命中注定我愛你

嘩!好耐無追日韓台劇喇,先排o係Yahoo熱門搜尋見到'命中註定我愛你'呢個名,一search之下原來係最近台灣熱播o既台劇名,似乎幾吸引,所以就上網睇!!!

講真,其實劇情都係一貫地老套,講一個平凡女子遇上有錢仔o既故事,不過劇情發展比其他日韓劇快,因為兩人係先盲中中咁發生關係,之後因為肚入面o既BB而結婚o係埋一齊!!!當然,公子本來仲有個女朋友啦,而平凡女子亦有另一名有錢仔追求!!!

劇情雖然老套,但劇情好有追看性,而且做女主角o既陳喬恩出奇地討好,因為劇入面佢係做一個好平凡好單純o既女仔,大多數都係穿著老套架起副眼鏡,無夾硬化妝做靚女,睇落好順眼,演出亦好切合角色,好討好好吸引!!至於靚仔男主角原來叫院經天,開頭我覺得佢同明道有點似樣,不過就靚仔順眼好多,都幾吸引呢!!!

而家套劇好似仲未做完,雖然近排無乜時間,但我諗我都會追埋佢o既!!!

官方網頁: http://www.ttv.com.tw/drama08/destinylove/