敬茶喇,媽咪話女家係唔使跪住敬茶o既,所以我全程都係企!!
右上: 爸爸飲茶!
左上: 點解我細佬妹笑得咁開心?
下: 哦~原來錄影師預備o左道具俾我爸爸...
影完搞笑相,再正經敬多次女婿茶!!
左上: o下,我都有道具???
下: 其實d道具係配合d吉利說話o既,但我唔記得係咩喇...
搞完'笑,又正經敬多次...其實呢...我屋企唔多鍾意呢d突如奇來o既'驚喜'...
金器移交儀式!!
媽咪幫我戴金器...雖然佢練習o左好多次,但佢仲未知點先夾唔到我...佢幫我戴時,我其實好驚,哈哈!!
我係媽媽親友中呢一輩入面最大o既,簡單d講,我係婆婆最大粒孫(外孫),長外孫出嫁,三個舅父仲有舅母一早入o黎睇我出門,好有心!!
我睇到大家眼內帶住笑意飲呢杯茶時,好感動好感動,好多謝各位舅父舅母!!
禮成!!
兄弟姊妹忙於收拾物資出門,我就被攝影師拉住o係屋企影'沙龍',Andersen係我snapshot攝影師, 小林就係我正相攝影師,佢o地d相各有風格!!
Photograph by Lilam
Photograph by Lilam
Photograph by Andersen
Photograph by Andersen
Photograph by Bubble
Bubble係我好姊妹Jenny o既老公,佢當日都好細心幫我影o左好多靚相!!
哈哈,我伴娘好靚呀,唔少人睇完相都問係咪我妹,哈哈,其實佢係我中學同學o黎,唔係我妹呀!!乜我o地好似樣咩??
出門喇!!
鍚啖媽咪先~~
老實講,620當日我興奮多於感觸,反而係而家睇相先諗番起,由我踏出門口呢一刻後,我就唔再住o係呢度喇...
塔lip落樓又影~~~ 我幾鍾意左邊o個張!!
Bye~~~
日日出入都行過呢個大堂,今日行,感覺寧舍特別...因為好多等lip o既人望住我呢,可惜,當中並無相熟o既街坊!!
下面呢幾張,係我fc620咁多相入面,我個人比較喜歡o既,因為大家都笑得好開心!!
上中: 姊妹Betty幫我灑紅米綠豆
下: 一大隊兄弟姊妹跟住,好似好勁咁,哈哈!!
屋企留下有個小公園...其實都唔算公園,只係有條蟲蟲咁解,攝影師指示下,係呢度影o左幾張相,估唔到影出o黎又幾特別!!...諗番轉頭,我廿年前細細個就係同細佬妹玩住呢條蟲蟲長大,可以係度影番張相,又幾有意思!!
靚靚o既姊妹們!!
預備好未?
NG o左幾次先影到o架,哈哈!!
跳完好支力呢...haha~~
車頭公仔係我DIY,因為只係鐵線勾個人形出o黎,兄弟們特地叫我檢驗,哈哈!!其實個人形靚唔靚都差唔多,因為影相都係睇唔清個人仔!!
我睇番相先知有同兄弟姊妹係花車前合照...我成日以為自己無影...
不過唯一呢兩張花車合照,兄弟d表情好似好無奈咁,唔知點解呢???
姊妹兄弟坐29座van出發!!
而我o地同伴郎伴娘就坐7人Van!!呢架7人車係我舅父借出,另一個舅父仲客串做埋司機...要舅父做司機,其實真係有d唔好意思o架!!多謝舅父!!
左上: 上車喇,honey竟然自己上先...哈哈,你睇我表情幾突然...
左下: 最後honey俾人叫住先醒水,讓我上車先...hahaha!!
7人van有天窗,本來諗住開住車我o地申個頭出去影少少,但我太矮喇,企到盡都係見到個頭少少,所以最後都係守交通規則,無影到喇!!
下一篇到男家敬茶篇,寫埋下一篇就終於轉婚紗look喇,敬請耐心期待,嘻!!
F
回覆刪除