冷血

二零零八年五月十二日下午二時二十八分,四川發生八級大地震,全國為此於今天二時二十八分默哀三分鐘!!!

正在上班的我也有放下工作,低頭伏在台上,點知背後兩名同事不斷大聲講公事,另一位同事又不斷傳出打字聲音(相信是在MSN),我只係想靜靜咁向死難者至意,但我完全集中唔到精神,實在太過份,只是三鐘鐘,點解唔可以停一停,就算你唔默哀,但都好應該尊重一下默哀o既人,尊重一下自己,尊重一下遠在四川的死難者及努力救災、來自世界各地的英雄!!!

o係默哀前收到朋友forward,有關一名中一女生發表的冷血言論,我forward o左俾同事睇,有同事都忍唔住鬧個女仔,但亦有同事表示佢覺得個女仔無錯,因為每人都有言論自由,認為這只是小事,只是傳媒發大件事,佢唔認為個女仔有錯,亦唔覺得佢冷血,亦有另一個同事MSN我,話'原來人人捐錢自己唔捐會high o架?'!!!!!!

大佬,咁o既o野都講得出o既??????

雖然我認同個女仔有權發表非大眾o既意見,而且個女仔只係中一生思想唔夠成熟,但我真係唔明點解佢可以對最根本最簡單o既'生命'睇得咁無價值,睇住日夜不斷報導災民慘況o既時候仲笑得出,連人性最根本o既同理心都無,實在太過份!!!!

認為個女仔無做錯的同事之後舉出緬甸的例字,問大家對緬甸事件又有幾關心又有幾大感受!!!的確,我對緬甸的災情的確沒多大感受,只知死難者眾多,應該捐點錢去救助,但我認為原因係在於緬甸軍政府對消息封閉,令外界無法得知災情,少點關注也是難以避免o既現象!!!

之但係,自上星期一地震以o黎,全中國已經不斷報導相關消息,點解呢位中一生仲可以視若無睹,甚至發出冷笑,真的令人心寒!!!!所以我認為兩件大災難根本沒辨法比較,亦唔應該比較,生命係無分你我無分國藉的,若果大家真係只對四川地震產生同情,咁大家亦好應該去同情緬甸風災的死難者,而唔係好似我同事o既意思咁,因為大家對緬甸風災缺少同情,所以對四川災情沒有同情心也是正常'!!!!!!!那簡直是可怕的歪理!!!!!!!

呢位同事就係及後在默哀的三分鐘其間不斷同另一位同事傾公事o既個位同事,佢原來呢兩日last day喇,其他同事及後仲好開心咁研究陣間要佢請食咩tea!!!

講真,我到而家都仲係有d嬲,唔知係咪公司得我一個女仔關係,我真係理解唔到點解d男同事可以咁無同理心,騷擾完人仲有心情傾計講笑!!!!現在,我發覺我需要重新認識呢位將要last day o既同事,佢請o既tea,我想我唔會食了!!!