去食農夫包!!!

今日同Honey出o左旺角去食Openrice上面長期保持頭幾名o既澳門翠苑茶餐廳食好出名o既農夫包!!!

個熟食中心其實好細咋,但好彩唔係好多人,等o左一陣就有位,反而係個農夫包要等耐d先有!!!!!o野食o黎喇,嘩,個包好大個呀,應該大過我塊面,哈哈!!!我o地叫o既係農夫包餐同埋網上面都好多人讚o既鮮茄牛腩通粉餐,仲將跟餐o既包轉埋做豬排包!!!!由於通粉已經有牛腩,所以農夫包餐無叫咖喱牛腩,Honey於是叫o左咖喱豬柳...噢...豬排包已經有豬喇嘛,應該叫咖喱雞呀!!!!

呢個農夫包果然名不虛傳,外脆內軟,配埋味道剛好o既咖喱汁,Yummy!!!而豬排包都唔錯,我覺得個包比澳門大利豬扒包仲好,只係入面o既豬扒無炸得咁香o者!!!!至於個通粉都OK,間舖仲寫明佢賣o既所有中西湯湯底都無味精,所以d o野食又真係無出面o個d咁濃咁惹味,感覺剛剛好呢!!!!(P.S. 最重要係食完唔會覺得太口渴,Good!)