老朋友出嫁~Day2

今日係老朋友註冊同埋擺酒o既日子,一點半出到文化中心註冊處,其實兄弟姊妹都無乜要幫手,主要都係影相,到大約兩點就落去註冊處登記喇!!!

我同另外兩位姊妹去到文化中心已經見到PatPat同佢老公影緊相,PatPat今日好靚呀,A-line婚紗,佢一向身型好fit,好靚,再加上身上o既鑽飾,真係好明艷照人呢!!!!

印像中我對上一次入註冊處已經係十幾年前表姨結婚時喇,所以都無乜印像,今日再入註冊處其實都覺得無乜特別,因為限時十五分鐘,時間好衝忙,新人親友眾多,只係就坐影合照都用唔少時間,所以成個儀式好快就完成,有點例行公事Feel!!!!

姊妹伴娘同新娘!!

 

又捉住靚仔影相,哈哈!!                        新娘為新郎哥戴婚戒!!

註冊完畢去文化中心o既樓梯影大合照同影分組合照,由於組合眾多,我諗新人企o係樓梯影相都影o左最少九個字,雖然我只係企埋一邊等影相,但都完全感覺到新人都應該笑到硬o左,哈哈!!!

大約四點半去到酒樓,先食o左少少麥記打底,大約五點開始有賓客o黎就去Reception幫手!!!成六十幾圍呀,自上次珍妮的四十圍後真係有點怕,而且開始時仲發現Print唔到最Finalize o既賓客名單,真係嚇死,唯有拎住手寫o既睇住先,雖然我只負責睇女家名單,所以實質都係大約三十幾四十圍,但手寫o既始終唔太清楚,搵人名亦相當困難,好彩,後尾有人有notebook,開到最update個list先無事呢!!!!之後,每有賓客o黎就用電腦search,好快咁一睇就知佢坐邊圍,無上次咁亂呢!!!(所以我覺得之後搞婚宴都係電腦化方便d!!!)

九點開席喇,因為開席後都無乜節目,所以我可以坐定定食o野,好開心又可以同班小學同學傾計,特別係見到由英國飛番o黎飲o既Stephen同埋好耐無見o既Brian,總之就係好開心啦!!!!

散席喇,由於小學同學有車,所以我就癡車坐無幫手執o野就走喇,嘻,唔好意思呢,臨走時同方爸爸方媽媽握手講ByeBye,唔知點解好有感覺咁呢!!!!

聽日新人就去Honeymoon喇,祝佢o地新婚快樂,過一個Sweet Sweet Honeymoon!!!!