大家估到汽球o既作用嗎??無錯,就係扮燒炮竹喇!!要知道99作風同女家有咁低調得咁低調完全相反,汽球呢一環,係佢婚前特地叮囑我一定要預備o既,講到明話唔想同一條走廊o既街坊街里唔知佢辨囍事!!!(!)佢呢一套,坦白講我唔buy!!如果佢只係話想熱鬧d我可能會易d接受...anyway,既然99千叮萬囑一定要做,我當然有盡力滿足長輩啦!!
1, 2, 3 ...嘭嘭嘭!!Honey俾d汽球聲搞到耳都側埋咁喎~~哈!!
正式踏進男家門喇!!
右: 我好鍾意o既一對龍鳳耳環!!
男家地方較少,姊妹兄弟們都要企o係門外等候!!
呢張相好靚呀!!!
睇番男家內~~
呢堆麥嘜好可愛呢!!
又到敬茶時間喇,辛苦晒伴娘呢!!
右下: 向老爺奶奶敬茶!!睇得出老爺奶奶面對鏡頭好緊張,笑容都唔見晒...我當時心入面猛叫'笑o下啦笑o下啦...唔係唔鍾意我入門呀~~'...
左下: 終於有d笑容喇,咁多張敬茶相,佢o地得幾張有笑容咋!!!
又係金器交接儀式~~
禮成!!
親友方面,係數名大陸叔叔嬸嬸同姨媽,除姨媽同其中一位叔叔外,其餘我都係第一次見!!雖然未見過,但睇見佢o地飲茶又係飲得好開心,我都好開心,希望佢o地對我印像還可以吧!!
右下: 最後敬茶俾姑仔Kathy!!仲記得我婚前一星期都仲上網問緊人究竟有無人敬茶俾後輩,好彩原來敬茶俾後輩原來都唔少有o既,既然奶奶要求到又無傷大雅,我都有敬!!哈哈,杯茶好熱,Kathy飲到咀扁扁!!
正式成為一家人喇!!!
食過湯丸,影過大合照,回門喇!!
落到男家樓下姊妹Clok話我知掛o左一號風球,仲話我同Chun真係打風都打唔甩,哈哈...係喎係喎!!
回門喇,點知發生o左件趣事...
話說我,honey伴娘伴郎一齊回門,齊人咪開車囉...點知...
咪住咪住~~有兄弟向住主花車跑過o黎,好似有急事喎...
主花車倒行番轉頭,哈哈...原來化妝師Maggie正o係兄弟姊妹Van拎緊化妝箱落車諗住上主花車跟我番去轉妝,而我o地竟然忘記o左佢!!
無o左Maggie,回門後我又點轉新娘妝呢,哈哈,咁大頭蝦,當刻我自己都忍唔住笑o左好耐呢!
======================================================
最後,送上幾張比較明顯見到我個綠色頭o既相...
左上: 呢張應該係咁多相入面最綠o架喇!!
右上及下: 綠色頭有時o係閃光下變o左好似滿頭白髮...唔講可能以為有個阿婆係度著褂...
多謝大家咁有耐性睇晒我朝早o既中式婚禮,久候喇,下篇婚紗look終於要登場喇,希望大家繼續多多支持!!yeah!!
睇完你咁詳盡的報導，攪到我都心郁郁想寫番BJ838當日的野，等自己回味下﹗
回覆刪除[SkyBlue回覆09/02/2009 11:06:00]寫啦,我寫完都應該會save係word做個backup紀錄呀!!
我6299都係一樣 , 面對鏡頭就會唔識笑 , 我睇番d相都會同你一樣心諗 , 唔係唔鍾意我入門嘛~!!!!
回覆刪除你地男女家咁近真係好 , 車程又快 , 又可以回門~!!!!
[SkyBlue回覆09/02/2009 11:07:00]係呀,車程近真係慳好多時間o架,所以我開頭有諗過踩單車o架,好似特別D,不過後尾都無咁做!!
等緊你嫁~加油呀！！！
回覆刪除[SkyBlue回覆09/02/2009 11:07:00]好呀,我努力中o架喇!!
你6299都有d似樣, haha!
回覆刪除[SkyBlue回覆09/02/2009 11:09:00]o係???可能係表情有D似!!
wa~~~乜你夫家的人咁傳統gei~
回覆刪除姑仔都要飲茶....
雖然我d fd阿哥結婚都係咁...不過我就唔多buy lor
哈哈..入門係我入先ga..老公跟我尾...
d fd話咁老公就聽教聽話....哈哈哈!
[SkyBlue回覆09/02/2009 11:11:00]其實佢o地都傳統o架,不過第一次辨囍事,所以佢o地好多傳統細節都唔知,如果佢o地知道o左,我肯定好麻煩...
敬茶呢part,99都係聽佢d師奶朋友講先知,佢話佢問三個師奶,三個都話要向姑仔敬茶呀,所以我唔可以唔照做呢,哈哈!!
你6299 套戰衣應該襯過色ga~~~
回覆刪除[SkyBlue回覆09/02/2009 11:12:00]haha,我都覺!!!我一入男家第一個反應都係諗佢地點解咁襯色,哈哈!!
啲相張張都影到你笑得好開心嘅情景~ btw 你個頭真係好綠喎.......係乜用品攪到咁?
回覆刪除[SkyBlue回覆09/02/2009 11:15:00]我無染髮呀,所以化妝師帶o左支啡紅色噴油噴我個頭,點知噴完變左綠色...最奇怪係,用tissue抹番出o黎係啡紅色o架,但係我個頭就唔知點解綠色囉...我o個照已經盡量抹走左部份噴油o架喇,但d相仲係見到我個頭綠色呢!!
大日子當晚我沖涼時洗甩個頭D噴油都係啡紅色o架...朝早點解係綠色...真係耐人尋味...
(Empty)
回覆刪除[SkyBlue回覆09/02/2009 11:15:00]thanks~~ :)
different families have different customs. The young will 敬茶 to the elder one to show their respect. ^^ it surprised me you 敬茶 to your sister-in-law instead of the other way round.
回覆刪除Anyway, we just did what 6299 expected.
[SkyBlue回覆09/02/2009 11:17:00]係呀,我第一次聽時都係reject我99 o架,因為我都同你一樣,覺得姑仔敬番我正常D,但點知最後都有唔少blog友話我知佢o地都有咁做,我先信咋,咁咪照做囉!!
you look stunning in your Qua!!! btw: where did you find the dress for your maid of honor? it's lovely!
回覆刪除[SkyBlue回覆09/02/2009 11:38:00]多謝你呀!!
伴娘同姊妹裙都係o係尖沙咀百利度做o架,details可以refer番我呢篇: 姊妹裙造好喇!!!!
你個hairdo 同個headband 既accessories 好特別好靚阿
回覆刪除[SkyBlue回覆09/02/2009 11:39:00]多謝呀,係我之前兩三日去搵我MUA時佢suggest我咁整o架,於是我跟住佢俾我張相買o左d類似o既草同花仔,我都好鍾意呢個頭呀!!
真係好鐘意你上晝呢個頭~好fashion~
回覆刪除我年頭果時都有斟茶係晚輩架, 係叔仔囉~ yo! 因為晚輩唔使跪, 所以個幅相好好笑....三條友係....好豪咁「飲! 乾左佢! 」
[SkyBlue回覆09/02/2009 15:35:00]多謝你呀,化妝師應記一功呀!!!希望你都鍾意我下個look啦,我會盡快post呢,嘻!!
汽球當炮竹, 都幾新鮮啊
回覆刪除[SkyBlue回覆09/02/2009 15:36:00]係呀,佢想打鑼打鼓呢,老人家都係鍾意熱鬧!!
哈哈..你99 very creative...用波波當炮掌都比佢地唸到．．．勁爆！！
回覆刪除[SkyBlue回覆09/02/2009 15:37:00]係呀,佢好似都係學人咋,佢成日話同一層樓另一個單位娶新抱時都係咁喎,所以佢都要嘈d等人知佢都娶新抱!!
你D 相影得真係好靚...完全加埋你GE 文字, 可以感受到O個日D 氣氛!
回覆刪除[SkyBlue回覆09/02/2009 15:39:00]嘻,知道你睇得開心,我會更加努力咁寫同揀相呀!!!yeah!!
對~我都想講你老爺奶奶襯過衫, 一定好重視你啦~~ 個頭真係最後果張先覺緑! 喜歡你個褂頭呀!!
回覆刪除[SkyBlue回覆09/04/2009 11:19:00]多謝你呀,我都好期待快d見到你各個靚造型呀!!!
Your in-laws were both in red to welcome you! Your updo's very well done, so neat.
回覆刪除[SkyBlue回覆09/09/2009 00:13:00]係呀,囍事呢,我諗佢o地都係特登著紅d,哈哈,我第一次見6299'情侶裝'...hahaha~!
褂妝都好靚呀
回覆刪除[SkyBlue回覆09/14/2009 11:32:00]thanks thanks :)
多謝你嘅詳細意見呀! 我add咗你做blog友...希望你唔好介意!!! 可能之後又會有嘢請教你^^
回覆刪除[SkyBlue回覆09/16/2009 23:43:00]haha,當然唔介意喇,歡迎歡迎!!!等我都add番你先!
呢個低調中的高調方法都好特別呀 ^^
回覆刪除開心事麻，正明佢好重事係入門呢 ~
[SkyBlue回覆10/02/2009 10:26:00]咁又係,其實佢都幾緊張,開心事張揚少少都無可厚非o既!!