀,一向畏高o既我真係唔多夠膽,只敢蹲低'坐'出露台地下,捉實欄桿望落地面,講真,我真係驚到腳仔軟,完全唔敢企起身,所以我好快就入番室內!!!不過實在太高喇,我望住我爸同舅父們成日企o係露台都覺得心都離埋,好想拉番佢o地入室內呢!!!!!!

睇完樓我o地去飲茶,之後番屋企!!回程途中收到Honey由深圳打o黎o既來電,話佢Feel到地震,好明顯,問我覺唔覺!!!後尾聽收音機新聞,原來係四川發生七點幾級地震呀,我即刻心諗,如果我o個時未去飲茶,仲留o係六十二樓我諗一定會feel到呢!!!!