仲記得第一份(Marketing)係9月resign 10月走o既,第二份工(I.T)就8月resign9月走,第三份(I.T)就9月resign10月走...
今次呢份係第四份工(I.T)喇,本來我contract係10月頭完o架,剛剛先同公司簽左extend到12月31號,點知我有少少後悔呀,呢兩日身痕病發作得好勁,個心好想好想可以休息唔使番工一排,如果我無extend,10月頭本來就已經可以休息嘛,而家extend o左要等到出年一月先可以休息,唔制呢!!!
諗番轉頭,其實點解我會有身痕病呢??
我其實好清楚個答案...好簡單,就係我不嬲都係零事業心!!!如果唔係為份人工同將來生活,我早就退o左休喇!!
每份工做夠一年半載,慮積o既工作開始多,身上o既責任開始大...一年,正正係個鑊開始炒'lone' o既時候,我呢d根本無投入過工作o既人,自自然然會o係呢個時候萌生退意...
其實...我都知我咁樣好無用,讀咁多書連o靚模都不如,我都知咁樣好令家人失望,但我細細個就已經唔想做o野喇,呢個志願一直無改變過,試問而家又點會忽然有事業心呢???
再睇,其實會唔會有咩工會令我真正投入到入去呢??唉...呢兩日睇job ad,我發現我對data entry呢類工作最大興,因為唔使用腦又可以準時放工,放工後又唔使帶工作番屋企!!!
有時我又諗,我咁o既性格會唔會適合做秘書小姐或reception多d...唉...
12月31號contract完,呢份工極大機會唔會再續我(因為公司地震,連perm都有機會失業,更何況我呢d合約員工!)!!我估我極大機會會先休息一下先,唔會再今日resign聽日番新工咁咁搏命住,呢年幾兩年o既生活,真係需要時間好好整理一下!!
下一份工,其實有d想試試轉行,但為著份人工,我估成事機會不大...希望下一份工作會係一份可以止到我身痕病o既工作吧...
祝自己好運!!
其實 data entry真係唔係咁好玩嫁咋~
回覆刪除好悶好悶, 成日都冇機會同人講下野~
我公司d sales support 同cs (都算大半個data entry),晚晚都8點先走嫁~ 星期六仲要返工喎!!! 所以data entry都唔係話份份都可以準時放工嫁!!
[版主回覆08/27/2009 08:52:00]oh~~原來data entry都未必好...其實我而家份工OK o架,夠得閒,但係無耐我只係contract,contract一完真係要搵過第二份,雖然仲有四個月,不過已經有d迷惘...
如果純粹為左份人工, 唔嫌工人多與少的話...
回覆刪除不如搵份自己鍾意既工作啦(不論身份地位高低), 同埋唔好做d contract既工...不過太低微, 人地又可能請唔起你喎...哈哈...
總之大把選擇啦, 點解一定要搵份做得咁辛苦呀...??
[版主回覆08/27/2009 08:53:00]係呀,其實我都唔介意下一份工收入低過而家o架,但唔好低太多囉,最緊要想搵份hea d o既工....唉...我呢D真係大懶人,哈哈!!!
都係想搵份工安安穩穩, 人工少少少都ok..
回覆刪除[版主回覆08/27/2009 08:53:00]agree呀,志不在事業....